Fílip 2:3 - Kwatay (Kuwaataay)

³ Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

Fílip 2:3 Referans Kwoze

Eleetar i yi Pool akiñje i bakate ku Rom 12:10

Árimaŋioori naane bakati. Árihabanein ti kájeŋgin kite bakaaku.

Galasi 5:26

Utum'úyitooro, utum'uŋ'úlob, utum'uŋ'úhiñanoor yooŋ.

Efees 5:21

Árijeŋgin bakanuun, boko yooŋ ni kájeŋginuun iŋi naane arijoke i *Kiris nu sumoŋu súsuba.

Efees 4:2

Ko kireyi fe áritetianooro, árineeni yooŋ, abe n'aŋ'árimuñ. Árimaŋioori, abe n'aŋ'árimuñalool.

1 Piyeer 5:5

Aruun yooŋ biñi bu, árijeŋgin sifaaf su. Abe aruun arireyi fe *kéeyilene ku, atum'aŋ'ariyitooro tu búyokunanoor bu, ábuki *Míkiñjin mu meenaan: «Atambatun aŋ'ásokum kiŋki kayitooro; kéeyitooraariit ku aŋ'áwufooriin kajaku koone.»

Fílip 2:14

Doon fe d'ariemo ti káhinu, atum'arifutanoor, síñakoor yooŋ itim sibaj toko,

Galasi 5:15

Bare af'aŋ'aritakoor, abe n'aŋ'arinufanoor, arinaŋ toko kikawuun kaanuku atum'aribin áribujoor.

1 Timote 6:4

an ondu an eeyitooree, abe ámeyiit doon. Kámaŋi kite sulob su, ni síjeeŋoor su iŋ'ite kirim ku kúmoomi te o naane kásomut. Toko ti bíhiñanoor bu t'ufu búnuutin, ni síñakoor su, ni bílafatinool bu, ni biyinoor beejakut bu ti bakaaku,

Hirim Heetoofe hu hi Luk akiñje hu 18:14

Yesu n'áwutiyen aane: —Íñje isok fee n'aruun: h'asaa ite búhal bu áwaneina hu eeyeet, wuhoofoor woone wuboŋketee fu, bare wute wíiit Afarisiyeŋ u. Ábuki an fe eeyitooree, o kawananee, abe an fe eewananooree, o kayitiee.

Kolos 3:8

Bare hahiye, ariwas bonde fe: kajoku an tu suhol soonuun, ni kayiŋat, ni bánafut. Kílafatinu kuwarut kánuutina tu ñutumuun, ni báhamin yooŋ beefute fe.

2 Korent 12:20

Íkolakoleyi n'ija ibin, n'íŋaabeinuun tu buroŋ beetoofutam, aruun yooŋ n'arijamam ti kasokuuun beetoofutuun. Íkolakoleyi bíŋaabeina t'aruun síheñjeŋoor, ni bíhiñanoor, ni kayiŋatoor, ni kabatikanoor, ni bílafatinool, nu búsokoor meejakut, ni biyitooro, ni kajoŋooraate.

1 Korent 3:3

ábuki buroŋ boonuun búmoomi naane bite bu bakate ku t'etaam ye. Naane aamo i aŋ'arihiñanoor abe yooŋ aŋ'ariheñjeŋoor, eeman aamo fu árimoomi naane bakate ku t'etaam ye, máhinar moonuun yooŋ naane mite bakate ku t'etaam ye?

1 Korent 15:9

Múniyo íñj'eemo fu biraanu bite epotor i fe, abe iwarutee yéeni kaanu apotor, ábuki íhihinoorahihinoor *kéeyilene ku.

Eleetar i yi Pool akiñje i bakate ku Rom 13:13

Únoŋk ajakee naane aa anoŋkee mijiniŋga raŋgaw. Úwas buñoofo beehahe bu, n'éwusan i; úwas huŋotu hu ni bakan k'úseñeit ku, nu bufurukato bu; úwas síheñjeŋoor su, ni bíhiñanoor bu.

Eleetar i yi Pool akiñje i bakate ku Rom 2:8

Bare kiŋki kárahan te o, kájeŋginaariit yooŋ múniyo mu, abe n'iŋi kawas meejakut mu méekiniiin, o káwufooriin kaanuku ayiŋatayiŋat ni sembe.

Kolos 3:12

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

1 Piyeer 3:8

Hirim húuma hiraanu hu honde: aribaj biyinoor bifeeneŋ, abe n'arijamoor yooŋ. Árimaŋioori naane bakati; áriyemi bakan kéeneenie, abe atum'ariyitooro hágila bakanuun kúŋgowulan.