Galasi 1:6 - Kwatay (Kuwaataay)

⁶ Ítumbatumba ijahale dómbokun naane ariemo i ti káwuŋgu Atambatun kiñaawu ahil iye, akina eeruwuun u ti kajaku kite *Kiris, ariisooñ arijok ti hike hirim heetoofe.

Galasi 1:6 Referans Kwoze

2 Korent 11:4

Ábuki aŋ'árimuñal kiŋki kabin t'aruun keewaareuun ake Yesu eewayee ni i iriwaareuun u. Abe ake af'aane eewunuun bike búwejet beewayee nu Búwejet Beenabe b'aribaje bu, man yooŋ n'awaareuun hike hirim heewayee ni Hirim Heetoofe h'arijame hu t'uni, aŋ'árimuñalo.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

1 Korent 4:15

Ábuki hutoof yooŋ aŋ'aribaj eliikenauun bítim bite Kiris kaamo súñjune sumoŋu, faaf afeeneŋ taŋ ariyino fu kabaju. Abe múniyo tu buroŋ boonuun aruun ni Yesu Kiris, íñj'eemo fu faafuun aŋarkeyi naane íñje ijabe fu iwaareuun Hirim Heetoofe hu.

Epotor i 15:11

Íriyilenayilen bare kaanuku Anahaan u Yesu afakanafakan úne ti kajaku koone, naane yooŋ boko keenooto ku Esuwif.

Galasi 5:4

Aruun keeŋes ku kaanuku man Atambatun n'aane árijubajub iŋi naane árijeŋgine i Eluwa yite Moyis, ariwasoora ni Kiris, kajaku kite Atambatun n'áruuniit.

Eleetar i yi Pool akiñje i bakate ku Rom 10:3

Kánandinut buŋ b'Atambatun af'ajok ésuk i bakan kéejube, bare kaŋesaŋes kasiiŋan bifehe booniin bite kájubu ku. Iyu i kateñekee fu efehe yite Atambatun yey'éhin ésuk i kéeyemi bakan kéejube.

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.

Kafeeñal ku 22:21

Anahaan u Yesu aja ásoniyanuun arireyi fe.

2 Timote 2:1

Áñuumo, awe bare a̱baj sembe t'Atambatun, éewufoore u úne kajaku koone h'úhine hu t'afeeneŋ ni Yesu *Kiris.

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

2 Tesalonik 2:14

Bondu b'Atambatun aruwuun fu, éeŋaasann bo ti Hirim Heetoofe h'irisokuun hu, kaanuku man kikawuun nu kutoof yooŋ iŋi kániku kite Anahaan ite úne Yesu *Kiris. Bondu bibajabaj aŋarkeyi naane áriyilenayilen tu múniyo mu; bibajabaj yooŋ ti sembe site Búwejet Beenabe bu, béehinuun bu áriiyemi bakan kite Atambatun.

Eleetar i yi Pool akiñje i bakate ku Rom 5:2

Akina áfeŋgine fu úne bítim bu, kaanuku núumeyi kajaku k'Atambatun kaŋk'áwufoor úne aŋarkeyi naane úyilenayilen. Hahiye úsiiŋaa ti kajaku kondu jirib. Abe béekinineŋe bu kikaw úne n'uŋu kutoof beemo fu eyakar y'úbaje i yite kamaatu ku ti kániku kite Atambatun.

Saaŋ 9:30

Ániine u n'aaniin: —Kame it'ijok; áhinam iŋ'ijuk, n'aŋ'arisooñ ariene árimeyiit t'ánuutina du!

2 Piyeer 1:3

Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

1 Piyeer 1:15

Bare áriyemi bakan keenabe ti máhinar moonuun, naane Atambatun eeruwuun u anabe i yooŋ.

Mark 6:6

N'ajahale naane káyilenut i te o. Yesu n'aja ti kaaku kikinu keeemo ku ne bo aŋ'aliikeniin mite m'Atambatun.

Eleetar i yi Pool akiñje i bakate ku Rom 8:28

Úmoomi kaanuku doon fe deeyino kabaju kéemaŋie ku Atambatun, bokondu k'aruwe ku naane t'afiye du asok, aŋ'áhin do déeyemi deejake bija ti káasuumaay kooniin.

Eleetar i yi Pool akiñje i bakate ku Rom 8:30

Bakan kéekinineŋe ku Atambatun n'asoŋk bíhabaneina tu bondu, aruwiinruw yooŋ; k'aruwe ku, ajokiinjok yooŋ bakan kéejube; k'ajoke ku bakan kéejube, áhiniinhin yooŋ keemaat ti kániku koone.

2 Korent 2:17

Irinooto naane bakaaku keehooje kaa kiŋki kájula Hirim hite Atambatun. Uni iŋ'írihamin boone bu ajoŋoor júl, abe yooŋ tu buhooŋio naane eroka bakate Kiris, ábuki akina Atambatun aboñe fu uni.

Galasi 1:7

Káanukiiit man abajeebaj hike hirim heetoofe, aaa, abajutee. Bare abajeebaj bakan keeemo ti kábujuuun sihel, kéemaŋie kawetekanoor Hirim Heetoofe hite hu Kiris.

Galasi 1:11

Kújakuwe, íñj'endu ti kasokuuun bonde: Hirim Heetoofe h'iwaareuun hu, húŋgowulaniit átuute ho.

Galasi 1:15

Bare Atambatun afiyafiya ajifanam t'ibukoorutee, abe n'aruwam ti kajaku koone. Abe h'áhabaneina hu

Galasi 2:2

Ijaja bo aŋarkeyi naane Atambatun afeeñafeeñ t'íñje eeenam iwarawar bija bo. N'irijukoor ni *sifaaf site *kéeyilene ku job, abe n'íwufooriin Hirim Heetoofe hu hih'iwaare keenooto ku Esuwif, ábuki ímaŋiit kaanuku t'áami burok b'iroke bu, man yooŋ b'ija bu karoku ni bíyemi bite fuufu.

Galasi 2:5

Bare abinut arko hikee-kee n'iriwasiin kéehin bondu, kaanuku múniyo mite Hirim Heetoofe hu ni miriiko iyu bija t'aruun.

Galasi 2:7

Aaa, kajukajuk kaanuku Atambatun aboñamboñ kawaare keenooto ku Esuwif Hirim Heetoofe hu, naane aboñe i yooŋ Piyeer eewaare ho Esuwif i.

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

Galasi 5:14

Ábuki suluwa su fe, efeeneŋ yende ékumbaloole fu so; yo yeemo fu: «A̱warawar kámaŋi áwiyi húŋgowulan naane á̱maŋie i hikawi.»