Fílip 1:20 - Kwatay (Kuwaataay)

²⁰ Ti kanahan k'eemo kee te ko, n'eyakar y'eemo yee te yo, at'arko hikee-kee íñje ifuñee. Aaa, b'ímaŋie bu bare úmiye nu ko kireyi fe beemo fu hikawam hiyaŋg piŋ, íiwufoor íhabanein kaanuku Kiris ahahahah, hutoof íñje buroŋ man yooŋ íñje káaketin.

Fílip 1:20 Referans Kwoze

1 Piyeer 4:16

Bare an af'ajuk sílaam aŋarkeyi naane akina Akarjen, atum'afuño. Aaa, aane kep Atambatun eyeehen naane ésuk i ii kaano akina an ite Kiris.

1 Korent 6:20

Atambatun ajaamajaam ahahee kaanuku eejoohenuun. Náami ariwarawar kánikan Atambatun ni sini soonuun.

1 Tesalonik 5:23

Atambatun humuumo aa awun káasuumaay ku, áhin áriiyemi bokoone ku árihabanein. Aja ajukaruun yooŋ búwejet bu, yaan i, n'eni i fe, atum'aribin ariwatanee tu doon hunak h'Anahaan ite úne Yesu Kiris ábatikein hu te ho.

1 Saaŋ 2:28

Hee kúñuumo, arijok alitee ti káhinu k'árihine ku t'afeeneŋ ni Kiris, man hunak h'abin hu ifi hireeŋ, kikaw úne ni kiyaŋg piŋ; utum'úbin úfuño hágilao hunak hondu.

Fílip 2:17

Naane áriyilene i t'Atambatun, anokooreenokoor naane *kaasarah. Maske boko kayooliam, bare ifi bibaj, halan húuma káwutiyenee ti kaasarah kondu, abe hikawam n'uŋu hutoof dómbokun. Abe katoofu keeemo ku t'íñje, ímaŋamaŋi aribaj ko.

Eleetar i yi Pool akiñje i bakate ku Rom 8:19

Aduna i ereyi fe yeeemo i Atambatun áwuwane fu yo emokena kajuku kóyin k'aja ku káwufoor aañiin kaamo fu bakañio.

2 Korent 10:8

Maske ihaŋahaŋ kamaku dikee iŋ'ite sembe s'Anahaan u awune su uni. Bare ijeit bufuño, ábuki sembe sondu síteiit kábujuuun, so site káhinuuun ariihaŋ kayanu ti káyilen ku.

2 Korent 4:10

Sini site s'uni uŋu súwufoor ko kireyi fe buŋ b'eket ite Yesu eje fu ariike, kaanuku man buroŋ boone ni bifeeñ yooŋ ti sini site s'uni.

1 Korent 7:34

Náami ñakola ñúsuba ñondu ñ'af'anaŋ ti hikawo. Anaare yooŋ eeroŋut ti biseño, man yooŋ ásuŋgute éemusut biseño, bokondu iŋi kanaŋ kikawiin tu buroon bite Anahaan u. Iŋi kámaŋi káyemi bokoone ku káhabanein. Bare eeseñee u aŋ'anaŋ hikawo tu buroon bite aduna i, abe aŋ'aŋes katoofu áyino.

Eleetar i yi Pool akiñje i bakate ku Rom 5:5

Abe eyakar yendu ébuutaariit, ábuki Atambatun ásikasik ti kámaŋi koone áyuus tu suhol site s'úne, áŋaasann ko tu Búwejet Beenabe b'awune bu úne.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

Eleetar i yi Pool akiñje i bakate ku Rom 12:1

Náami kújakuwe, makamu Atambatun aŋ'ayubiyen úne dómbokun, íñj'endu ti kaanuuun waasi, ariwuno siniuun naane *kaasarah keeroŋe, keenabe yooŋ, abe nu kutoofo. Iyu a ariwaro fu kasayi ti hiñaawu nu múniyo.

Fílip 1:14

Bakan keehooje-hooj ti *kéeyilene ku, hi kajame hu kaanuku íñj'endu t'ekulu i, kikawiin ni kihaŋ kayaŋgu t'Anahaan u, kasooñen ni kahaŋ káñiŋkaan ti kawaare kite ésuk i Hirim hite Atambatun ti kákoleyiit.

2 Korent 7:14

Imakamak te o uŋu hoonuun hu, abe arisaanutam ñufuñ. Abe naane ii iriboo kasokuuun múniyo mu, iyu yooŋ i beejake bu b'irisoke bu Tit t'aruun beemo fu bite nu múniyo.

2 Korent 5:15

Aketaket bija t'ésuk i ereyi kaanuku man keeroŋe ku itim'iŋki karoŋ bija tu boko kumuumiin, bare ni karoŋ bija t'akina eekete u, abe n'áritein t'eket i bija tu boko.

1 Korent 15:31

Kújakuwe, húnakonak fe eket i yendu ti kaŋoloolam. Iisokuun bo aŋarkeyi naane iŋ'isaŋgoor n'aruun iŋi naane árihine i t'afeeneŋ n'Anahaan ite úne Yesu Kiris.

Eleetar i yi Pool akiñje i bakate ku Rom 9:33

yi *Míkiñjin mu musoke i. Meenaan: «Arijuk, iisiiŋan t'ésuk ite *Siyoŋ ejuju yey'eneyan ésuk i, elaaliñj yey'éfiiten. Bare an af'ayaajo te yo, at'awatanooro hikee.»

Eleetar i yi Pool akiñje i bakate ku Rom 6:19

Íihamin iliik bo tu buroŋ bite bu húnakonak aŋarkeyi naane árisoŋkaariit arijok. Hítiyar hu, aŋ'árihabanein ariirok naane búsukateen bija tu buroon *beekuurut bu, ni káhinu kite meejakut mu, ariibaj buroŋ beejoŋoorut. Hahiye, aŋ'árihabanein ariirok naane búsukateen bija ti béejube bu, man n'aribaj buroŋ beenabe.

Eleetar i yi Pool akiñje i bakate ku Rom 6:13

Atum'aŋk'árisik siniuun arisaan kaahoofoor ku, kaanuku iŋi sibin síhin meejakut mu. Árisik so arisaan Atambatun naane bakan keeritanee t'eket i, abe n'árihabanein fe tu burok boone, aŋ'aribin árihin beejoŋoore bu.

Epotor i 21:13

Bare n'aane uni: —Baŋka b'ariyiy fu ariisooñ áribujam ehel? Ifaraa káanukiiit keekobam barebare, bare hutoof yooŋ ni kayoolam Serusalem iŋ'ite hu Anahaan u Yesu, ifaraa.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Saaŋ 21:19

(Hi Yesu asoke hii, áwufoorawufoor buŋ b'eket ite Piyeer eeja fu ariike, nu buŋ b'ayak fu kánikan Atambatun.) Ahaban, Yesu n'aano: —Á̱seinam ti hiñaawu!

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

2 Korent 3:12

Eyakar yendu y'iribaje i ékinineŋe fu kikaw kite k'uni ni kiyaŋg iŋ'iriwaare Hirim Heetoofe hu.

2 Korent 7:4

Hikawam hiyaŋgayaŋg t'aruun dómbokun, abe n'aruun n'if'isaŋgoor. Naane aamo i iŋ'irijuk sílaam fe, hikawam iŋi hiyaŋg piŋ, abe iŋ'itoofan dómbokun.