Efees 6:11 - Kwatay (Kuwaataay)

¹¹ Arijok bujuŋko b'Atambatun awunuun bu bireyi fe, kaanuku man n'áriyini bisiiŋo alitee kane Setani aŋesuun kabuutu.

Efees 6:11 Referans Kwoze

2 Korent 10:4

Bujuŋko bimb'irilob ne bo bíteiit bakate ku t'etaam ye: bo bujuŋko beeyane bite Atambatun, abe bíyinooni kábuju doon fe déerahanna te o. Iŋ'íribuj biyinoor beenooto bite nu múniyo,

Eleetar i yi Pool akiñje i bakate ku Rom 13:12

Huhuk hu hibaaŋaa, memee n'iŋi tifiit. Náami úfiiten kinij ku kiŋki kíhinee t'ébaani i, núusik bujuŋko b'úja bu ne bo hitiik hu ti meejaaŋe mu.

1 Tesalonik 5:8

Bare úne, kaajiŋgan kíkinie fu úne, abe úwarawar kajoku kikaw úne. Úwarawar kasolu káyilen ku ni kámaŋioori ku naane uu úsol ebaŋgal kaanuku eŋ'eram úne. N'úsol yooŋ eyakar ite úne yite kafaku ku naane uu úsol ékuhe yite hitiik.

Efees 6:13

Iŋ'ite ho aamo fu arijok hahiye bujuŋko bite Atambatun bireyi fe! Af'árihin bondu, hunak hite sílaam su ifi hireeŋ, n'aŋ'áriyini katandarisan t'an eejonduun u. Abe af'árituum bija yooŋ ti biraanu, aruun bisiiŋo jirib.

1 Piyeer 5:8

Arijok kikawuun, abe n'áriwasiyoor! Ábuki anatoora oonuun Setani ondu ti kañaahoor naane éŋaŋ ti kanuuru kep, hiŋes aañ a aware fu kateŋu.

2 Korent 2:11

Íhinahin bo kaanuku Setani atum'abin ahaŋ úne sembe. Múniyo úmoomi jak bamb'aŋes.

Efees 4:14

Náami ut'uŋk'úyemi biñi. Ut'uŋk'úyemi naane busoona bu móhujo miñake tánotan ti han hu, man yooŋ b'eyam i etendeŋane. Ejuusa i yooŋ it'iŋki kabuut úne ni báhamin bimbi kanoŋk kéetuut.

Kolos 3:10

Manoŋkar míyeni m'aribaje fu, abe Atambatun awunuun fu mo kaanuku ko kireyi fe n'áriyemi bakan kíyeni, ariinokoor ne o éewuwanuun u. Iyu, n'aŋ'áriyini kámeyio arihaban.

Eleetar i yi Pool akiñje i bakate ku Rom 13:14

Arisolo Anahaan u Yesu Kiris, abe atum'aŋk'ariwas wúfaŋi woonuun weejakut wu weetiŋguun ti meejakut mu.

2 Korent 11:3

Bare íkolakoleyi an atum'abin abuutuun éehinuun ariiwas kájeŋgin Kiris kájeŋgin keejoŋoore abe nu kukuur, naane yooŋ doon du dibine i dubuut Eef ni haajuus hu.

2 Korent 6:7

ni kawaare kite múniyo mu, ni ti sembe site Atambatun. N'íriwufoor bo yooŋ ti kájubu kite k'uni keeemo ku naane bujuŋko bite kálaatin, man yooŋ bite biramooro.

Kafeeñal ku 2:24

«Bare aruun bakaaku bakate ku Tiyatiir kéeyilene ku, ariteñekateñeko maliikenar mondu. N'ariteñeko yooŋ kámeyi bondu bimbi kaane: “béesulie bite bu Setani”. Íñje isok fee n'aruun: it'isejanuun bike,

Efees 4:24

Náami arisiimo manoŋkar míyeni m'Atambatun áwuwanee mu naane ámaŋie i, man n'aribaj buroŋ béejube abe ni binab yooŋ béenuutina tu múniyo mu.

Esuwif i 7:25

Iŋ'ite ho h'áyinie fu kafakan akuur but bakan ku kiŋki kaŋaas te o keeloh Atambatun, ábuki ondu tu buroŋ hiraanu kaanuku aŋ'abin alaw Atambatun bija tu boko.

Eleetar i yi Sud akiñje i 1:24

Úsokoroor Atambatun afeeneŋ u eeŋaase u t'Anahaan ite úne Yesu *Kiris eefakan úne. Akina áyinie fu kajukaruun kaanuku atum'ariney, abe n'áhinuun ariisiiŋo hágilao, o éenike u. Aruun *kakuuru but, abe kikawuun katoofu dómbokun. Akina akino fu kániku ku, ni kahahu ku, ni sembe su, ni hiseefaate hu huta hu ti kájabina ku, ni hahiye, nu ko kireyi fe! Amiin.

2 Korent 4:4

Bokondu káyilenut, ábuki atambatun eejakut u ite etaam i ámiñamiñ ñúwejet ñooniin ñéeyemi t'ébaani. Áhinahin bondu kaanuku itim káyini kajuku meejaaŋe mite Hirim Heetoofe hu, héewufoore hu kániku kite ku *Kiris eeemo u humuum búnokoorum bite Atambatun.

1 Korent 10:13

Buroon bimbi biñakuun ariiney tu wuhoofoor buwayeit ni bimbi biñak yooŋ bakaaku tu wuhoofoor wu. Atambatun áwasaariit báhamin b'asoke, abe at'awas hikee bike beehaŋuun sembe beebajuun. Af'áriyemi ti kañakiee ti kaahoofoor kep, Atambatun kawunuuun sembe site kajoku alitee, aamo fu efehe yite kafaku ku.

Mark 13:22

Ábuki bakaake bibin, abe n'iŋi kajuus kaane boko kaamo fu Afakana u, man yooŋ *eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, bakan k'Atambatun ajifane ku.

Kafeeñal ku 12:9

Éjufuur yómbokun i n'éfiitenee tíyaŋ. Yo yeemo fu doon dúbuunaay dihaan du, dundu dubuut ésuk i kareyi fe. Do difi kaane Batuuk bu man yooŋ Setani. Ni dífiitenee t'etaam i, do n'emalaka yite te do.

Kafeeñal ku 19:20

Éndakakureŋ i n'ejokee, yo n'an u aa ajuus aane akina *ayiŋana ite Atambatun, eebine u áhin buroon beehaŋe bu ésuk i kikaw tu buhooŋu éndakakureŋ i. (Nu bondu beehaŋe bu ésuk i kikaw n'abuute fu bakan kéeyekie ku ékeetanuma yite éndakakureŋ i, abe n'iŋi kásukaay búwisenum bite te yo.) Éndakakureŋ i n'an u aa ajuus aane akina ayiŋana ite Atambatun ni káfiitenee bároŋari ti han hite sineemak su n'efor yéesufe i.

Saak 4:7

Náami árijeŋgin Atambatun. Aritandarisan ti Setani, abe n'aŋ'atey akambuun.