Epotor i 2:4 - Kwatay (Kuwaataay)

⁴ Huruw fe tu boko n'ahooj bib nu Búwejet Beenabe bu, abe ni kásit káhamin ti kíhaminiin kuway, huruw naane Búwejet bu buwuno i éehamin.

Epotor i 2:4 Referans Kwoze

Mark 16:17

Keeyak ku káyilen káhinu buroon bonde beehaŋe bu ésuk i kikaw: boko kákutoor sirab tu huruwu húuma; boko káhamin kike kíhaminiin;

Epotor i 13:52

Bakate ku Antiyoos *kéeyilene ku kikawiin uŋu kutoof naane, abe ni kahooj bib nu Búwejet Beenabe bu.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

Efees 5:18

Atum'aŋ'áriwusan, ábuki éwusan aŋ'ábuj an. Bare arihooj bib nu Búwejet Beenabe bu.

1 Korent 12:10

Búwejet bu uŋu buwun ake sembe site káhinu buroon beehaŋe ésuk i kikaw, nu buwun ake sembe site kayiŋan báhamin bite Atambatun, nu buwun ake sembe site kakeetan bumbu búnuutin tu ñúwejet ñeejakut ñu, nu bumbu búnuutin tu Búwejet bite bu nu múniyo. Nu buwun ake sembe site káhamin ti kíhaminiin kuway, nu buwun ake sembe site káhandin kíhaminiin kondu.

Saaŋ 14:26

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

Epotor i 19:6

Pool n'ásit tu boko sumoŋio, abe Búwejet Beenabe bu nu búwanein tu boko. N'iŋi káhamin toko ti kíhaminiin kuway, abe n'iŋi kasok kirim k'Atambatun asaaniin ku.

Epotor i 10:46

Múniyo iŋi kajamiin ti káhamin kíhaminiin kuway, abe n'iŋi kasok yooŋ naane Atambatun ahahe i. Náami Piyeer eeene:

Epotor i 9:17

Náami Anañas eeja. H'areeŋe hu t'enuuf i, n'ayooso, n'ásit sumoŋio tu Sóol abe n'aano: —Isaafi átoom. Anahaan u Yesu éeŋaasina u t'awe ti bítim b'a̱bine bu, áboñinamboñin kaanuku a̱asooñ a̱juk, abe n'a̱hoojanee bib nu Búwejet Beenabe bu.

Epotor i 7:55

Bare akina, Búwejet Beenabe bu te o, buhoojano bib. N'aŋalo, n'ajuk meejaaŋe mite Atambatun, ni Yesu t'asiiŋee inde *baatos Atambatun.

Epotor i 1:5

Ábuki Saaŋ abostaboste ésuk i nu móhujo, bare at'afiyee, aruun *kabostee nu Búwejet Beenabe bu.

1 Korent 13:8

Kámaŋi áhabanaariit hikee. Kayiŋan ku tu huruwu hite Atambatun bibin kawasu, káhamin ku ti kíhaminiin kuway bibin yooŋ kawasu, káwufoor kite ésuk i kámeyi kite buroon bite Atambatun bibin karaan yooŋ.

1 Korent 13:1

If'iŋ'íhamin kíhaminiin kite kúŋgowulan ku, ni kite emalaka i, abe bare kámaŋi an kunooto t'eholam, anokooreenokoor kite íñje éyifu yeeemo ti kafiiŋan, man yooŋ ejiliŋ.

Epotor i 13:9

Náami Sóol ii kaane yooŋ Pool, n'ahoojanee bib nu Búwejet Beenabe bu. N'ajondoman t'álugusa u afiyo

Epotor i 2:11

n'abaj keebukee ku Esuwif, ni bakan keeyoosee ku bítim bite Esuwif i, n'abaj kéenuutina Kiret n'Arabi, abe bare uŋ'újamiin n'iŋi kasok ti kíhaminiin kite k'úne buroon bómbokun bite b'Atambatun!

Hirim Heetoofe hu hi Luk akiñje hu 12:12

Ábuki t'ewahatu yendu, Búwejet Beenabe bu káwufooruun naane ariware i káhamin.»

1 Korent 14:18

Íñj'endu ti kaanu Atambatun eyeehen naane ihaŋuun i arireyi fe káhamin ti kíhaminiin kuway.

Eleetar i yi Pool akiñje i bakate ku Rom 15:13

Yala Atambatun aa áhin ésuk i ni kayakar te o, n'áhinuun ariitoofan dómbokun, abe n'áhinuun ariibaj káasuumaay iŋi naane áriyilene i te o. Káhinu iyu, sembe site Búwejet Beenabe bu n'iŋi síhinuun ariihaŋ kabaju eyakar.

Epotor i 4:8

Náami Piyeer, káahoojin ku bib nu Búwejet Beenabe bu eeeniin: —Aruun eseef ite hikinu hu ni sifaaf su,

Saaŋ 20:22

H'asoke hu bondu ahaban, n'áwuur tu boko abe n'aaniin: —Aribaj Búwejet Beenabe bu!

Hirim Heetoofe hu hi Luk akiñje hu 4:1

Yesu n'ánuutin inde kaayelu kite *Surdeŋ, o káahoojin bib nu Búwejet Beenabe bu. O ti biyeetu bu, Búwejet bu ni bija ne o t'eramba i.

