Fílip 2:11 - Kwatay (Kuwaataay)

¹¹ abe huruw fe n'anoŋk eesok aane Yesu Kiris aamo fu Anahaan u; iyu Atambatun Faaf u n'aŋ'asokorooree.

Fílip 2:11 Referans Kwoze

1 Saaŋ 4:15

An af'asok aane Yesu aamo fu Añi ite Atambatun, Atambatun káhinu ne o t'afeeneŋ, akina yooŋ n'áhin t'afeeneŋ n'Atambatun.

Eleetar i yi Pool akiñje i bakate ku Rom 14:11

Ábuki *Míkiñjin mu meenaan: «Íñje Atemit eeemo u buroŋ inoŋke fu iisok iye: “Kúŋgowulan ku fe kájiŋgitan hágilaam, abe huruw fe kaseede eeene íñj'eemo fu Atambatun.”»

Saaŋ 13:13

Kaanuku ariiruwam, aŋ'arienam «Ámuse u» man yooŋ «Anahaan u», abe arikooŋakooŋ, ábuki nu múniyo.

1 Saaŋ 4:2

Iye a arija fu kámeyi man ake abajabaj Búwejet bite Atambatun man yooŋ: an fe eeene múniyo Yesu *Kiris abinabin éeyemi húŋgowulan, an ondu abajabaj Búwejet béenuutina bu t'Atambatun.

Eleetar i yi Pool akiñje i bakate ku Rom 14:9

Ábuki *Kiris aketaket abe n'arito t'eket i kaanuku éeyemi Anahaan ite u keekete ku ni keeroŋe ku.

1 Korent 12:3

Iŋ'ite ho h'ímaŋie fu áriimeyi bonde: an af'aane: «Yesu aja áwuumee!», Búwejet bíteiit Atambatun bitiŋgo fu eesok bo. Abe yooŋ an ayinaat kaanu: «Yesu aamo fu Anahaan u!», tu Búwejet Beenabe bu bitiŋguto.

Saaŋ 14:13

Abe doon d'arilawe fe tu huruwu húuma, íñje káhinu do, man íñje eeemo u Añi u n'íwufoor ésuk i naane Faaf u ánike i.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

1 Korent 8:6

T'úne bare Atambatun afeeneŋ taŋ abaje fu: o aamo fu Faaf u éewuwane u doon areyi fe, abe bija te o h'úemo fee buroŋ. Anahaan yooŋ afeeneŋ taŋ abaje fu: o aamo fu Yesu *Kiris, éekinineŋe u doon fe nu dúwuwin, abe n'ákinineŋ yooŋ n'úroŋ.

Kafeeñal ku 3:5

An fe eeyak kariiŋan, o bisiimo wañ weefañje naane boko. It'itot huruwu hoone ti kaawiit kite buroŋ bu. Íñje kasoku tu buhooŋu Faafam n'emalaka yeene kaanuku akina an úuma.

Májiye 10:32

—An af'ásiiŋoorein n'íñje tu buhooŋu ésuk i, íñje yooŋ bísiiŋooreina ne o hágila Faafam eeemo u t'etiir.

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Epotor i 2:36

«Náami bakate ku Israyel kareyi fe kawarawar kámeyi bonde nu múniyo: Yesu ondu a aritibe u t'ekuruwa i, o a Atambatun áhine fu éeyemi Anahaan u n'Afakana u yooŋ toko!»

Saaŋ 9:22

Iyu i kásafiniin fu aŋarkeyi naane kákolakoleyi eseef ite Esuwif i. Ábuki eseef i kaanaan, an éeyilene u kaanuku Yesu aamo fu *Afakana u, boko kawiisio ti *báalawum booniin.

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

2 Saaŋ 1:7

Ejuusa keehooje bokondu t'etaam i. Kaane nu múniyoiit, Yesu *Kiris abinut áyemi húŋgowulan. Bakan naane bokondu ejuusa, enatoora yite Kiris.

1 Korent 15:47

Álokow átiyar u Adam eerokee u ni baaliisiw, o ite t'etaam. Bare Adam ásooboriyan u, o t'etiir t'ánuutina.

Eleetar i yi Pool akiñje i bakate ku Rom 15:9

Abinabin yooŋ kaanuku man keenooto ku Esuwif ni kasokoroor Atambatun iŋi kajaku koone, naane busokee i ti *Míkiñjin mu. Meenaan: «Iŋ'ite ho aamo fu íñje kasokoroori ti keenooto ku Esuwif, abe n'ihooñi.»

Saaŋ 20:28

Taamas n'aano: —Awe a̱amo fu Anahaan úuma, n'Atambatun úuma toko!

Saaŋ 17:1

Hi Yesu áhamine hii ahaban, n'ayit ñíkino t'etiir abe n'aane: —Faafa, ewahatu i ereeŋa. Á̱nikan Añi úuwe man Añi úuwe yooŋ n'ánikani.

Saaŋ 12:42

N'abaj bare t'eseef ite Esuwif i kumuumiin bakan keehooje kéeyilene ti Yesu. Bare kakañenut kasoku bo t'etiir iŋ'ite *Efarisiyeŋ i, kaanuku itim kabin kawiisee ti *báalawum booniin.

Hirim Heetoofe hu hi Luk akiñje hu 2:11

*Afakana oonuun abukee úmiye ti hikinu hu ti *Dafit ákinaanie du. O aamo fu *Kiris, Anahaan u.

Saaŋ 14:23

Yesu n'aano: —An af'ámaŋiam, o káhinu doon d'isoke du. Faafam kámaŋio, abe n'iŋ'iribin te o íñje ni Faafam iriikin te o.

Saaŋ 13:14

If'ija ayak abin áami iñawuun wuwot, íñj'eemo u Anahaan u, n'Ámuse u yooŋ toko, aruun yooŋ ariwarawar kañawoor wuwot.