Galasi 1:10 - Kwatay (Kuwaataay)

¹⁰ Íñje fíya eemo ti kaŋesu man ésuk i n'esokorooram? Aaa, Atambatun i ímaŋie fu asokorooram. Íñje fíya eemo ti kaŋesu man ésuk i kikawiin nu kutoof t'íñje? Kane isooñ iŋes man ésuk i kikawiin nu kutoof t'íñje, man íyemi aroka ite Kiris.

Galasi 1:10 Referans Kwoze

1 Tesalonik 2:4

H'Atambatun ajuke hu t'uni, n'áwoolu kasaan uni Hirim Heetoofe hu iŋ'iriwaare ho. Kane íriyemi ti kawaare, kúŋgowulan kíiit k'if'iriŋes katoofu, bare Atambatun aa ajondoman tu suhol site s'úne.

Epotor i 5:29

Piyeer n'epotor i bakaaku ni kásafin kaane: —Atambatun i iriware fu kájeŋgin bala írijeŋgin kúŋgowulan ku.

Efees 6:6

Atum'árihin bondu kane káyemiuun ti kajukar barebare, kaanuku man n'aritoofiin. Bare áriñiŋkaan áriihin b'Atambatun ámaŋie bu naane búsukateen bakate Kiris.

Saak 4:4

Aruun fu bakan kéejubut! Árimeyiit kaanuku kámaŋi aduna i aamo fu kahuufu Atambatun? An af'ámaŋi kábuki n'aduna i, áhinooraa anatoora ite Atambatun.

Májiye 22:16

Ni kaboñ te o bakaake t'eriboora yeeniin, ni bakaake ti kéesiiŋooreina ku *n'Erod. Kareeŋ ni kaane Yesu: —Ámuse u, írimoomi kaanuku awe an ite bifeeneŋ, abe aŋ'a̱liiken ésuk i múniyo mu ti bítim bite Atambatun. Á̱koleyiit yooŋ an fe, ábuki á̱anaariit man an onde an ómbokun man yooŋ.

Kolos 3:22

Aruun búsukateen bu, árijeŋgin kéekiniuun ku bakate ku t'etaam ye tu doon areyi fe. Atum'árijeŋginiin kane káyemiuun ti kajukar barebare, kaanuku man n'aritoofiin. Bare árijeŋginiin nu suhol seekuure but, iŋi naane árijeŋgine i Anahaan u.

Eleetar i yi Pool akiñje i bakate ku Rom 2:29

Asuwif ite u nu múniyo, tu búwejeto t'aamo fu Asuwif, abe kateyi karam kite ku nu múniyo keemo fu kite ehol i. Karam kondu, tu Búwejet bite Atambatun tu kúnuutina fu, t'Eluwa yíiit yeekiñjee i. Asuwif ondu ite u nu múniyo, Atambatun af'asokorooro, kúŋgowulan kíiit.

1 Saaŋ 3:9

An fe eeemo añi ite Atambatun araana kahoofoor, ábuki buroŋ béenuutina bu t'Atambatun bondu te o. At'aŋk'áyini kakinu ti kaahoofoor, ábuki akina añi ite Atambatun.

2 Korent 12:19

Hahiyu tíme ariena man uni írihaminuun atoof iye kaanuku iriiŋes ekooŋ t'aruun, bare me? Aaa kújakuwe, aruun k'írimaŋie-maŋie ku, írihaminuunhamin hágila Atambatun naane eroka bakate *Kiris, abe irisokuunsok bonde fe kaanuku man n'arihaŋ kayanu ti káyilen ku.

Eleetar i yi Pool akiñje i bakate ku Rom 2:8

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Eleetar i yi Pool akiñje i bakate ku Rom 1:1

Íñje Pool aroka ite Yesu *Kiris ikiñje fee eleetar yende. Atambatun aruwamruw kaanuku íiyemi *apotor, abe n'ákajinam kaanuku iŋ'iwaare Hirim hoone Heetoofe hu.

1 Korent 10:33

Árihin naane íñje ii iŋes katoofu ésuk i ereyi tu buroon bu fe bimb'íhin. Iŋesut beejake bu bija t'íñje, bare beejake bu bija t'ésuk i ereyi b'iŋese fu kaanuku man ni kafak.

Májiye 28:14

Abe águwernoor u af'ajam bo, n'iŋ'iribuutoor ne o kaanuku atum'aribaj sílaam.

Epotor i 12:20

Buñoofo bite bakate ku Tiir ni Sidon, t'ésuk ite áyi u *Erod t'ufu búnuutin. Bare makamu kóŋkeyin Erod ayiŋatayiŋat tu boko, ni kajamoor kaane keeja keejuko. Ni káhamin ni Blastus, arima ite áyi u kaanuku eebin éeyokunaniin. Kahaban, ni kaja kajuk Erod keeeno káasuumaay ki kaŋese fu.

Májiye 6:24

—Abajut an éeyinie kájeŋgin kunahaan bákasuba y'afeeneŋ. O kahaŋu kámaŋi ake, o yooŋ kahaŋu kájeŋgin ake. Ariyinaat kajoku t'Atambatun, abe n'arijok yooŋ ti sírirem.

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.