Galasi 2:4 - Kwatay (Kuwaataay)

⁴ Abajeebaj ejuusa kéenuusee kéeŋaabeina uni, kaanuku keejuk naane iriwaayene i ariike, aŋarkeyi naane írihinahin t'afeeneŋ ni Yesu *Kiris. Kámaŋamaŋi káhinu uni íriiyemi búsukateen bite Eluwa yite Esuwif i.

Galasi 2:4 Referans Kwoze

Eleetar i yi Sud akiñje i 1:4

Ábuki abajeebaj bakan keejakut, kéenuusee kéeyoosein t'aruun. Iŋi kawetekanoor hirim heesoke hu mite kajaku kite Atambatun ite úne, kaanuku kéeyini káhinu beejakut naane hutoofiin i. Iyu ifi kateñeko Yesu *Kiris eeemo u Aseef ite úne unoono, n'Anahaan u yooŋ toko. Afiyeefiyo naane *Míkiñjin mu musoke i buŋ b'Atambatun aja fu kaniju tu boko.

Galasi 5:1

*Kiris aramaram úne kaanuku utum'uŋk'úyemi búsukateen bite Eluwa yite Esuwif i. Náami arijok alitee, atum'aŋk'arisooñ áriyemi búsukateen.

Galasi 4:3

Úne yooŋ mo mifeeneŋ mu: h'úyemie hu naane biñi, úmoomi búsukateen bite ñúwejet ñite sembe su ñeeemo ñu t'etaam ye.

2 Korent 11:26

Keehooje-hooj kane íyemi ti kátuki, iŋ'ijuk kúnuur tánotan: tu wuyelu wu kane kaasiiŋ ku kibin, ni t'énukenoora i. Iŋ'ijuk kúnuur ti bakanam Esuwif i, ni ti keenooto ku yooŋ Esuwif. Iŋ'ijuk kúnuur tu búsuk bu, ni t'eramba i, ni ti han hu. Iŋ'ijuk kúnuur ti keenooto ku bakati úne nu múniyo.

1 Saaŋ 4:1

Kújakuwe, aruun k'ímaŋie-maŋie ku, atum'áriyilen ésuk i fe kiŋki kaane Búwejet Beenabe bu bondu tu boko. Ariŋesiin kep ariijuk man búwejet bi kabaje bu, t'Atambatun tu búnuutina. Isokuunsok bonde ábuki kiŋki kajuus kaane boko kaamo *eyiŋana yite Atambatun bokondu t'etaam i, abe kahoojahooj.

2 Piyeer 2:19

Iŋi kaaniin karoŋut káyemi búsukateen bite eluwa i, abe bare boko kumuumiin búsukateen bite wúfaŋi wu wuwu wútowutaniin. Ábuki huruw-ruw fe ásukateen ite doon deehaŋo.

2 Timote 3:6

Bakaake tu boko iŋi kayoosorooro sunuuf su, abe n'iŋi kabuut haare hu kéeniyeit ku keejam tu boko. Haare hondu kaniŋananiŋan wuhoofoor taŋ, abe wúfaŋi wánowan w'ifi kanaban.

Galasi 5:10

Bare Anahaan u áhinahin hikawam heeyaŋg t'aruun. Bukuuramkuur kaanuku at'ariyinoor beewayee nu búuma bu. Bare an u aa ábuj ii siheluun, are buŋ m'are, Atambatun kaniju te o.

2 Korent 11:20

Aŋ'árimuñ kane káhinuun naane búsukateen, ni kane kameruun, ni kane kabuutuun, ni kane kaheebuun, ni kane karofaŋatuun.

2 Korent 11:13

Bokondu épotoriit bakate nu múniyo. Iŋi kajuus ésuk i tu burok booniin, abe n'iŋi kásik búnokoorum bite epotor bakate Kiris keebuut ésuk i.

2 Korent 3:17

Diye Anahaan u aamo fu Búwejet bu, abe tu Búwejet bite Anahaan u beemo du, Eluwa i et'ékini toko an.

Epotor i 20:30

Abe bakaake t'aruun kumuumuun kasoku báhamin bite haajuus kaanuku keeñak kéeyilene ku.

Epotor i 15:24

Irijamajam kaanuku bakaake bakate t'uni kajauunja kábuju sihel ni kirim kooniin. Úniiit íriboñiniin.

Epotor i 15:1

Bakaake háyine ni kánuutin *Súde keebin Antiyoos, abe ni káyemi ti kaliiken *kéeyilene ku iŋi kaaniin: «*Afut'ariteyanee karam naane *t'Eluwa yite Moyis esoke du, at'áriyini kafaku.»

1 Piyeer 2:16

Buroŋ boonuun bíyemi bite bakan keenuute tu húsukateenaate. Bare atum'ariyinoor n'ariene makamu ariroŋut búsukateen, áriyinooni kánuusu kunoŋk keejakut. Arinij naane eroka bakate Atambatun.

Galasi 4:25

Abe hirij hondu hite hu Sinayi heeemo hu Arabi, heemo fu naane Serusalem yite i hahiye, yeeemo i tu húsukateenaate hu, yo ni bakan keekine ku bo fe.

2 Korent 11:17

B'ija bee kasoku, íñje káhamin káanukiiit naane Anahaan u ámaŋie i, bare iimak naane esoŋ.

Eleetar i yi Pool akiñje i bakate ku Rom 8:15

Abe Búwejet b'Atambatun awunuun bu bíteiit káhinuuun áriiyemi búsukateen, ariisooñ áriyemi bukoloow. Bare Búwejet b'awunuun bu bite káhinuuun áriiyemi bakañio. Bo b'ifi bitiŋg úne núutaŋk úeno: «Aba, Faafa!»

Galasi 1:7

Káanukiiit man abajeebaj hike hirim heetoofe, aaa, abajutee. Bare abajeebaj bakan keeemo ti kábujuuun sihel, kéemaŋie kawetekanoor Hirim Heetoofe hite hu Kiris.

Saak 1:25

Bare an eejondomane jak t'eluwa yeejoŋoore i, af'ajok te yo alitee, Atambatun kásoniyano tu doon fe d'áhine. An ondu awarut kajamatan kaanuku eebin eefiil, bare áhin naane esoke i. Yo ef'enuutan úne tu húsukateenaate hu.

Hirim Heetoofe hu hi Luk akiñje hu 5:38

Aaa! Bunuk bíyeni uŋu búyunanee ti bikeen bíyeni!