Galasi 2:12 - Kwatay (Kuwaataay)

¹² Hítiyar hu, aŋ'añoofo t'afeeneŋ ni keenooto ku Esuwif *kéeyilene ku. Bare hi bakaake t'Esuwif i kéeyilene ku kéeyemie ku ni Saak káreeŋina hu, n'atey keenooto ku Esuwif, aŋkut añoofo nu boko t'afeeneŋ. Áhinahin bondu aŋarkeyi naane ákolakoleyi Esuwif i keebine ku, ábuki kaanaan keenooto ku Esuwif kéeyilene ku kawarawar *katey karam.

Galasi 2:12 Referans Kwoze

Epotor i 10:28

N'aaniin: —Árimoomi kaanuku Eluwa yite y'uni eenaan Asuwif awarut kariboor n'an eenooto Asuwif, man yooŋ n'ayooso te o. Bare Atambatun áwufooramwufoor kaanuku iwarut kajuku an n'eene akuurut, man yooŋ áñeyañeyi.

Hirim Heetoofe hu hi Luk akiñje hu 15:2

*Efarisiyeŋ i, n'émuse yite *Eluwa yite Moyis n'iŋi káŋuŋunoor kaane: —Áyin ondu, n'ehoofoora i kep n'af'ariboor, aŋ'añoofo yooŋ t'afeeneŋ nu boko!

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Galasi 2:9

Saak, Piyeer, ni Saaŋ ki kéeyilene ku kajoke ku naane eseef yeeniin, kajukajuk kaanuku Atambatun asejanam fu burok beejake bondu. Náami keesaan uni sumoŋu, íñje ni Barnabas, t'áami hahiyu kajoka ti bite b'uni. N'irijamoor kaanuku uni bija ti keenooto ku Esuwif, boko ni kaja t'Esuwif i.

1 Tesalonik 5:22

abe n'ariteñeko rakas doon fe deejakut.

Efees 2:15

Akina aneyane fu *Eluwa yite Moyis, nu buroon b'esoke bu kaanuku iŋi bíhinee. Iyu a akuukane fu Esuwif i ni keenooto ku Esuwif kéeyemi te o an afeeneŋ áyeni, káasuumaay keebaj.

Epotor i 12:17

Piyeer n'áhin emoŋio tu butumo kaanuku itim kaheñjoor. N'ayooso, abe n'asokiin buŋ b'Atemit anuutano fu t'ekulu i. N'áwutiyen aane: —Abe n'arisok bo Saak, ni bakaaku *kéeyilene ku. Ahaban, n'anuut eeja tike tiŋ.

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

Hirim Heetoofe hu hi Luk akiñje hu 5:38

Aaa! Bunuk bíyeni uŋu búyunanee ti bikeen bíyeni!