Galasi 2:11 - Kwatay (Kuwaataay)

¹¹ Bare hi Piyeer abine hu Antiyoos, ijoŋoorajoŋoor ne o íirahan te o, ábuki áhinut áwariee.

Galasi 2:11 Referans Kwoze

1 Timote 5:20

Kiŋki káhin wuhoofoor wu, a̱kamoor tu boko tu buhooŋu ésuk i, man bakaaku yooŋ ni kákoleyi.

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

2 Korent 5:16

Náami hahiye iŋkut irijok an naane ti bakate ku t'etaam ye kajoko du. Múniyo kóŋkeyin irijokajok Kiris naane ti bakate ku t'etaam ye kajoko du, bare hahiye iŋkut irijoko naane iyu.

Epotor i 15:1

Bakaake háyine ni kánuutin *Súde keebin Antiyoos, abe ni káyemi ti kaliiken *kéeyilene ku iŋi kaaniin: «*Afut'ariteyanee karam naane *t'Eluwa yite Moyis esoke du, at'áriyini kafaku.»

Eleetar i yi Sud akiñje i 1:3

Kújakuwe, aruun k'ímaŋie-maŋie ku, ítumbatumba ímaŋi kákiñjinuun iŋi naane Atambatun afakane i úne. Bare hahiye ijukajuk kaanuku iwarawar kákiñjinuun bike bite kayaŋgananuun kikaw, kaanuku man n'árituum uŋu múniyo mite Hirim Heetoofe h'Atambatun awune hu hiraanu bakan k'akino ku.

Saak 3:2

Úreyi fe uŋ'újuum kuhooj aa ti máhinar meehooje. An éejuumaariit ti báhamin, akina an eekuure but, akina an éeyinie bújokumooro áhabanein.

Galasi 2:9

Saak, Piyeer, ni Saaŋ ki kéeyilene ku kajoke ku naane eseef yeeniin, kajukajuk kaanuku Atambatun asejanam fu burok beejake bondu. Náami keesaan uni sumoŋu, íñje ni Barnabas, t'áami hahiyu kajoka ti bite b'uni. N'irijamoor kaanuku uni bija ti keenooto ku Esuwif, boko ni kaja t'Esuwif i.

Galasi 2:7

Aaa, kajukajuk kaanuku Atambatun aboñamboñ kawaare keenooto ku Esuwif Hirim Heetoofe hu, naane aboñe i yooŋ Piyeer eewaare ho Esuwif i.

Galasi 2:5

Bare abinut arko hikee-kee n'iriwasiin kéehin bondu, kaanuku múniyo mite Hirim Heetoofe hu ni miriiko iyu bija t'aruun.

2 Korent 12:11

Íhamina fu naane an eewene, bare aruun aritiŋgam fu. Aruun ariwaram fu yéeni kámuuru, ábuki hutoof yooŋ inooto doon tus, siñaab soonuun sans'ariene boko kaamo «*epotor kómbokun», bokondu kahaŋutam tu doon fe.

Májiye 16:23

Bare Yesu n'aweteko abe n'aane Piyeer: —A̱kambam «Setani»! Aw'ondiam ti kafitu, ábuki aŋ'a̱yinoor naane kúŋgowulan ku, bare náaneiit Atambatun.

2 Korent 11:5

Bare eenaan siñaab soonuun sans'ariene boko kaamo «*epotor kómbokun», bokondu kahaŋutam tu doon fe!

Epotor i 11:19

H'aamo hu Eejen ayoolee ahaban, *kéeyilene ku ni káhihinooree kayak kayisaloolo. Bakaake tu boko ni katey bija Fenisi, ni Siipur, n'Antiyoos, iŋi kakaro kawaare kep hirim heesoke hu iŋ'ite hu Yesu, bare t'Esuwif i t'ifi karaan.

Saaŋ 1:42

N'aja ne o ti Yesu. Yesu n'ajondoman te o abe n'aano: —Awe a̱amo fu Simoŋ, añi ite Saaŋ. Hahiye ésuk i kaanii Sefas. (Sefas, ho hifeeneŋ hu ni Piyeer, aamo fu «Elaaliñj».)

Epotor i 11:20

N'abaj bare bakaake bakate Siipur ni Siren kéeyilene keeje Antiyoos, abe ni kasok keenooto ku Esuwif Hirim Heetoofe hite h'Anahaan u Yesu.

Epotor i 11:22

Bakate ku Serusalem kéeyilene ku ni kajam bondu. Náami keeboñ Barnabas bija Antiyoos.

Epotor i 11:27

Tu kunak kondu, bakaake *eyiŋana yite Atambatun ni kanuut Serusalem keeja Antiyoos.

Epotor i 15:5

Bare bakaake Esuwif ti keeriboore ku *n'Efarisiyeŋ i abe ni kajok bítim bite Kiris, ni karito keeene: —Keenooto ku Esuwif kéeyilene ku kawarawar kateyanee karam, abe ni kasokee kéejeŋgin Eluwa yite Moyis.

Galasi 1:18

Abaj simit síhaaji, n'itik ija Serusalem kaanuku íriimeyioori ni Piyeer, abe n'iriiko bo ne o sirimaas súsuba barebare.