Efees 6:8 - Kwatay (Kuwaataay)

⁸ Árimoomi kaanuku an fe éehine beejake, Anahaan u kabatikano bo, abajut onde ásukateen, ondu ásukateeniit.

Efees 6:8 Referans Kwoze

Kolos 3:24

Árimoomi kaanuku Anahaan u kasiibanuun ti biŋeñen b'anaŋe bu bija ti bakan koone. An éekiniuun u aa arirok bija te o, o aamo fu *Kiris Anahaan u.

Hirim Heetoofe hu hi Luk akiñje hu 14:14

Iti káyinii kágalin, bare Atambatun kásoniyani, abe akina kágalini kane kéejeŋgino ku káritein t'eket i.

Kolos 3:11

Hahiyu aŋkut abaj bokonde Esuwif, bokonda kanooto Esuwif; bokonde *kateyatey karam, bokonda kateyit karam; bokonde kániyeit, bokonda baataaŋaat; bokonde búsukateen, bokonda kanooto búsukateen. Bare *Kiris taŋ abaje fu, o eeemo u doon areyi fe, abe n'áyemi ti bakan koone kareyi fe.

2 Korent 5:10

Ábuki úwarawar bibin bisiiŋo úreyi fe hágila Kiris eejoonan úne, huruw fe eebatikanee doon d'aroke du t'enio, man meejake, man yooŋ meejakut.

Májiye 16:27

Isokuunsok bonde ábuki *Añi ute Húŋgowulan hu bibin ti sembe sómbokun site Faafo n'emalaka yeene, abe n'aŋ'abatikan huruw fe doon d'aroke du.

Májiye 6:4

man kawunu kondu ni kíyemi kawunu kéenuusee. Abe Faafi aa ajuk bamb'á̱hin béenuusee bu n'aŋ'asiibani.

Esuwif i 10:35

Náami eyakar yeenuun etum'ébujo, ábuki yo eja fu kákinineŋ n'aribaj hisiibanu hómbokun.

Esuwif i 11:26

Ajukajuk náami ifi kálafatino naane yooŋ *Afakana u, bondu bihaŋahaŋ ebaj ite Esipt fe. Ayinoorayinoor bondu ábuki ásikasik ñíkino fe anaŋ ti hisiibanu hite hágila.

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.

Májiye 6:1

—Bamb'árihin bite ti bítim bite Atambatun, áriwasiyoor ti káhinu kite te bo tu buhooŋu ésuk i kaanuku keejukuun. Af'aŋ'árihin bo hágilaiin, at'aribaj hisiibanu ti Faafuun eeemo u t'etiir.

Májiye 5:12

Kikawuun kutoof dómbokun, ábuki hisiibanu hómbokun hondu ti kanahanuun t'etiir. Múniyo iyu yooŋ e ésuk i káhihinoore fu *eyiŋana yite Atambatun kéegilanuun ku.

Hirim Heetoofe hu hi Luk akiñje hu 6:35

N'afin áami aruun, árimaŋi enatoora yeenuun, abe n'árihiniin meejake. Arimaageniin yooŋ, abe n'arinuutan toko siheluun. Af'árihiniin iyu, aruun kabaju hisiibanu hómbokun, abe n'aŋ'áriyemi biñi bite Atambatun eeemo u t'etiir-t'etiir. Ábuki ajakajak ti kéeenaariit ku eyeehen, ni kéenafute ku.

1 Korent 12:13

Bakaake t'úne Esuwif, bakaaku kanooto Esuwif, bakaake búsukateen, bakaaku kanooto búsukateen, bare úreyi fe *úbostee fu tu Búwejet Beenabe bu bifeeneŋ bu kaanuku núuhin eni efeeneŋ. Abe Búwejet Beenabe bu bifeeneŋ bu bibine fu t'úne úreyi fe.

Kolos 3:25

Bare an eenijut u ajakee, o kabatikanee meejakut m'áhine mu, ábuki t'Atambatun ésuk i erare.

Májiye 20:7

Ni kaano: «Aŋarkeyi an ayitut uni burok.» N'aaniin: «Yooh, arija ariirok yooŋ t'etool íima.»