Efees 6:19 - Kwatay (Kuwaataay)

¹⁹ Arilaw yooŋ bija t'íñje, man Atambatun n'aŋ'awunam kirim keejoŋoore kane íyemi ti báhamin, hikawam heeyaŋg iŋ'iwaare béenuusee bite Hirim Heetoofe hu.

Efees 6:19 Referans Kwoze

Kolos 4:3

Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

Epotor i 4:29

Hahiyu Atemit, a̱juk naane ii kákolinan uni, abe n'a̱wun uni sembe, uni eroka íiwe iŋ'irisok hirim húuwe ni kikaw keeyaŋge.

2 Tesalonik 3:1

Hahiyu kújakuwe, arilaw bija t'uni man hirim hite Anahaan u ni hijamo ahilee, abe tánotan fe nu hujokee, naane aa árihin t'aruun.

1 Tesalonik 5:25

Kújakuwe, arilaw bija t'uni.

Esuwif i 13:18

Arilaw bija t'uni. Bukuurakuur uni kaanuku ñúwejet ñite ñ'uni ñukuurakuur, abe írimaŋamaŋi káhinu ko kireyi fe meejake.

Epotor i 4:31

H'aamo hu kahabana kalawu ku, n'ayoŋoŋanooree toko ti kakuukanooree du. Búwejet Beenabe bu nu búhoojiniin kareyi fe, abe ni káyemi ti kasoku hirim hite Atambatun ni kikaw keeyaŋge piŋ.

1 Tesalonik 2:2

Árimoomi yooŋ kaanuku h'íriyemie hu Fílip, bakate ku bo káhihinoorahihinoor uni, abe ni kálafatin uni. Bare h'írireeŋina hu t'aruun, naane átaañie i fe, Atambatun ayaŋgananayaŋganan uni kikaw iriisokuun Hirim Heetoofe hu héenuutina hu te o.

2 Korent 8:7

Aruun kusaanum tu buroon bu fe: ti káyilen ku, ni kámeyi kite múniyo mu, ni kawaare kite te mo, ni bíhabaneina bu t'Atambatun, ni kámaŋi k'árimaŋie ku uni. Náami írimaŋamaŋi áriyemi yooŋ naane kusaanum tu burok bondu beejake bii bite bateg bu.

Efees 1:9

Áhinahin úne núumeyi boone béenuusee bu yéeni, b'afiye bu asiiŋan ti kajaku koone, abe n'áŋaasann bo ti Kiris.

1 Korent 4:1

Náami ariwarawar kajoku uni naane eroka barebare bakate *Kiris, bakan keesaanee kaanuku iŋi kawaare múniyo méenuusee mite m'Atambatun.

Epotor i 28:31

Aŋ'awaare Jáyi jite Atambatun, abe n'aŋ'aliiken ésuk i bite b'Anahaan u Yesu *Kiris ni hikaw heeyaŋge piŋ, abe an ákolenaariito.

Epotor i 19:8

Pool n'aŋ'aja ti *báalawum bu, abe kiim kíhaaji n'aŋ'áhamin toko hikawo káayaŋgin piŋ. N'aŋ'áhamin toko bite *Jáyi jite Atambatun, abe n'aŋ'aŋes káhinu kiŋki kajamatano kéeyileno.

Epotor i 13:46

Náami Pool ni Barnabas ni kásafiniin, kikawiin káayaŋgin piŋ, kaaniin: —Aruun ariware fu kajabu arijam hirim hite Atambatun. Bare makamu ariteñekaa ho, abe yooŋ arijukerajuker náami t'aruun ajakutee kaanuku ariibaj buroŋ béehabanaariit bu, iriija kame ti keenooto ku Esuwif.

Filemoŋ 1:22

Abe yooŋ n'a̱faraam anuuf, ábuki iyakarayakar kaanuku Atambatun kasayi kalawu koonuun, abe n'áhinam íibatikein t'aruun.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

2 Korent 3:12

Eyakar yendu y'iribaje i ékinineŋe fu kikaw kite k'uni ni kiyaŋg iŋ'iriwaare Hirim Heetoofe hu.

