Fílip 4:17 - Kwatay (Kuwaataay)

¹⁷ Íñjeiit eeemo ti hiŋes kaanuku man n'ibaj dike doon t'aruun. B'ímaŋie bu beemo fu Atambatun ásoniyanuun iŋ'ite kawunu koonuun.

Fílip 4:17 Referans Kwoze

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.

Esuwif i 6:10

Atambatun ájubajub. At'afiil burok b'árihine bu, ni naane árimaŋio i. Áriwufoorowufoor kaanuku árimaŋiomaŋi ti naane áriyokunane i bakan k'akino ku, abe ariroŋa yooŋ n'áriyokunaniin.

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

1 Piyeer 5:2

arihaaw áwariee kaahaaw k'Atambatun ánihanuun ku. Atum'árihin kite bakan keenoŋkooranee, bare arinoŋk ariijukar ko naane t'Atambatun ámaŋie du. Atum'árihin burok bondu iŋi hiŋes ebaj, bare árihin bo aŋarkeyi naane ho hutoofuun n'áriyokunaniin.

Eleetar i yi Pool akiñje i Tit 1:7

Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

Fílip 4:11

Isokut yooŋ bonde aŋarkeyi naane íñje isawulee dike doon. Aaa, b'iliikene bu beemo fu bonde: ibajabaj, ibajut yooŋ, hikawam hutoofatoof.

1 Tesalonik 2:5

Árimoomi kaanuku írimusut kásoŋotiyanuun, abe Atambatun ámoomi kaanuku irimereit sírirem soonuun.

2 Korent 9:5

Iŋ'ite ho h'ijukere fu n'ilaw bakati úne bokondu eeniin kágilanam toko keebin t'aruun keetofotoor bondu beejake bii bite kawunu ku b'arifiye bu arisok. Iyu n'iŋi bifare kane íreeŋin, abe n'uŋu búwufoor kaanuku aŋ'ariwun árihabanein, ániit anoŋkooranuun.

Eleetar i yi Pool akiñje i bakate ku Rom 15:28

If'ija ayak abin áami isaaniin kuboñ ku, butum hahiyu íkolinaa tu bondu, n'iŋ'íŋaasin t'aruun iitik ija Esipañ.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

2 Korent 11:16

Iisooñ isok bo: an atum'ajokam naane esoŋ. Man yooŋ arko arijokamjok esoŋ, kame árimuñalam íñje yooŋ iimak dikee.

Eleetar i yi Sud akiñje i 1:11

Átaañi tu boko! Ábuki kasasa Kayin ti hiñaawu; káhinahin beejakut naane Balam kaanuku man ni kabaj sírirem; kátowutatowuto yooŋ ábuki kárahanorahan naane Kore.

2 Piyeer 2:3

Émuse yendu, káfaŋi kooniin kite sírirem su káhinu ni kasokuun báhamin bi kanoŋke kéetuut, kaanuku man ni kahoohuun. Bare afiyee naane kajoonan kooniin kisiiŋee i, abe at'ahul bútowuto booniin ni bireeŋ!

1 Timote 3:3

Awarut káyemi áhujaa ómbokun, awarut yooŋ káyemi aloba, bare awarawar káneeni, abe n'áyemi an ite káasuumaay. Awarut kanaŋu hikawo ti sírirem.

Fílip 1:11

Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

2 Piyeer 2:15

Kawasawas bítim beejoŋoore bu, abe ni kátowuto. Iŋi kasa ti hiñaawu Balam ayiŋana u, añi ite Bosoor, akina éemaŋie u ajaamee sírirem éehin meejakut.

1 Timote 6:10

Ábuki káfaŋi kite sírirem abuke fu beejakut bánoban. Bakaake kahaŋahaŋ bimero so kasooñen ni kawas káyilen ku, keesejanooro wúseñji weehooje.