1 Piyeer 1:12

Atambatun n'áwufoor eyiŋana yeene aaniin hirim h'asaaniin hii bíjaiit tu boko, bare bija t'aruun. Hahiyu kiŋki kawaare Hirim Heetoofe hu kasokuunsok hirim hondu ti sembe site Búwejet Beenabe bu béeboñinee bu huta hu t'etiir. Abe humuum emalaka i kámaŋamaŋi kámeyi bondu.

1 Korent 14:5

Ímaŋamaŋi aruun arireyi fe n'árihamin ti kíhaminiin kuway, bare b'ihaŋe bu kámaŋi beemo fu aŋ'ariyiŋan báhamin bite Atambatun. An aa ayiŋan báhamin bite Atambatun ahaŋahaŋ éñjeriŋ an aa áhamin ti kíhaminiin kuway, kane arko taŋ ake áhandine b'asoke bu, man kéeyilene ku kareyi fe ni kahaŋ kayanu ti káyilen ku.

Epotor i 11:15

N'ísit báhamin bu, Búwejet Beenabe bu nu búwanein toko-toko tu boko naane bibine i búwanein t'úne ti kátiyar ku.

Epotor i 6:5

Kareyi fe ni kakontaan ti hirim hondu. Ni kajifan Eejen. Abajabaj káyilen kómbokun, abe aŋ'ahooj bib nu Búwejet Beenabe bu. Ni kajifan yooŋ Filip, nu Prokoor, ni Nikanoor, ni Timoŋ, ni Parmenas, ni Nikola, ake ániine ite Antiyoos eeyoosee bítim bite Esuwif i.

Epotor i 6:3

Kújakuwe, iŋ'ite ho aamo fu arijifan t'aruun háyine kaamo hutok ni bákasuba kéewoore, keehooje bib nu Búwejet Beenabe bu, abe ni káwesinato yooŋ, iriisaaniin burok bondu.

Epotor i 1:8

Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Hirim Heetoofe hu hi Luk akiñje hu 1:15

Ábuki akina káyemi an ómbokun t'Atemit. At'áhujo ébiñ, nu doon dite káhinu an éewusan. O kahooju bib nu Búwejet Beenabe bu kane áyihinee.

Efees 6:18

Naane biyino i káyemi fe, arilaw Atambatun ko kireyi fe naane Búwejet Beenabe bu biyakuun i káwufoor. Siheluun síniyo, abe n'aŋ'arilaw kep bija ti bakan kite Atambatun kareyi fe.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.

Epotor i 11:24

Múniyo Barnabas an eejake, eehooje bib nu Búwejet Beenabe bu, abe n'abaj yooŋ káyilen kómbokun. Bakan keehooje-hooj ni káwutiyenee ti bítim bite Anahaan u.

Epotor i 6:8

Eejen a Atambatun ásoniyane u, abe n'ahoojano bib ni sembe, n'aŋ'áhin tu buhooŋu ésuk i buroon úkaan beehaŋiin kikaw.

Hirim Heetoofe hu hi Luk akiñje hu 21:15

Ábuki íñje ija fu kasaanuun kirim ku. Íñje yooŋ kawunuuun búwesinato, abe mayet afeeneŋ t'enatoora yeenuun at'áyini kajokuuun ti báhamin, man yooŋ n'ajeeŋan bo.

Hirim Heetoofe hu hi Luk akiñje hu 1:67

Sakari, faaf ite añi u n'ahooj bib nu Búwejet Beenabe bu. N'áhamin tu huruwu hite Atambatun aŋ'aane:

Hirim Heetoofe hu hi Luk akiñje hu 1:41

H'Elisabet ajame hu naane Mari áhamine i ne o, añio n'afum ti haro. Búwejet Beenabe bu nu búhoojin Elisabet bib.

Májiye 10:19

Ifi kajokuun kaja kasaan eseef i kaanuku keejoonanuun, atum'arijahale ti b'arija bu kasoku, man yooŋ naane arija i káhamin. Kirim k'ariyak ku kasoku fe, aruun káwufooree ko t'ewahatu yendu.

2 Piyeer 1:21

Ábuki an ámusut bunoŋkooro eeyiŋan báhamin bite Atambatun. Bare Búwejet Beenabe bu bitiŋge fu kúŋgowulan ku keeyiŋan báhamin bite Atambatun.

Epotor i 2:3

Ni kajuk naane wúleluf weenokoore ni sineemak wéeŋaasina, abe nu wúwaajinooro weesiiŋo t'ánoan tu boko kareyi fe.

Epotor i 8:17

Náami Piyeer ni Saaŋ kéesit sumoŋiiin tu boko, ni kabaj Búwejet Beenabe bu.

Epotor i 10:47

—An fíya áyinooni biteñeko *kaboste tu móhujo bokonde keebaje ku Búwejet Beenabe bu naane úne?

Epotor i 15:8

Abe Atambatun éemeyie u ñúwejet ñite ésuk i n'awuniin Búwejet Beenabe bu naane awune i úne bo, éewufoor kaanuku áfiitenutiin.