Fílip 1:13 - Kwatay (Kuwaataay)

¹³ Esulaan i fe kiŋki kajukar enuuf ite *áyi ómbokun eeemo u Rom, ni bakaaku kareyi fe kabinabina kámeyi kaanuku íñj'endu t'ekulu i aŋarkeyi naane iŋ'irok bija ti *Kiris.

Fílip 1:13 Referans Kwoze

2 Timote 2:9

Iŋi Hirim hondu Heetoofe hu h'ijuk fee sílaam su, abe n'ifaakee yooŋ ni ñaasel naane ánukenoora. Bare hirim hite Atambatun hifaakutee ni ñaasel.

Efees 3:1

Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Efees 6:20

Íñje an eeboñee kawaare Hirim honde Heetoofe hu, bija naane eemo ee t'ekulu i fe. Náami arilaw man n'iŋ'iwaare ho ni hikaw heeyaŋge naane iware i bo káhinu.

Epotor i 26:29

Pool n'aano: —Ahil iye man yooŋ n'afiyee, íñj'endu ti kalawu Atambatun, isokut kaanuku bija t'awe unooni, bare bija yooŋ ti keejamatan kee úmiye t'íñje fe, man n'áriyemi naane íñje, abin aŋeñen ti ñaasel ñonde!

Fílip 4:22

Bakan k'Atambatun akino ku kareyi fe keeemo ku beebe kasaafuun, áhaŋum ti kiŋki karok *t'áyi ómbokun ite u Rom.

Epotor i 28:30

Pool n'abaj simit súsuba t'enuuf y'ásike i aŋ'ajaam yo, aŋ'ajok áwariee kiŋki kabin kajuku koone kareyi fe.

Epotor i 28:20

Iŋ'ite ho h'íboñina fu boonuun kaanuku iijukuun núuhamin. Múniyo iŋ'ite an u i *Israyel kayakare u te o hi kakobam fu baasel bonde.

Epotor i 28:17

Abaj kunak kíhaaji, Pool n'aruw eseef ite Esuwif i bakate ku *Rom. Hi kakuukanooree hu, n'aaniin: —Kújakuwe, naane itinut i fe ti bakan úne, íjuumut yooŋ tu joosan ite sifaaf úne, Esuwif i bakate ku Serusalem ni kajokam, abe ni kásikam kasaan bakate ku Rom.

Epotor i 26:31

Hi kanuute hu kahaban, n'iŋi kaanoor: —Ániine ondu áhinut beejakut beeware kákinineŋ n'ayoolee, man yooŋ n'akulee.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Fílip 1:30

Hahiyu t'étuum efeeneŋ t'úemo fu íñje n'aruun. Étuum yendu efeeneŋ i ni y'arijukam i te yo, abe árimoomi kaanuku iroŋa te yo.