Epotor i 1:8 - Kwatay (Kuwaataay)

⁸ Bare aruun kawuniee sembe kane Búwejet Beenabe bu búwanein t'aruun, abe n'aŋ'áriyemi eseede íima Serusalem, nu tu músuk mite *Súde ni *Samari, bija tánotan fe t'etaam ye.

Epotor i 1:8 Referans Kwoze

Májiye 28:19

Náami arija tánotan fe t'etaam ye, abe n'árihin ésuk i kéeyemi eriboora íima: *aribosteiin tu huruwu hite Faaf u, n'Añi u, nu Búwejet Beenabe bu,

Mark 16:15

Ahaban n'aaniin: —Arija tánotan fe t'etaam i, abe n'ariwaare ésuk i fe Hirim Heetoofe hu.

Eleetar i yi Pool akiñje i bakate ku Rom 15:19

Áhinahin bo ni sembe ti beehaŋe bu ésuk i kikaw, ni ti sembe site Búwejet Beenabe bu. Iye i iwaare fu fe Hirim Heetoofe hite hu Kiris tánotan fe, huta hu Serusalem bija yooŋ Iliri.

Epotor i 5:32

Uni iriemo fu eseede yite buroon bondu, uni nu Búwejet Beenabe bu b'Atambatun awune bu kéejeŋgino ku.

Epotor i 4:33

Ni sembe sómbokun *n'epotor i ifi kawaare ti bíriteina bite Anahaan u Yesu t'eket i. Abe Atambatun n'ásoniyaniin dómbokun.

Epotor i 6:8

Eejen a Atambatun ásoniyane u, abe n'ahoojano bib ni sembe, n'aŋ'áhin tu buhooŋu ésuk i buroon úkaan beehaŋiin kikaw.

Eleetar i yi Pool akiñje i bakate ku Rom 10:18

Hahiyu eene i: bakate ku *Israyel kajamut fíya báhamin bu? Áyine wala, kajamajam bo! Míkiñjin mu meenaan: «Wuji wute kiŋki kawaare hirim hu wujameejam t'etaam i ereyi fe, abe báhamin booniin bireeŋareeŋ tánotan t'etaam i.»

Saaŋ 15:27

N'afin áami aruun, aruun kasoku ésuk i búuma bu, ábuki huta hu ti hítiyar hu, aruun bokondu ti kariboor n'íñje.

Hirim Heetoofe hu hi Luk akiñje hu 10:19

Arijamatan jak: iwunuunwun sembe site kakaku tu ñuroon, ni ti bilaŋguut, abe n'iwunuun yooŋ sembe site kaheeku Setani. Abajut doon déeyiniuun káhinu meejakut.

Epotor i 1:5

Ábuki Saaŋ abostaboste ésuk i nu móhujo, bare at'afiyee, aruun *kabostee nu Búwejet Beenabe bu.

Májiye 24:14

Hirim hondu Heetoofe hu hite *Jáyi jite Atambatun kawaaree t'etaam i ereyi fe, kaanuku ésuk i fe keejam ho. N'aŋ'atik áami kamoosen kite etaam i.

Epotor i 2:32

Piyeer n'áwutiyen aane: —Yesu ondu, Atambatun aritanoritan t'eket i, abe irireyi fe irijukajuk ni ñíkin uni.

Epotor i 22:15

Ábuki a̱warawar káyemi aseede oone, abe n'a̱sok hágila ésuk i fe b'a̱juke bu ni b'a̱jame bu.

Epotor i 13:31

Kunak keehooje-hooj, Yesu n'aŋ'áŋaasin ti bakan keeriboore ku yéeni ne o huta hu *Gálile bija Serusalem. Bokondu kaamo fu hahiye eseede yeene t'Israyel.

Hirim Heetoofe hu hi Luk akiñje hu 1:35

Amalaka u n'ásafino aano: —Búwejet Beenabe bu búwaneina t'awe, abe sembe site Atambatun eeemo u t'etiir-t'etiir kákumbalooli n'ésamunan ite te so. Iŋ'ite ho aamo fu añi eenabe u a a̱ja u bíyihino kaaniee Añi ite Atambatun.

Epotor i 3:15

Iyu a ariyoole fii ate buroŋ bu. Bare Atambatun aritanoritan t'eket i, abe írinooni bo biseede.

Kolos 1:23

Bare ariwarawar kajoku alitee ti káyilen ku, abe n'arisiiŋo te ko ayanee. Atum'áriwuŋg kiñaawu eyakar y'aribaje i huta h'aŋ'aribin arijam Hirim Heetoofe hu. Hirim hondu Heetoofe hu huwaareewaare kúŋgowulan ku fe t'etaam ye, abe íñje Pool, burokam hahiyu kawaare ho.

Epotor i 8:1

Sóol aanaan hee naane Eejen ayoolee i. Hunak hondu hoho, bakate ku Serusalem *kéeyilene ku ni kajab káhihinooree naane. Kéeyilene ku fe ni kayisaloolo tu búsuk bite *Súde ni *Samari, abin aŋeñen *t'epotor i.

Hirim Heetoofe hu hi Luk akiñje hu 24:29

Bare kawasuto eeja. Ni kaano: —Tinendana, abe memee n'uŋu tujon; a̱riiko núuŋot diye. Náami eeyooso kaanuku keeriiko toko.