1 Korent 1:5

Múniyo naane árihine i ne o t'afeeneŋ, arihoojaneehoojan bib n'ebaj yánoyan, áhaŋum yite kámeyi kite múniyo mu, ni kawaare kite te mo.

Epotor i 14:3

Pool ni Barnabas ni kafiyo bare Íkoñom. Iŋi káhamin ni kikaw keeyaŋge, abe n'eyakar yómbokun t'Anahaan u. Anahaan u n'áwufoor kaanuku bimbi kawaare ti kajaku koone bite nu múniyo, ábuki awuniinwun sembe site káhinu buroon beehaŋe ésuk i kikaw.

Epotor i 9:27

Náami Barnabas éeyokunano, abe n'aja ne o *t'epotor i. N'asokiin naane Sóol ajuke i Anahaan u ti bítim bu, nu buŋ b'Anahaan u áhamine fu ne o. N'asokiin yooŋ buŋ bu Sóol awaaree fu Damas ariike tu huruwu hite Yesu ni hikaw heeyaŋge.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

2 Korent 7:4

Hikawam hiyaŋgayaŋg t'aruun dómbokun, abe n'aruun n'if'isaŋgoor. Naane aamo i iŋ'irijuk sílaam fe, hikawam iŋi hiyaŋg piŋ, abe iŋ'itoofan dómbokun.

2 Korent 1:11

Aruun yooŋ kumuumuun aŋ'áriyokunan uni naane aa arilaw bija t'uni. Iyu i bakan keehooje ifi kaane Atambatun eyeehen ti naane aa ájeŋgin kalawu kooniin bija t'uni, abe n'awun uni káasuumaay.

1 Korent 2:7

Aaa, iŋ'iriwaare búwesinato b'Atambatun ánuusaanie bu, abe kúŋgowulan ku kánandinut bo. Atambatun afiyafiya afare búwesinato bondu t'etaam i éwuwanoorutee, bija ti kánikan kite k'úne.

Eleetar i yi Pool akiñje i bakate ku Rom 15:30

Kújakuwe, íñj'endu ti káwasiyanuun bonde t'Anahaan ite úne Yesu Kiris, ni ti naane Búwejet Beenabe bu ii bíhin úne núumaŋioori: árisiiŋoorein n'íñje ariilaw Atambatun árihabanein uŋu húuma hu.

Epotor i 18:26

N'aŋ'áhamin ti *báalawum bu hikawo káayaŋgin piŋ. Hi Pirisil n'Akilas kajamo hu, ni kaja ne o, abe ni kahaŋo káwuforoor bítim bite Atambatun.

Epotor i 4:13

Kéeyemie ku ti kajoonan ku ni kajahale kareyi fe hi kajuke hu kaanuku Piyeeriin ni Saaŋ kikawiin kiyaŋgayaŋg, kúŋgowulan yooŋ taŋ, abe kámusut kajaŋga. Ni kakeetan kaanuku iŋi kariboor yéeni ni Yesu.

Epotor i 2:4

Huruw fe tu boko n'ahooj bib nu Búwejet Beenabe bu, abe ni kásit káhamin ti kíhaminiin kuway, huruw naane Búwejet bu buwuno i éehamin.

Epotor i 9:29

Aŋ'áhamin yooŋ, abe n'ajeeŋoor n'Esuwif i kiŋki káhamin *kigerekaay ku, bare bokondu ni kaŋeso kayoolu.

Eleetar i yi Pool akiñje i bakate ku Rom 16:25

Úsokoroor Atambatun! Áyinooni káhinu káyilen koonuun keeyan naane busokee i ti Hirim Heetoofe hu hih'iwaare, heesoke hu bite bu Yesu *Kiris. Hirim hondu húwufoorawufoor b'Atambatun ánuusaanie bu huta hu kóŋkeyin,

2 Korent 6:11

Kújakuwe, aruun bakate ku Korent, írihaminuunhamin akuur but, írifeŋginuunfeŋgin yooŋ sihel site s'uni.

Efees 3:9

Atambatun éewuwane u doon areyi fe afiyafiya ánuus béeyemie bu ti hikawo. Náami asaanamsaan yooŋ kaanuku íiwufoor ésuk i akuur but buŋ b'aja fu bo káhinu,