Fílip 3:8 - Kwatay (Kuwaataay)

⁸ Abe it'iraan tu bondu barebare. Doon d'íhine fe, ijokajok do naane deejarut doon, iŋ'ite hu bonde beehaŋe bu bo fe, beeemo bu kámeyi kite Yesu Kiris Anahaan úuma. Iwasawas buroon bu fe uŋu hoone hu. Ijokajok bo naane bite káfiiten tu kuwos, kaanuku man n'ibaj Kiris,

Fílip 3:8 Referans Kwoze

Eleetar i yi Pool akiñje i bakate ku Rom 8:18

Bukuuramkuur kaanuku kaliiku kániku kite ku kuwaatu k'Atambatun aja ku káwufoor úne, ni sílaam s'úemo su te so hahiye, n'aŋ'áami so dóoniit fe.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Fílip 3:7

Iŋ'eene yéeni bondu búkooki éñjeriŋ t'íñje, bare hahiye iŋ'ijok bo naane beejarut doon fe iŋ'ite hu Yesu Kiris.

Saaŋ 17:3

Abe buroŋ béehabanaariit bu beemo fu kámeyii, awe Atambatun afeeneŋ u ite u nu múniyo, ni Yesu *Kiris a á̱boñina u.

Fílip 3:10

Doon d'ihaŋe du kámaŋi fe deemo fu kámeyi Kiris, ni sembe seeritano su t'eket i. Ímaŋamaŋi yooŋ kajuku sílaam naane akina, abe n'iket yooŋ naane akina.

2 Piyeer 1:3

Atambatun awunawun úne ti sembe soone doon fe d'úsawulee du kaanuku núuroŋ naane ámaŋie i. Áhinahin úne bondu iŋi kámeyi k'úmeyio ku, akina eeruwe u úne kaanuku núujuk kániku koone ni kajaku koone.

1 Korent 2:2

Ábuki h'ibine hu t'aruun, íhabaneinohabanein kaanuku it'isok bike fe, kane arko bite bu Yesu *Kiris eeyoolee u *t'ekuruwa i.

1 Saaŋ 5:20

Úmoomi kaanuku Añi ite Atambatun abinabin, abe n'awun úne búwesinato kaanuku núumeyi Atambatun ite u nu múniyo. T'Añio Yesu *Kiris t'úhine fu t'afeeneŋ n'Atambatun ite u nu múniyo. Añi u aamo fu Atambatun ite u nu múniyo, akina aamo fu yooŋ buroŋ béehabanaariit bu.

Saaŋ 17:8

ábuki isokiinsok kirim k'a̱saanam ku, abe kajokajok ko. Bukuuriinkuur kaanuku t'awe t'ínuutina fu, abe káyilenayilen yooŋ kaanuku awe á̱boñinam.

Saaŋ 14:20

Hunak hondu ifi hireeŋ, n'aŋ'árimeyi kaanuku íñj'endu ti Faafam, aruun bokondu t'íñje, íñj'endu yooŋ t'aruun.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

2 Korent 4:6

Ábuki Atambatun eeene u: «Meejaaŋe mu mija mijaaŋan t'ébaani i!» o yooŋ áhine fu meejaaŋe moone meejaaŋ ti sihel site s'uni, kaanuku man n'ajaaŋan uni ti kámeyi kite kániku koone kiŋki kisilan tu buhooŋu bite Kiris.

Saaŋ 14:7

Af'árimeyiam, n'aŋ'árimeyi yooŋ Faafam. Abe hahiye árimoomio, abe arijuko yooŋ.

Efees 4:13

Úreyi fe yooŋ n'uŋ'úyini káhinu t'afeeneŋ ti káyilen ku, abe t'afeeneŋ yooŋ n'úmeyi Añi ite Atambatun. N'uŋ'úhaat ti káyilen ku, abe n'uŋ'úre ti kareyi kite Kiris.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

1 Saaŋ 1:3

B'irijame bu abe n'irijuk, iriisokuun bo yooŋ kaanuku man n'árihin n'uni t'afeeneŋ, naane írihine i t'afeeneŋ n'Atambatun Faaf u, n'Añio Yesu *Kiris.

2 Timote 4:6

Íñje bare, ewahatu i ereeŋa y'iware i kásikiee *iisarahee, eket íima ereeŋa.

Saaŋ 20:28

Taamas n'aano: —Awe a̱amo fu Anahaan úuma, n'Atambatun úuma toko!

Saaŋ 16:3

Boko káhinu iyu aŋarkeyi naane kámeyiit Faaf u, kámeyiitam yooŋ.

1 Saaŋ 2:19

Bokondu bakan úneiit nu múniyo, iŋ'ite ho hi kanuute fu t'úne. Múniyo kane káyemi bakan úne, n'iŋi kariiko yéeni n'úne. Bare iyu i bije fu t'ahaŋ kakuuru kaanuku mayet afeeneŋ tu boko aamo n'úne.

1 Piyeer 2:7

Elaaliñj yendu ebajabaj éñjeriŋ yómbokun t'aruun *kéeyilene ku. Bare ti kéeyilenut ku, «Elaaliñj i y'enuta i káfiitene i yéeni, yo esooñe fu éyemi meeyane mite enuuf i.»

Galasi 1:16

kaanuku éewufooram Añio, man n'iŋ'ija iŋ'iwaare keenooto ku Esuwif Hirim Heetoofe hu heesoke hu moone mu, ijeit t'an eerimam;

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

1 Korent 9:10

Aaa, iŋ'ite h'úne h'asoke fii. Bondu bikiñjeekiñj ábuki an eeemo tu buwañ awarawar kayakar kabaju húrub hoone, naane yooŋ an eeemo t'eyotok.

Saaŋ 20:13

Emalaka i ni kaano: —Abuke, kame naŋ n'a̱yiy fu? N'aaniin: —Kayitayit ehunuŋ ite Anahaan úuma, abe ímeyiit ti kanaŋe du yo.

Hirim Heetoofe hu hi Luk akiñje hu 11:20

Bare naane aamo i Atambatun awunam fu sembe site kákutoor sirab su, Jáyi joone kame jíreeŋinuun.

Hirim Heetoofe hu hi Luk akiñje hu 1:43

Íñje ítumbe fu íyemi aañ, ayak abin áami íñaay ite Anahaan úuma abina t'íñje?

Fílip 1:1

Íñje Pool ni Timote, eroka yite Yesu *Kiris írikiñjinuun fee aruun arireyi fe, bakan kite Atambatun ki Yesu Kiris akino ku keeemo ku Fílip, nu kunahaan koonuun, n'ejokoora yeeniin.

Fílip 3:12

Eenut iheeka iibaj b'iŋese bu, man yooŋ iheeka iikuuranee but. Bare íñj'endu ti kateyi kep kaanuku man n'iheek íisik hisiibanu hu, ábuki Yesu *Kiris aheeka eejokam t'emoŋu.

2 Piyeer 1:2

Atambatun aja ahaŋuun kásoniyan, abe n'awunuun yooŋ káasuumaay keefame-fam iŋi naane árimeyiiin i, akina n'Anahaan ite úne Yesu Kiris.

2 Piyeer 1:8

Ábuki af'aribaj síjiko sondu, abe nu sulooñ t'aruun, so kákinineŋ kámeyi k'árimeyie ku Anahaan ite úne Yesu *Kiris ni kibaj éñjeriŋ, abe nu kubukoor meejake.