Fílip 3:21 - Kwatay (Kuwaataay)

²¹ Af'aja abin, o katitu sini site s'úne seebajut see sembe, éehin so seenokoor ni yeene i yéenike i. O káhinu bondu ni sembe sinsi síkinineŋ n'áhin buroon bu fe beejam te o.

Fílip 3:21 Referans Kwoze

Kolos 3:4

Kiris aamo fu buroŋ boonuun nu múniyo. Af'abin áŋaasin, n'aŋ'áriŋaasin yooŋ ne o ti kániku koone.

1 Saaŋ 3:2

Kújakuwe, aruun k'ímaŋie-maŋie ku, hahiyu úne biñi bite Atambatun, bare naane úja i kanokoor búwuforoorutee. Bare úmoomi kaanuku *Kiris af'abin ásooñin, úne káyemi naane akina, ábuki úne kajukio naane aamo i.

Eleetar i yi Pool akiñje i bakate ku Rom 8:29

Ábuki bakan k'asoŋke ku bijifan, asoŋka yooŋ bíhabaneina kaanuku eebin éehiniin keenokoor n'Añio, man Añio n'abin áyemi aneemak ite butoŋ beehooje.

Májiye 28:18

Yesu n'átofin abe n'aaniin: —Iwuneewun sembe tu buroon bu fe t'etiir bufor bu ni t'etaam i.

Májiye 17:2

N'ahosanooro toko hágilaiin. Buhooŋio uŋu bútumb bisilan naane taanak tu, abe wañ woone nu wufañj daŋ naane hiim hu.

Kafeeñal ku 1:8

Atemit, Atambatun eehaŋe u ebaja sembe aane: «Íñj'eemo fu átiyar u n'araan u toko, íñj'eemo u, íñje éeyemie u, íñje eebin u.»

Májiye 22:29

Yesu n'aaniin: —Árijuuma fu, ábuki árimeyiit *Míkiñjin mu, árimeyiit yooŋ sembe site Atambatun.