Galasi 1:5 - Kwatay (Kuwaataay)

⁵ Atambatun aja ákini kániku ku hiraanu! Amiin.

Galasi 1:5 Referans Kwoze

Eleetar i yi Pool akiñje i bakate ku Rom 11:36

Ábuki doon areyi fe, akina áwuwane fu do, akina yooŋ ajoke fu doon areyi fe, abe doon areyi fe dibajabaj bija te o. Aja ákini kániku ku hiraanu! Amiin.

Kafeeñal ku 14:7

N'aŋ'ataŋk t'etiir aane: «Árikoleyi Atambatun, abe n'árinikano! Ábuki ewahatu y'aja i kajoonan kite kúŋgowulan ku ereeŋa. Árisukaay an éewuwane u bufor bu, n'etaam i, ni han hu, ni tánotan fe tu móhujo míniina meemo!»

Kafeeñal ku 7:12

ti kaanu: «Amiin! Atambatun ite úne aja ákini hiraanu kuhooñu ku, ni kániku ku, nu búwesinato bu, nu kusokorooru ku, ni sembe su, ni kámaki ku! Úeno eyeehen ko kireyi fe! Amiin.»

Kafeeñal ku 5:12

Iŋi kahooñ kataŋk kaane: «Ametek éemootaaniee u ajare fu káyeki sembe su, n'ebaj i, nu búwesinato bu, ni kámaki ku, nu kusokorooru ku, ni kániku ku, nu kuhooñu ku!»

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

1 Piyeer 5:11

Sembe su síyemi soone su ko kireyi fe! Amiin.

2 Timote 4:18

O karamiam ti meejakut mánoman, abe o kajukaram kaanuku iibin iyooso ti Jáyi joone jite ju t'etiir. Aja ákini kániku ku hiraanu! Amiin.

1 Timote 1:17

Úsokoroor Áyi ite u hiraanu, abe n'únikano bija bandoor, akina Atambatun afeeneŋ u taŋ, éeketaariit u, éejukaariitee u yooŋ! Amiin.

Fílip 4:20

Úsal Atambatun Faaf úne ko kireyi fe! Amiin.

Efees 1:12

Náami iriisokorooro naane ahahe i, uni keeemo ku étiyar i ti kayakar ku ti Kiris!

Eleetar i yi Pool akiñje i bakate ku Rom 16:27

Atambatun eeemo u húwesina unoono aja ákini hiraanu kániku ku iŋi bi Yesu Kiris áhine bu! Amiin.

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Májiye 28:20

abe n'ariliikeniin kéehin buroon b'isokuun bu fe. Abe n'árimeyi bonde: íñje káyemi n'aruun ko kireyi fe, ayak abin áami yooŋ etaam i emoosena.

Májiye 6:13

Abe atum'a̱was uni iriiñakee ti kaahoofoor, bare a̱ram uni ti Setani.”

1 Korent 8:13

Iŋ'ite ho aamo fu efuwa y'iteŋe ef'ékinineŋ an éeyilene n'aney ti kaahoofoor, iroŋut hikee-kee kateŋu efuwa, kaanuku man itim'ibin ineyano ti kaahoofoor.