Fílip 2:7 - Kwatay (Kuwaataay)

⁷ Ajaja ayak abin áami anuuta t'áyemie du, éehinooro aroka. N'ayit búnokoorum bite húŋgowulan, an af'áheelin te o n'aŋ'aane húŋgowulan áraanno diyu tej;

Fílip 2:7 Referans Kwoze

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Galasi 4:4

Bare h'aamo hu hunak h'Atambatun ajoke hu hireeŋa, n'áboñin Añio, anaare éeyihinoo. N'ákuumanee t'Eluwa yite Moyis

Esuwif i 4:15

Asaraha ómbokun u úbaje u, káanukiiit man butumo bunooto ti sílaam site s'úne. Aŋeseeŋes kañakiee ti kaahoofoor kánokan naane úne, bare ahoofoorut mayet.

Eleetar i yi Pool akiñje i bakate ku Rom 15:3

Ábuki *Kiris aŋesut káhinu beetoofo bu. Bi *Míkiñjin mu musoke bu bibajo fu. Meenaan: «Atambatun, kílafatinu ki kálafatini ku fe, íñje i kálafatine fu.»

Esuwif i 12:2

Úsik ñíkin úne únaŋ ti Yesu éefeŋgine u úne bítim bu núubaj káyilen, abe o aja fu káhinu ko keehaŋ kayanu. Ámuñamuñ keeyoolo *t'ekuruwa i, abe ajukerut yooŋ iŋ'ite ñufuñ ñeeemo ñu t'eket naane yendu, ábuki aŋandanaŋandan katoofu keefaree ku bija te o. Hahiyu ariikaa inde *baatos báariikeim bite Atambatun bite híyiaate hu.

Hirim Heetoofe hu hi Luk akiñje hu 22:27

Aañ ahaŋe fu tu bokonde: an u i kahuŋe u eeñoofo, man yooŋ aroka oone? Eeman an u i kahuŋe u? Bare íñje t'aruun, ímoomi naane aroka u!

Eleetar i yi Pool akiñje i bakate ku Rom 15:8

Iisokuun bonde: Kiris abinabin éeyemi aroka bija t'Esuwif i. Áhinahin bondu kaanuku éereeŋinan b'Atambatun abine bu asok sifaafiin, aaniin o káhinu, éewufoor kaanuku Atambatun an ite bifeeneŋ.

Fílip 2:6

akina eefiye u áyemi boko k'afeeneŋ ku n'Atambatun, aŋesut káhinu kaanuku man n'are ne o.

Májiye 12:18

«Atambatun aane: an onde af'áhin naane isoke i, akina i ijifane fu, o i ímaŋie fu, te o ti hikawam hutoofe fu. Íñje kahoojano nu Búwejet búuma, abe o káwufoor bakate t'etaam i fe bítim beejake bu.

Esuwif i 13:3

Áribaŋino keeemo ku tu bukulu bu, anokoor naane aruun nu boko ariemo fii te bo. Áribaŋino yooŋ kéehihinooree ku, anokoor naane arijukajuk sílaam naane boko.

Eleetar i yi Pool akiñje i bakate ku Rom 1:3

Husokasok bite bu Añi oone Yesu Kiris Anahaan ite úne. Abukeebuk naane húŋgowulan tu noota nite áyi u *Dafit, bare h'aritanee hu t'eket i, Búwejet Beenabe bu búwufoorawufoor ni sembe-sembe kaanuku akina Añi ite Atambatun.

Mark 9:12

Yesu n'aaniin: —Múniyo Eli aware kajabu abin, eefare buroon bu fe. Iŋi naŋ ni *Míkiñjin mu musoke fu meene: Añi ute Húŋgowulan hu kajuku sílaam, abe yooŋ o káhihinooree?

2 Korent 13:4

Múniyo atibeetib *t'ekuruwa ti kabajaate koone kite sembe su, bare ondu tu buroŋ ti sembe site Atambatun. Uni yooŋ írihinahin ne o t'afeeneŋ ti kabajaate kite k'uni kite sembe su, bare uni bokondu tu buroŋ ne o ti sembe site Atambatun, abe ne so n'irija fu karoku t'aruun.