Epotor i 1:3 - Kwatay (Kuwaataay)

³ H'akete hu ahaban abin áritein, n'áŋaasin tu boko, abe n'áwufooriin beekuuriin but kaanuku asooña áyemi buroŋ. Kunak bakan bákasuba lám, iŋi kafando kajuku, abe n'aŋ'áhaminiin mite *Jáyi jite Atambatun.

Epotor i 1:3 Referans Kwoze

Epotor i 13:31

Kunak keehooje-hooj, Yesu n'aŋ'áŋaasin ti bakan keeriboore ku yéeni ne o huta hu *Gálile bija Serusalem. Bokondu kaamo fu hahiye eseede yeene t'Israyel.

Saaŋ 20:26

Abaj kunak hutok nu kúsuba, eriboora i ni kasooñ kakuukanooro níbahindaa enuuf i, abe Taamas boko káyemie fu. Wuruŋ wu wukuleekul, bare Yesu n'abin, n'asiiŋo t'etutiin abe n'aaniin: —Káasuumaay kibaj t'aruun!

1 Saaŋ 1:1

Uni írikiñjinuun fee iŋ'ite Hirim hu huhu huwun buroŋ bu. Híyemayemi huta hu t'Atambatun áwuwanoorut doon areyi fe. Irijamajam ho, irijukajuk ho yooŋ féet, íriheelinaheelin te ho, abe irigoragor ho.

Saaŋ 21:14

Híhaajiyan hi Yesu áŋaasin fii t'eriboora yeene huta h'aŋ'abin áritein t'eket i.

Saaŋ 21:1

Abaj kunak, Yesu n'asooñ áŋaasin t'eriboora yeene ti kaakaŋa *han hite Tiberiyad. Iye i bije fu ariike:

Májiye 28:9

Kaja kajuku, Yesu n'abin kéefimboor abe n'aane: —Íhamin n'aruun! Ni katof kaloho, keegor wuwoto abe ni kásukaayo.

Epotor i 28:31

Aŋ'awaare Jáyi jite Atambatun, abe n'aŋ'aliiken ésuk i bite b'Anahaan u Yesu *Kiris ni hikaw heeyaŋge piŋ, abe an ákolenaariito.

1 Tesalonik 2:12

Iririmuunrim, n'iriyaŋgananuun kikaw, n'irilawuun yooŋ abe n'irisooñoor, kaanuku man buroŋ boonuun ni biriib naane t'Atambatun ámaŋie du, akina eeruwuun u kaanuku ariiyooso ti Jáyi joone ariijuk kániku koone.

Kolos 1:13

Aramaram úne ti sembe site ébaani i, abe n'aja n'úne ti Jáyi jite Añi oone a ámaŋie u.

Eleetar i yi Pool akiñje i bakate ku Rom 14:17

Ábuki *Jáyi jite Atambatun buroon bíteiit buñoofo bu man yooŋ búhujo bu; jo jite kájubu, ni káasuumaay, ni katoofu, abe bondu fe tu Búwejet Beenabe bu t'ufu búnuutin.

Májiye 21:43

Yesu n'áwutiyen aane: —Iŋ'ite ho h'eenuun fu: *Jáyi jite Atambatun kanuutanee t'aruun jeesaanee bakaake keeyak káhinu meejake.

Májiye 4:2

N'ariiko kunak bakan bákasuba lám áñoofaariit; bujoñjol nu bujoko.

Májiye 3:2

—Ariwatanooro kinij koonuun keejakut ku, ábuki *Jáyi jite Atambatun júlohenno!

Mark 16:19

H'Anahaan u Yesu áhamine hii nu boko ahaban, Atambatun n'ayito t'etiir bufor bu, abe Yesu n'ariiko inde *baatoso.

Epotor i 8:12

Bare h'aamo hu Filip abina eesok Hirim Heetoofe hu hite *Jáyi jite Atambatun, nu huruwu hite Yesu *Kiris, ni káyilen, abe ni káhin keebostee, háyine hu ni haare hu.

Epotor i 19:8

Pool n'aŋ'aja ti *báalawum bu, abe kiim kíhaaji n'aŋ'áhamin toko hikawo káayaŋgin piŋ. N'aŋ'áhamin toko bite *Jáyi jite Atambatun, abe n'aŋ'aŋes káhinu kiŋki kajamatano kéeyileno.

Epotor i 28:23

Ni káfiiten hunak hi kaware hu káfimboor nu Pool. H'aamo hu hireeŋa, ni kabin kahaŋ kahooju t'enuuf i tu Pool áyemie du. Huta hu nu bújom bu bija yooŋ kaanendan ku, Pool n'aŋ'aliikeniin kep: n'aŋ'asokiin bite *Jáyi jite Atambatun, abe n'aŋ'ájokin *t'Eluwa yite Moyis, nu wuwiit *w'eyiŋana yite Atambatun kakiñje wu, eekamiin bite bu Yesu kaanuku man ni káyilen.