Fílip 1:11 - Kwatay (Kuwaataay)

¹¹ Yala kunoŋk koonuun fe ni kíyemi keejake ti sembe site Yesu Kiris, bija ti kánikan kite Atambatun, ni kasokoroor koone.

Fílip 1:11 Referans Kwoze

Esuwif i 12:11

An af'áyemi ti kajoŋooran úne, újokaariit bo toko-toko naane doon dite katoofu; uŋ'útaañian. Bare bibin bifiyo, bakan keejoŋooranee kii kajuku éñjeriŋ yeeemo i toko: boko kabaju káasuumaay, nu buroŋ beejoŋoore.

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

Kolos 1:10

Káhinu iyu, buroŋ boonuun n'uŋu butoof Anahaan u, abe n'árihin yooŋ ko kireyi fe beetoofo bu. N'aŋ'árihin yooŋ buroon bánoban fe beejake, abe n'aŋ'arihaŋ kámeyi Atambatun.

Fílip 4:17

Íñjeiit eeemo ti hiŋes kaanuku man n'ibaj dike doon t'aruun. B'ímaŋie bu beemo fu Atambatun ásoniyanuun iŋ'ite kawunu koonuun.

Kolos 1:6

Hirim hondu Heetoofe hu híreeŋinuun naane hireeŋe i yooŋ tánotan fe t'etaam ye. Hondu ti kabukoor, hondu yooŋ ti kahaŋu bija hágila. Iyu yooŋ i hije fu t'aruun huta h'aŋ'aribin arijam abe n'árimeyi kaanuku Atambatun aŋ'áwufoor ésuk i kajaku koone nu múniyo.

Eleetar i yi Pool akiñje i bakate ku Rom 6:22

Bare hahiye arikolut ni kaahoofoor ku, abe aruun búsukateen bite Atambatun. Doon d'aribaje du toko deemo fu buroŋ beenabe, abe ti biraanu, aruun kabaju buroŋ béehabanaariit.

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

2 Tesalonik 1:12

Iŋ'irilaw bondu kaanuku man ésuk i fe n'esokoroor huruwu hite Anahaan ite úne Yesu uŋu hoonuun hu, abe ni kasokorooruun yooŋ uŋu hoone hu. Bondu kabaju aŋarkeyi naane Atambatun ite úne, n'Anahaan u Yesu Kiris kásoniyanuun.

Efees 5:9

ábuki meejaaŋe mu uŋu mubuk doon fe deejake, ni deejoŋoore, ni dite múniyo.

Efees 1:14

Búwejet Beenabe bu beemo fu húrub hítiyar hu ti meejake m'Atambatun anaŋe mu bija ti bakan koone. Úne kabaju mo kane úfakanee kuur. Náami úsokoroor Atambatun naane ahahe i!

1 Korent 10:31

Náami af'áriyemi tu buñoofo, man yooŋ tu búhujo, man yooŋ doon fe d'ariyak káyemi te do, árihin do man Atambatun n'ánikanee.

Májiye 5:16

Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

1 Piyeer 4:14

Atoof t'aruun kane árilafatinee aŋarkeyi naane aruun eriboora yite Kiris, ábuki Búwejet béenike bu bite b'Atambatun bondu t'aruun.

1 Piyeer 2:12

Buroŋ boonuun t'etut *kéemeyiit ku Atambatun bíyemi beejake. Hutoof yooŋ iŋi kasok t'aruun hahiye kite aruun aŋ'árihin beejakut, boko bare bibin kajuku buroon beejake bu bamb'árihin, abe boko kasokoroor Atambatun hunak h'abin hu.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Efees 1:12

Náami iriisokorooro naane ahahe i, uni keeemo ku étiyar i ti kayakar ku ti Kiris!

2 Korent 9:10

Atambatun af'awun awaña u sinawaay, o yooŋ af'awuno doon dite búkuumanooro. O kawunuuun yooŋ sinawaay seefame, abe n'áhin so seehaat kaanuku man meejake moonuun nu mubuk miriyaay meehooje.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

Saaŋ 15:2

Biland búuma béebukaariit bu, aŋ'afiit bo, abe bumbu bubuk, n'aŋ'abend bo kaanuku beehaŋ kabuku.

Eleetar i yi Pool akiñje i bakate ku Rom 15:28

If'ija ayak abin áami isaaniin kuboñ ku, butum hahiyu íkolinaa tu bondu, n'iŋ'íŋaasin t'aruun iitik ija Esipañ.

Eleetar i yi Pool akiñje i Tit 3:14

Bakan wane yooŋ kawarawar káñiŋkaan keeliiken káhinu buroon beejake, kaanuku man ni káyini káyokunan keebaje ku bisawula bómbokun. Ifi káhin iyu, n'iŋi káñjeriŋ ti dike doon.