Efees 6:9 - Kwatay (Kuwaataay)

⁹ Aruun kéekinie ku búsukateen bu, arijokiin yooŋ áwariee; atum'aŋ'arinuur tu boko. Árimoomi kaanuku Ámuse afeeneŋ ákiniuun fu aruun nu boko; ondu t'etiir bufor bu, abe te o ésuk i erare.

Efees 6:9 Referans Kwoze

Kolos 3:25

Bare an eenijut u ajakee, o kabatikanee meejakut m'áhine mu, ábuki t'Atambatun ésuk i erare.

Epotor i 10:34

Piyeer n'áhamin aane: —Hahiyu ijoka kaanuku múniyo t'Atambatun ésuk i erare.

Eleetar i yi Pool akiñje i bakate ku Rom 2:11

Ábuki t'Atambatun ésuk i erare.

Hirim Heetoofe hu hi Luk akiñje hu 6:31

Árihin bakaaku buroon b'árimaŋie bu káhin bija t'aruun.

Májiye 7:12

«Árihin bakaaku buroon b'árimaŋie bu káhin bija t'aruun. Bondu *b'Eluwa yite Moyis ékandijene fu, bija wuwiit wute *eyiŋana yite Atambatun fe.

Saak 2:13

Atambatun af'áyemi ti kajoonan ku, at'aŋaaŋ kayubiyen an éeyubiyenaariit u bakaaku. Bare af'aŋ'a̱yubiyen bakaaku, Atambatun at'atinani.

Saak 2:8

*Míkiñjin mu meenaan: «A̱warawar kámaŋi áwiyi húŋgowulan naane á̱maŋie i hikawi.» Diyu eluwa yéenuutina t'Atambatun áyi u. Af'árihin nu múniyo naane esoke i, árihinahin ajakee.

1 Korent 1:2

Uni bokondu ti kákiñjinuun aruun bakate ku Korent *kéeyilene ku, aruun k'Atambatun akino ku. Aruwuunruw kaanuku áriihin t'afeeneŋ ni Yesu Kiris, aruun ni bakaaku fe keeemo ku tánotan, kiŋki karuw huruwu hite Anahaan ite úne Yesu Kiris, Anahaan ooniin n'Anahaan ite úne toko.

Saaŋ 13:13

Kaanuku ariiruwam, aŋ'arienam «Ámuse u» man yooŋ «Anahaan u», abe arikooŋakooŋ, ábuki nu múniyo.

Saak 5:4

Áritumbut ariŋaaŋ kajaamu eroka i kéehotukanuun ku kitaaŋaat koonuun. Arijam naane ii kalolobool! Wuji wute eroka yendu Atambatun ajamajam wo, akina Atemit eehaŋe u ebaja sembe.

1 Korent 7:22

Ábuki ásukateen a Anahaan u aruwe anuuta tu húsukateenaate hu, abe akina an ite Anahaan u. An yooŋ eenooto ásukateen abe *Kiris n'aruwo, áyemia ásukateen ite Kiris.

Májiye 24:51

Akina kajoŋoorano ásuf, naane ñatuuk ñu ii káhinee. O kayiyu toko, abe n'atakooro wuŋaan iŋi kayiŋat taŋ.

Májiye 24:48

Bare arko aroka ondu an éenafute, o kayinoor n'aŋ'aane: «Jaa, ate enuuf i ahaŋa fu bífiyeina»,

Májiye 22:10

Náami eroka i keeja tu búhuhu bu, abe ni karuw ki kajuke ku fe, keejake ku bija yooŋ kéenafute ku, esaal i esooñen n'ehooj bib ni bakan.

Májiye 22:8

Ahaban, n'aane eroka yeene bakaaku: «Afaree fe bija buñoofo, bare k'iruwe ku kajarut yéeni karuwiee.

Kolos 4:1

Aruun kéekinie ku búsukateen bu, arijokiin majokar meejoŋoore abe nu mújub. Áribaŋino kaanuku aruun yooŋ aribajabaj ake éekiniuun, abe ondu t'etiir bufor bu.