Fílip 2:12 - Kwatay (Kuwaataay)

¹² Náami kújakuwe, aruun k'ímaŋie-maŋie ku, árijeŋginamjeŋgin ko kireyi fe h'íyemie hu n'aruun; bare hahiye naane aamo i inooto t'aruun, ariwarawar kahaŋu kájeŋginam. Áriñiŋkaan ariirok áriiwufoor kaanuku arifakafak, abe n'árihin bo ti kábitu ni sembe hágila Atambatun,

Fílip 2:12 Referans Kwoze

1 Korent 15:58

Náami kújakuwe, aruun k'ímaŋie-maŋie ku, arijok alitee, abe n'arisiiŋo ayan faŋ. Áriñiŋkaan ko kireyi fe áriihin burok bite b'Anahaan u, ábuki árimoomi kaanuku burok bamb'arirok bija te o, búrokiit káfiiten.

Esuwif i 4:11

Náami úñiŋkaan man n'úbin úyooso toko t'úware du kayihu, ake t'úne atum'abin ateñeko kájeŋgin Atambatun naane sifaaf úne t'eramba i, abe n'áyoosaati toko.

1 Piyeer 2:11

Kújakuwe, aruun k'ímaŋie-maŋie ku, aruun keeemo ku emoosoora t'etaam ye abe yooŋ at'arifiyo, waasuun, ariwas wúfaŋi weejakut wu, ábuki uŋu wutiik n'aruun.

Májiye 11:29

Arijam t'íñje, abe n'ariwasam íiwuforooruun, ábuki íneenaneeni abe iŋ'ímuñ yooŋ; n'aŋ'ariyih.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

2 Piyeer 3:18

Bare arihaŋ kajoku alitee t'Anahaan ite úne Yesu *Kiris, n'Afakana ite úne yooŋ toko, man n'arihaŋo kámeyi, abe n'ahaŋuun yooŋ kásoniyan. Aja ákini kániku ku hahiye nu ko kireyi fe! Amiin.

Esuwif i 5:9

H'aamo hu *akuuranee but ahaban, n'áyemi ti kiŋki kájeŋgino kareyi fe an u aa afakaniin hiraanu.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

Esuwif i 4:1

Atambatun asokasok úne aane úne buyooso t'afaree du kaanuku núubin úuyih toko. Náami makamu bondu b'asoke bu buroŋa ni bisiiŋo bija t'úmiye, arinaŋ toko kikawuun, ake t'aruun atum'abin áhuunan, éeriikein inde hiñaawu.

Esuwif i 12:1

Eseede keehooje-hooj kaŋoloolaŋolool úne. Náami úne yooŋ útuyinooro doon fe deekolene bija bite b'úne, ni kaahoofoor ku kuŋku kukolen yooŋ úne ti meehile jab, abe n'úñiŋkaan núutey kateyi k'úsokee ku.

Fílip 4:1

Náami kújakuwe, aruun k'ímaŋie-maŋie ku, arkaam kasooñu íheelin t'aruun dómbokun. Ábuki aŋ'árihin hikawam heetoof, abe n'aruun yooŋ n'if'isaŋgoor. Iŋ'ite ho aamo fu waasuun, arijok alitee tu buroŋ boonuun n'Anahaan u.

Eleetar i yi Pool akiñje i bakate ku Rom 2:7

Atambatun kawunu buroŋ béehabanaariit bu kiŋki káñiŋkaan ti káhinu kite meejake mu. Tu bondu t'ifi kaŋes kániku ku, nu kusokorooru ku, nu buroŋ béehabanaariit bu.

1 Tesalonik 1:3

Iŋ'iriboo bíbaŋino hágila Atambatun Faaf úne buroon bamb'árihin béewufoore bu káyilen koonuun ti Yesu, nu buŋ b'áriñiŋkaane fu tu burok aŋarkeyi naane árimaŋiomaŋi, nu buŋ b'eyakar yeenuun t'Anahaan ite úne Yesu *Kiris eyane fu.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

2 Korent 7:15

Kámaŋi k'ámaŋiuun ku iŋi kihaŋ kane ábaŋino naane árijeŋgino i arireyi fe, ni naane arijoko i áwariee n'ekoloowe, abe ti kábitu yooŋ.

1 Korent 2:3

Iŋ'ite ho h'ibine fu t'aruun ni kabajaate kúuma sembe, ti kábitu yooŋ ekoloowe yéekinineŋ.

Efees 6:5

Aruun búsukateen bu, árijeŋgin kéekiniuun ku bakate ku t'etaam ye. Árikoleyiiin, abe n'arijamiin nu suhol seekuure but, naane aa árijeŋgin *Kiris.

Májiye 11:12

Huta hu Sambatiis aŋ'aja abin bija t'úmiye, Jáyi jite Atambatun jondu ti kajuku kúnuur, abe kiŋki káhin ni sembe kásike fu jo.

Fílip 1:5

iŋi naane áriyokunanam i ti kawaare kite Hirim Heetoofe hu, huta hu tu hunak h'arijame hu ho hítiyar bija yooŋ t'úmiye.

Epotor i 9:6

Bare a̱rito a̱ayooso hikinu hu. Ake kasokii bo naŋ n'a̱ware fu káhinu.

Fílip 2:19

Tu hutoofe Anahaan u Yesu, íñje káboñinuun memee Timote, kaanuku man hikawam ni hiyaŋg ti b'ija bu kajamu t'aruun.

1 Korent 4:14

Káfuñatanuuniit k'iŋese fu h'íkiñjinuun hee, bare kaanuku iirimuun naane bakañiam k'ímaŋie.

Fílip 4:15

Aruun bakate ku Fílip árimoomi bonde jak: h'inuute hu Maseduwan, kóyin k'ijabe ku kawaare Hirim Heetoofe hu, ti *kéeyilene ku fe, aruun unoonuun áriyokunanam fu ti bisawula búuma.

Epotor i 16:29

Ajukara ite ekulu i n'aane asaanee ejaaŋana, abe n'amoken ayooso t'ekulu i. N'ájiŋgitan hágila Pool ni Silas ti kábitu kep.

Fílip 1:6

Bonde bare bukuuramkuur: Atambatun eejabe u burok bonde béewarie bee t'aruun, abaa te bo ayak abin áami yooŋ bihabanaa tu hunak hi Yesu *Kiris ábatikein hu te ho.