Galasi 3:1 - Kwatay (Kuwaataay)

¹ Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

Galasi 3:1 Referans Kwoze

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

Kafeeñal ku 2:20

Bare b'ítaañiane bu t'awe beemo fu bonde: a̱wasawas Sesabel, anaare ondu eeene u akina aamo *ayiŋana ite Atambatun eebuut bakan kúuma ti naane aa aliikeniin huŋotu hu ni bakan ki kaseñeit, ni kateŋu kite efuwa yite sunuk *seesarahee tu ñúwisenum.

Galasi 1:6

Ítumbatumba ijahale dómbokun naane ariemo i ti káwuŋgu Atambatun kiñaawu ahil iye, akina eeruwuun u ti kajaku kite *Kiris, ariisooñ arijok ti hike hirim heetoofe.

1 Piyeer 4:17

Hunak hite Kajoonan ku hireeŋa, abe t'ajab ti bakan kite Atambatun. Abe arko keejab t'úne, buŋ fíya bi bija fu búmuje ni keeteñekee ku káyilen Hirim Heetoofe hite h'Atambatun?

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.

Esuwif i 11:8

Káyilen kíkinineŋe fu *Aburaham n'ájeŋgin h'Atambatun aruwo hu eeeno aja t'ésuk y'aware i bibin kawunio. N'anuut b'áyemie bu eeja t'ámeyiit yooŋ t'aja du.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Galasi 4:9

Bare hahiye naane árimeyie i Atambatun, man yooŋ iwarawar kaanu Atambatun ámeyiuun fu, buŋ b'arisooñe fu ariweteko iyu áriijeŋgin ñúwejet ñeebajut sembe, abe yooŋ ñibajut éñjeriŋ? Butum árimaŋamaŋi kasooñu áriyemi búsukateen bite te ño?

Galasi 3:3

Aruun áritumbut aribaj ii kikaw? Ni sembe site Búwejet bite Atambatun n'arijabe fu; ariihabanoor hahiyu ni sembe soonuun?

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

Efees 5:15

Náami áriwasiyoor jak tu kunoŋk koonuun. Atum'aŋ'arinoŋk naane busoŋ, bare arinoŋk naane kúwesina.

1 Timote 6:4

an ondu an eeyitooree, abe ámeyiit doon. Kámaŋi kite sulob su, ni síjeeŋoor su iŋ'ite kirim ku kúmoomi te o naane kásomut. Toko ti bíhiñanoor bu t'ufu búnuutin, ni síñakoor su, ni bílafatinool bu, ni biyinoor beejakut bu ti bakaaku,

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

1 Korent 11:26

Ábuki híhinin fe h'ariteŋe humburu honde, abe n'árihujo t'ekot yende, áriwufoora kaanuku Anahaan u aketaket, abe bondu bija yooŋ kóyin k'ábatikein ku.

1 Korent 2:2

Ábuki h'ibine hu t'aruun, íhabaneinohabanein kaanuku it'isok bike fe, kane arko bite bu Yesu *Kiris eeyoolee u *t'ekuruwa i.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

Eleetar i yi Pool akiñje i bakate ku Rom 2:8

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Epotor i 6:7

Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Kafeeñal ku 18:3

Ábuki biheet bu fe búhujahujo t'ébiñ ite bufurukato bite te yo beehahe bu biyak uŋu búwusan. Bákayi kite etaam i kaŋotaŋot ne yo, abe éjulaata i bakate t'etaam i káyemia kusaanum t'ebaj yeene yeehahe i yite bufurukato bu.»

2 Tesalonik 1:8

O bibin ti kaañen kómbokun kaanuku eenij ásuf ti kéemaŋiit ku kámeyi Atambatun, abe n'iŋi kateñeko káhinu naane Hirim Heetoofe hite h'Anahaan ite úne Yesu *Kiris husoke i.

Efees 3:8

Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

2 Korent 10:5

nu doon fe dite jísaŋg deesiiŋanee dite káfibu ésuk i kaanuku itim kámeyi Atambatun. Iŋ'irijok yooŋ biyinoor bu fe irikul, kaanuku íriihin bo béejeŋgin Kiris.

Eleetar i yi Pool akiñje i bakate ku Rom 10:16

Bare ésuk íiit ereyi éjeŋgine fu Hirim Heetoofe hu. Múniyo *Esayi aanaan: «Atemit, aañ áyilene fu báhamin bite b'uni?»

Hirim Heetoofe hu hi Luk akiñje hu 24:25

Náami Yesu eeeniin: —Arisoŋotaa teereŋ! Árikurakuri fu naane ti káyilen kite b'eyiŋana yite Atambatun kasoke bu fe!

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Májiye 7:26

Abe an fe eejame bonde b'isoke bee, abe áhinut naane isoke i bo, aliikeeliik n'an eesoŋotee, eenute enuuf yeene ti baaliisiw.

Epotor i 16:6

Búwejet Beenabe bu ni biteñeko kaanuku Pool ni Silas keewaare hirim hite Atambatun tu búsuk bite Asi; náami keekan Firisi ni Galasi.

Galasi 1:2

Íñje ni *kéeyilene ku keeemo ku beebe fe írikiñjinuun fee aruun bakate ku Galasi kéeyilene ku. Uni bokondu ti kasokuuun bonde:

Galasi 5:11

Kújakuwe, arko múniyo iroŋa ti kawaare ésuk i eeniin kawarawar kateyi karam, n'iroŋ fíya ti káhihinooree? Arko fu yéeni múniyo, an man aŋk'átaañian t'íñje ti bimb'iwaare bite eket ite Kiris *t'ekuruwa i.