Efees 6:23 - Kwatay (Kuwaataay)

²³ Atambatun Faaf u, n'Anahaan u Yesu *Kiris kaja kawunuuun káasuumaay aruun *kéeyilene ku. Ni káhinuun áriimaŋioori, abe ni káwutiyenuun káyilen.

Efees 6:23 Referans Kwoze

Galasi 6:16

Kiŋki kajok fe buroŋ bondu b'isokuun bu, Atambatun aja awuniin káasuumaay, abe n'ayubiyeniin, boko ni bakaaku yooŋ k'akino ku fe.

1 Piyeer 5:14

Arisaafoor ti káfoonoor kite baatiaay. Aribaj káasuumaay arireyi fe, aruun ki Yesu *Kiris akino ku.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

1 Timote 1:14

Atemit ite úne ásoniyanamsoniyan dómbokun iyak ibaj káyilen, abe n'ímaŋi yooŋ húŋgowulan ni kámaŋi kéenuutina ti Yesu Kiris.

Kafeeñal ku 1:4

Íñje Saaŋ ikiñje fee bakate ku ti kikinu keemo hutok nu kúsuba kite Asi *kéeyilene ku: Atambatun aja ásoniyanuun, abe n'awunuun káasuumaay, akina eeemo u, akina éeyemie u, akina eebin u. Ñúwejet ñu hutok nu ñúsuba ñu ñeeemo ñu hágila eriikeey yeene yite híyiaate hu ñija ñúsoniyanuun, abe nu ñuwunuun yooŋ káasuumaay.

1 Timote 1:3

A̱riiko Efees naane ibine i isoki íñje ti bija bu Maseduwan. Bakaake bokondu baabu iŋi kaliiken ésuk i beenooto bite nu múniyo. Á̱haminiin ayanee man ni karaan.

2 Tesalonik 3:16

Yala Anahaan u aa awun káasuumaay ku n'awunuun akina humuumo káasuumaay ko kireyi fe, nu tu doon areyi. Yala Anahaan u n'áyemi n'aruun arireyi fe.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

1 Tesalonik 5:8

Bare úne, kaajiŋgan kíkinie fu úne, abe úwarawar kajoku kikaw úne. Úwarawar kasolu káyilen ku ni kámaŋioori ku naane uu úsol ebaŋgal kaanuku eŋ'eram úne. N'úsol yooŋ eyakar ite úne yite kafaku ku naane uu úsol ékuhe yite hitiik.

1 Korent 1:3

Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

Eleetar i yi Pool akiñje i bakate ku Rom 1:7

Aruun keeemo ku *Rom k'íkiñjina fee, aruun k'Atambatun ámaŋie ku arireyi fe, abe n'aruwuun kaanuku áriiyemi bakan koone. Atambatun Faaf úne, n'Anahaan u Yesu Kiris kaja kásoniyanuun, abe ni kawunuun káasuumaay.

Saaŋ 14:27

«Káasuumaay k'iwas fee n'aruun; káasuumaay kúuma k'iwunuun fu. Iwunutuun ko aliik naane bakate ku t'etaam ye ii kawun. Atum'ariyinoor doon fe, atum'árikoleyi yooŋ.

1 Timote 5:8

An afut'aŋ'atofotoor ebuke yeene, áhaŋum butoŋ booniin, an ondu awasa káyilen ku, abe an éeyilenut ákoyiokoyi.

Eleetar i yi Pool akiñje i bakate ku Rom 15:33

Atambatun aa awun káasuumaay ku aja áyemi n'aruun arireyi fe! Amiin.

2 Korent 13:11

Hahiyu úwasoor kújakuwe! Ariŋes káyemi bakan keekuure but, ariyaŋgananoor kikaw, arijamoor, abe n'arikin ti káasuumaay. Af'árihin iyu, Atambatun éemaŋie u ésuk i, abe n'aŋ'awuniin káasuumaay n'aŋ'áyemi n'aruun.

Efees 6:24

Atambatun aja ásoniyan bakan ku fe kéemaŋie ku Anahaan ite úne Yesu Kiris kámaŋi kiraanu.

3 Saaŋ 1:14

Mánoman wane kajukoor memee, abe n'uŋu waanoŋk núwaahamin kúsuba wane.