Epotor i 4:1 - Kwatay (Kuwaataay)

¹ Ti Piyeeriin ni Saaŋ kátibanoorut yooŋ báhamin bu n'ésuk i, *esaraha i ni kahaŋ káreeŋin, n'aseef ite esulaan i kiŋki kajukar *Enuuf ite Atambatun, *n'Esaduseyeŋ i.

Epotor i 4:1 Referans Kwoze

Hirim Heetoofe hu hi Luk akiñje hu 22:4

Suda n'aja ajuk eseef ite *esaraha i, n'eseef ite esulaan i kiŋki kajukar *Enuuf ite Atambatun, keejamoor ti naane aja i kásiku Yesu asaaniin.

Epotor i 6:12

Iyu i katiŋge fu ésuk i, ni *sifaaf su, *n'émuse yite Eluwa yite Moyis. Ni kálif Eejen keejoko, abe ni kaja ne o bija ti *sifaaf site ejoonana i.

Epotor i 5:26

Náami aseef ite esulaan i n'aja ni bakan koone, abe ni kajok epotor i kéebatikein nu boko. Bare káhinut bo sembe, ábuki kákolakoleyi kaanuku man ésuk i n'eŋ'émiñiin nu bujuju.

Epotor i 5:24

H'aseef ite esulaan i kiŋki kajukar Enuuf ite Atambatun, n'eseef ite esaraha i kajame hu bondu, kámeyiit yooŋ naŋ ni kaware fu kayinoor, nu buŋ bu bondu bija fu bihabano.

Májiye 3:7

Hi Saaŋ ajuke hu kaanuku *Efarisiyeŋ keehooje *n'Esaduseyeŋ iŋi kabin te o kaanuku eebosteiin, n'aaniin: —Ñuroon ñondu! Aañ me aanuun fu árinooni kateyi Atambatun, makamu hunak hoone hite Kajoonan ku húlohenno?

Epotor i 4:6

N'abaj toko ake iŋi kaano Aan, o aamo fu asaraha ómbokun u. Kayif yooŋ ámoomi toko, ni Saaŋ, n'Aleksandur, nu butoŋ bite asaraha ómbokun u fe.

Saaŋ 18:3

Suda n'aja t'etool i n'esulaan keehooje. Eseef ite *esaraha i *n'Efarisiyeŋ i kasaanosaan yooŋ bakaake ti kiŋki kajukar *Enuuf ite Atambatun. Kajuŋkajuŋko, abe ni káyakan sijaaŋana ni kíit.

Saaŋ 15:20

Áribaŋino naane isokuun i: «Aroka ahaŋut an u t'aamo du tu burok bu.» Káhihinooramhihinoor, boko yooŋ káhihinooruun. Kajamut báhamin búuma, iti kajam yooŋ boonuun bu.

Májiye 27:41

Eseef ite *esaraha i, *n'émuse yite Eluwa yite Moyis, ni *sifaaf su iŋi kásuwo yooŋ abe ni kaane:

Májiye 27:20

Eseef ite *esaraha i, ni *sifaaf su ni katiŋg hahooja hu kaaniin kasok Pilat tiŋkan awasan Barabas, abe n'áhin Yesu eeyoolee.

Májiye 22:16

Ni kaboñ te o bakaake t'eriboora yeeniin, ni bakaake ti kéesiiŋooreina ku *n'Erod. Kareeŋ ni kaane Yesu: —Ámuse u, írimoomi kaanuku awe an ite bifeeneŋ, abe aŋ'a̱liiken ésuk i múniyo mu ti bítim bite Atambatun. Á̱koleyiit yooŋ an fe, ábuki á̱anaariit man an onde an ómbokun man yooŋ.

Májiye 16:12

Náami eriboora i kajoka kaanuku aanutiin káwasiyoor élefir yey'éhinee tu kumburu ku, bare káwasiyoor tu buroon b'Efarisiyeŋ i n'Esaduseyeŋ i bimbi kaliiken ésuk i.

Epotor i 6:7

Hirim hite Atambatun ti kahaŋu bijamo kep. Kéeyilene ku yooŋ ti kahaŋu kahooju Serusalem, abe keehooje *t'esaraha i ni kajok bítim bite *Kiris.

Hirim Heetoofe hu hi Luk akiñje hu 20:1

Hike hunak, Yesu n'áyemi *t'Enuuf ite Atambatun ti kaliiken ésuk i Hirim Heetoofe hu. Eseef ite *esaraha i, *n'émuse yite Eluwa yite Moyis, ni *sifaaf su ni káreeŋin

Epotor i 5:17

Náami *asaraha ómbokun u, ni bakan koone fe keeriboore ku *n'Esaduseyeŋ i ni kahiñan *epotor i, abe ni káhabanein kaane kéerahan tu boko.