Galasi 4:3 - Kwatay (Kuwaataay)

³ Úne yooŋ mo mifeeneŋ mu: h'úyemie hu naane biñi, úmoomi búsukateen bite ñúwejet ñite sembe su ñeeemo ñu t'etaam ye.

Galasi 4:3 Referans Kwoze

Kolos 2:20

Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:

Kolos 2:8

Arinaŋ toko kikawuun an atum'abuutuun nu búwesinato bite húŋgowulan, beeemo bu bibajut éñjeriŋ. Búwesinato naane bondu iŋi kajam bo t'ejoosan ite kúŋgowulan ku, nu tu ñúwejet ñeebaje ñu sembe ñite ñu t'etaam ye. Búwesinato bondu búnuutinoot ti Kiris.

Galasi 4:9

Bare hahiye naane árimeyie i Atambatun, man yooŋ iwarawar kaanu Atambatun ámeyiuun fu, buŋ b'arisooñe fu ariweteko iyu áriijeŋgin ñúwejet ñeebajut sembe, abe yooŋ ñibajut éñjeriŋ? Butum árimaŋamaŋi kasooñu áriyemi búsukateen bite te ño?

Galasi 2:4

Abajeebaj ejuusa kéenuusee kéeŋaabeina uni, kaanuku keejuk naane iriwaayene i ariike, aŋarkeyi naane írihinahin t'afeeneŋ ni Yesu *Kiris. Kámaŋamaŋi káhinu uni íriiyemi búsukateen bite Eluwa yite Esuwif i.

Galasi 4:31

Náami kújakuwe, únooto biñi bite anaare eeemo u ásukateen, úne bakañi kite anaare eenooto u ásukateen.

Epotor i 15:10

Náami iŋi naŋ n'ariŋes fu n'Atambatun? Ábuki fu ariŋesa kasejan kéeyilene ku bokonde buluwa b'árimeyie kaanuku humuum sifaaf úne, n'úne yooŋ úmusut káyini bisejo bo.

Eleetar i yi Pool akiñje i bakate ku Rom 8:15

Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

Saaŋ 8:31

Yesu n'aane Esuwif i kéeyilene ku te o: —Af'arijok ti hirim húuma, n'aŋ'áami aruun eriboora íima nu múniyo;

Esuwif i 7:16

Áhinutee éeyemi asaraha naane Eluwa i esoke i ti bakañi *Lefi; áhineehin éeyemi asaraha ti sembe site buroŋ beeyinaatee kábuju.

Galasi 4:25

Abe hirij hondu hite hu Sinayi heeemo hu Arabi, heemo fu naane Serusalem yite i hahiye, yeeemo i tu húsukateenaate hu, yo ni bakan keekine ku bo fe.

Galasi 3:19

Kame náami iŋi naŋ n'Eluwa yite Moyis esiiŋee fu? Éwutiyeneewutiyen ti hirim hondu hite h'Atambatun kaanuku yéewufoor kúŋgowulan ku wutin wooniin. Esiiŋasiiŋo bija kóyin k'añi ondu éenuutina u t'Aburaham abine ku, akina éekinineŋe u Atambatun n'asok Aburaham báhamin bu éewufooro naane aware i bibin káhinu. Eluwa yendu, t'emalaka t'Atambatun aŋaase fu eesaan yo húŋgowulan éereeŋinan yo ésuk i; o aamo fu *Moyis.

Májiye 11:28

«Aribin t'íñje aruun fe kéelaame ku abe n'ariniŋan, n'iŋ'íyihinanuun.

Eleetar i yi Pool akiñje i bakate ku Rom 7:14

Úmoomi kaanuku Eluwa i t'Atambatun t'énuutina fu. Bare íñje húŋgowulan barebare, íñje yooŋ ásukateen ite kaahoofoor ku.

2 Korent 11:20

Aŋ'árimuñ kane káhinuun naane búsukateen, ni kane kameruun, ni kane kabuutuun, ni kane kaheebuun, ni kane karofaŋatuun.

Galasi 4:2

awarawar kajamu ti bakan keeemo ku ti kajukar koone, akina n'ebaj yeene, ayak abin áami simit si faafo asoke su sireeŋa.

Galasi 4:8

Hítiyar hu, t'árimeyioorut Atambatun, aruun búsukateen yéeni bite buroon beenooto etambatun ite nu múniyo.

Galasi 4:24

Bondu búwufoorawufoor úne bike: haare hondu kámoomi naane *wujamoor wúsuba. Kítiyar ku (keeemo ku Agaar) kúwufoorawufoor kaajamoor k'Atambatun áhine ku nu *Moyis ti hirij hihi kaane Sinayi. Biñi bite kaajamoor kondu kabukeebuk búsukateen.

Esuwif i 5:12

Afiyee naane ariware i yéeni kaliiken bakaaku buroon bite Atambatun, bare arisawulasawulo ake asooñ aliikenuun buroon bítiyar bu bite hirim hite Atambatun. Hahiye miin m'arisawulee fu mite kájuwu, ábuki ariyinaat buñoofo maanu wéekunde.