Fílip 3:20 - Kwatay (Kuwaataay)

²⁰ Úne bare bakan bakate t'etiir, abe úne bokondu ti kanahan kep Anahaan u Yesu Kiris éenuutin bo eebin eefakan úne.

Fílip 3:20 Referans Kwoze

Efees 2:19

Náami aruun keenooto ku Esuwif, aŋkut áriyemi emoosoora, man yooŋ bakan kéenuutina tike tiŋ. Hahiyu árihina t'afeeneŋ ni bakan kite Atambatun, aruun bakate tu butoŋ boone.

2 Korent 4:18

Ábuki kikaw úne kunooto tu buroon beejukanee bu; kondu ti beejukaneit bu. Beejukanee bu bífiyaariit, bare beejukaneit bu iŋi bifiyo hiraanu.

Esuwif i 12:22

Aruun bare arilohaloh hirij hite *Siyoŋ, ni hikinu hite Atambatun eeemo u buroŋ. Ho heemo fu Serusalem yite i t'etiir, t'emalaka k'an ayinaat kafinu kaamo du ti hiriy.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Efees 2:6

Atambatun aritanaritan úne t'eket i aŋarkeyi naane úhinahin t'afeeneŋ ni Yesu Kiris; ahaban, n'áhin úne núuriiko ne o t'afeeneŋ tu bufor bu.

2 Korent 5:8

Kikaw úne kiyaŋgayaŋg piŋ, abe b'úhaŋe bu kámaŋi beemo fu únuut ti sini sonde site s'úne, núuja úkin kaagoroor n'Anahaan u.

2 Timote 4:8

Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

1 Tesalonik 1:10

Aruun bokondu ti kanahan Añio eeyak u kánuutina t'etiir eebin. Añio ondu aamo fu Yesu a aritane u t'eket i. Akina afakane fu úne tu kúnuur keebin ku tu hunak hoone hite Kajoonan ku.

Esuwif i 9:28

Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.

Galasi 4:26

Bare kaajamoor kúsooboriyan ku keemo fu Serusalem yite i t'etiir. Enooto tu húsukateenaate, abe yo eemo fu íñaay úne.

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

1 Korent 1:7

Náami buroon b'Atambatun bamb'awun, bike bunooto toko b'aribajut, aruun keeemo ku ti kanahan kóyin k'Anahaan ite úne Yesu Kiris áŋaasin ku.

Epotor i 1:11

abe ni kaaniin: —Aruun bakate ku *Gálile, kame iŋi naŋ n'arisiiŋee fee diye aŋ'áriheelin bufor bu? Yesu ondu eeyitee i t'aruun eeja t'etiir, naane arijuko i ti bija bu, iyu yooŋ a aja fu bíbatikeina.

Májiye 19:21

Yesu n'aano: —Af'á̱maŋi kakuuru but, a̱ja a̱joohen buroon b'a̱baje bu fe, abe n'á̱sik sírirem su a̱wun keebajut ku. Af'á̱hin ii, n'aŋ'a̱baj t'etiir ebaj. A̱haban, n'aŋ'a̱bin á̱aseinam ti hiñaawu.

1 Tesalonik 4:16

Hunak hondu, úne kajamu ekaaw yómbokun yite buruw, ni kaaji kite aseef ite emalaka i, ni káabiinu kite Atambatun. N'aŋ'áami Anahaan u Yesu *Kiris humuumo n'aŋ'ánuutin t'etiir, éewanein. Kéeyilene ku te o abe ni kaket kaja fu kajabu káritein.

Hirim Heetoofe hu hi Luk akiñje hu 14:14

Iti káyinii kágalin, bare Atambatun kásoniyani, abe akina kágalini kane kéejeŋgino ku káritein t'eket i.

Kafeeñal ku 1:7

Arijuk, ondu ti bibin tu bufor bu! Ésuk i fe, bija yooŋ ni keeyao ku kajukio ni ñíkiniin. Búsuk bite t'etaam ye fe kayiyu uŋu hoone hu. Hee bondu kabaju! Amiin!

Fílip 1:10

áriiyini kajifan beehaŋe bu kajaku. Iyu, *n'aŋ'arikuur but, abe at'áriyini kawatanee tu doon hunak hi Kiris abin hu te ho.

Hirim Heetoofe hu hi Luk akiñje hu 12:21

Yesu n'áwutiyen aane: —Iyu yooŋ i beemo fu n'an aŋ'akuukan ebaj bija te o humuumo, abe bare abajut doon fe t'Atambatun.

1 Korent 15:48

Bakate ku t'etaam i kanokooranokoor n'an eerokee u ni baaliisiw bu. Bakate ku t'etiir ni kanokoor n'an éenuutina u t'etiir.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.