Fílip 4:5 - Kwatay (Kuwaataay)

⁵ Áriwufoor ésuk i fe kaanuku árineenaneeni. Anahaan u bibin memee.

Fílip 4:5 Referans Kwoze

Májiye 6:25

—Iŋ'ite ho h'eenuun fu: atum'ariyinoor uŋu buroŋ bu ni siniuun. Atum'ariyinoor uŋu doon d'ariware du buñoofo nu búhujo, nu wañ w'ariware wu bisiimo. Buroŋ bu biliikutee nu buñoofo bu, eni i yooŋ eliikutee nu wañ wu, bare me?

Eleetar i yi Pool akiñje i Tit 3:2

Itim kasok t'an beejakut, itim yooŋ káyemi eloba, bare káyemi bakan kéeneenie, abe ni káwufoor ésuk i fe kunoŋk keejake.

Esuwif i 10:37

Múniyo *Míkiñjin mu meenaan: «Aroŋee diŋgilis, diŋgiŋgilis kep, an eeware u bibin n'aŋ'abin, abe bibin boone bikambut.

1 Piyeer 4:7

Kamoosen kite etaam i kulohena. Náami buroŋ boonuun buwarawar kajoŋoor, abe n'arijok kikawuun man n'áriyini kalawu.

1 Korent 6:7

Bare kajamooraate koonuun ariyak aŋ'ariŋes ejoonana, kúwufoorawufoor kaanuku arineyaney tiis. An af'áhinuun meejakut, man yooŋ n'ákuwatuun, ho húkoyie n'ariwaso iyu.

Esuwif i 10:25

Bakaake kafuna iŋkut kaja kéefimboor tand'afeeneŋ keelaw. Utum'úliikool nu boko. Bare úhaŋ kayaŋgananoor kikaw, ábuki arijuka kaanuku hunak h'Anahaan u ábatikein hu te ho hihaŋa kalohu.

Kafeeñal ku 22:7

Yesu n'aane: —Arijamatan, íñje bibin memee! Atoof t'an éejeŋgine u báhamin béenuutina bu t'Atambatun, beesokee bu ti kaawiit konde!

1 Korent 8:13

Iŋ'ite ho aamo fu efuwa y'iteŋe ef'ékinineŋ an éeyilene n'aney ti kaahoofoor, iroŋut hikee-kee kateŋu efuwa, kaanuku man itim'ibin ineyano ti kaahoofoor.

Májiye 6:34

Náami atum'ariyinoor iŋ'ite hu kuwaatu. Kuwaatu enoŋk yeeyinoor iŋ'ite te yo. Hunak fe ni bakola bite te ho.

Kafeeñal ku 22:20

An eeseedee u kaanuku bondu fe bite nu múniyo aane: «Hee, íñje bibin memee!» Amiin! A̱bin Anahaan u Yesu!

1 Piyeer 1:11

Búwejet bite bu Kiris búmoomi tu boko, abe busoŋka busok sílaam s'aware su kajuku, nu buroon béewarie-warie beeja bu káseina. Eyiŋana yendu ni kaŋes yooŋ kámeyi kaakaŋ, nu buŋ bu bondu bija fu kabaju.

1 Korent 9:25

Kiŋki káhin buroon bu naane kateyi ku bija ti síheekoor su, ajok étuum i, iŋi kajab kaliiken ásuf. Iŋi káhin bondu kaanuku man ni kabin kabaj hisiibanu héefiyaariit. Úne bare uŋ'úhin bo kaanuku man n'úbaj hisiibanu hite hiraanu.

2 Tesalonik 2:2

bakaake ifi kaanuun hunak h'Anahaan u ábatikein hu te ho hireeŋa, siheluun sija sibeb, atum'áriyileniin. Hutoof yooŋ ake ayiŋanuun bo tu huruwu hite Atambatun, man yooŋ n'awaareuun bo, man yooŋ ni kaanuun irikiñjakiñj bo t'eleetar, atum'árikoleyi.

Hirim Heetoofe hu hi Luk akiñje hu 21:34

—Arinaŋ toko kikawuun! Atum'ariniŋan siheluun ni biyinoor bite kiriy, n'éwusan, man yooŋ biyinoor bite buroŋ bu. Áriwasiit, hunak hu n'iŋi hijendanuun káfufu

1 Korent 16:22

An afut'ámaŋi Anahaan u, Atambatun aja áwuumoo! A̱bin, awe Anahaan ite uni!

2 Korent 10:1

Ésuk i kaane, íñje Pool, if'íyemi t'aruun, iŋ'iluubo luub, abe n'ifin ikambuun, n'iŋ'ibaj butum. Íñj'endu ti káwasiyanuun bonde ti *Kiris, eeemo u an éeneenie, abe n'ajak: