Efees 5:26 - Kwatay (Kuwaataay)

²⁶ Áhinahin bondu kaanuku éekajiniin bija t'Atambatun. *Akuuraniinkuuran nu móhujo, ni hirim hu yooŋ.

Efees 5:26 Referans Kwoze

Saaŋ 15:3

Ariheeka *ariikuur naane nunukanuk neebendee, abe báhamin b'isokuun bu bíkinineŋe fu.

Esuwif i 10:22

Náami úloh Atambatun nu suhol séejube, kikaw úne yooŋ kiyaŋg piŋ núuyilen, ábuki halan hite *Kiris hukuuranakuuran suhol site s'úne ti biyinoor bánoban beejakut, abe sini site s'úne siñaweeñaw yooŋ nu móhujo meekuure.

Saaŋ 3:5

Yesu n'aano: —Iisoki bifeeneŋ bu: an ayinaat buyooso ti Jáyi jite Atambatun t'abukutee nu móhujo, nu Búwejet Beenabe bu.

1 Korent 6:11

Iye i bakaake t'aruun káyemie fu hítiyar hu. Bare wuhoofoor woonuun wuñaweeñaw akuur but, árikajineekajin bija t'Atambatun, arijokeejok bakan kéejube hágila Atambatun tu huruwu hite Anahaan u Yesu *Kiris, nu Búwejet bite Atambatun ite úne.

Efees 6:17

Arijok kafaku ku naane aa arisol ékuhe yite hitiik, abe n'arijok Hirim hite Atambatun heeemo hu naane kábura, ku Búwejet Beenabe bu buwunuun.

1 Saaŋ 5:6

Yesu *Kiris aamo fu an éeŋaasina u t'etaam i: n'ayooso tu móhujo ti kaboste koone, n'áyuus yooŋ halan hoone ti kaketu ku. Tu móhujoiit barebare t'áŋaasina fu, bare áŋaasinoŋaasin tu móhujo, ni ti halan yooŋ. Abe Búwejet Beenabe bu iŋi biseede kaanuku bondu bite nu múniyo, ábuki Búwejet bu beemo fu múniyo mu.

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

Esuwif i 10:10

Makamu Yesu Kiris áhina ahaban b'Atambatun ámaŋie bu, kaasarah k'áhine ku kite eni yeene, kifeeneŋ ku taŋ abe yooŋ kiraanu, kukuurana úne tu wuhoofoor wu.

1 Piyeer 3:21

Móhujo mondu múmoomi naane *kaboste ku kiŋki kifakanuun hahiye. Kaboste kondu, káanukiiit kite kañawu ñubub ñite eni. Aaa, ko kite kájeŋgin Atambatun nu búwejet beekuure. Kaboste ku iŋi kifakan úne aŋarkeyi naane Yesu Kiris aritaneeritan t'eket i.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

Epotor i 22:16

Hahiyu naŋ n'a̱nahan fu? A̱rito, a̱bostee, wuhoofoor wúuwe weeñawee, awe ti karuwu huruwu hoone.”»

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

Eleetar i yi Sud akiñje i 1:1

Íñje Sud aroka ite Yesu *Kiris, íñje at'ute Saak íkiñjinuun fee aruun k'Atambatun Faaf u aruwe ku. Ámaŋiuunmaŋi, abe Yesu Kiris af'ajukaruun.

Epotor i 26:18

Iiboñi a̱aja á̱feŋgin ñíkiniin, abe n'á̱nuutanniin t'ébaani i keebin ti meejaaŋe mu. Boko kánuutina ti sembe site Setani keebin t'Atambatun. Ifi káyilen t'íñje, wuhoofoor wooniin n'uŋu wuboŋketee, abe n'iŋi káyini kareyi ti bakan kite Atambatun.»

Saaŋ 17:7

Hahiyu kámeyia kaanuku buroon b'a̱wunam bu fe, t'awe tu búnuutina fu,

Saak 1:18

Ho hutoofo n'awun úne buroŋ, aŋ'asaan bo ti hirim hoone heeemo hu hite nu múniyo, kaanuku man n'úyemi étiyar i tu buroon b'áwuwane bu fe.

Saaŋ 15:8

Af'aribuk miriyaay meehooje, iyu i Faafam aja fu kánikanee, iyu yooŋ a arija fu káwufoor kaanuku aruun eriboora íima.

Saaŋ 13:10

Yesu n'aano: —An eeñawee ahaban asawuleit biñawo, kane arko am añawe wuwoto, ábuki akuurakuur but. Abe aruun *arikuurakuur, bare árireyiiit.

Eleetar i yi Pool akiñje i bakate ku Rom 10:8

*Míkiñjin mu meenaan: «Hirim hite Atambatun hikambuti, hondu ti káalelufi, nu tu búwejeti.» Hirim hondu heemo fu báhamin bite káyilen ku kiŋk'iriwaare.

2 Korent 11:2

Ítumbatumba ífiir t'aruun káfiiru kéenuutina t'Atambatun. Ábuki isibaruunsibar bija t'ániine afeeneŋ eeemo u *Kiris, abe n'ímaŋi kaanuku huyoosan hu ifi hireeŋ, n'iŋ'isaanuuno naane ásuŋgute éemeyiit ániine, abe n'akuur but.

Kolos 3:16

Hirim hite Kiris hija hikin t'aruun, n'ebaj ite te ho fe. Ariliikenool, abe n'aririmoor nu búwesinato boonuun bireyi fe. Arihooñ kuhooñu kánokan kite k'Atambatun, abe n'arihooñ ko suhol soonuun síhabanein ariieno eyeehen.

Esuwif i 4:12

Hirim hite Atambatun huroŋaroŋ jes, abe yooŋ hibajabaj sembe. Hihaŋahaŋ kábura kánokan fe kariyu. Uŋu huyooso bija níbahindaa ti yaan i éfimboore du nu búwejet bu, nu tu súkulinu su sífimboore du ni matoof mu. Iŋi hifeeñal biyinoor beeemo bu tu búwejet bite an, nu doon fe d'ámaŋie káhinu.

Esuwif i 10:14

Náami ni kaasarah kifeeneŋ taŋ, akuurana hiraanu bakan kéekajinee ku bija t'Atambatun.

Esuwif i 10:29

Náami arijuker t'an eehuufe Añi ite Atambatun: an ondu ajokut doon fe halan *heekuurano hu, hite *kaajamoor k'Atambatun asiiŋane ku, abe aŋ'álafatin Búwejet Beenabe bu bumbu búwufoor úne kajaku kite Atambatun. Ti kaayinoor koonuun, at'anijee fíya te o ahaŋ diyu?

Esuwif i 13:12

Iŋ'ite ho hi Yesu yooŋ akete fu tíyaŋ hikinu hu, kaanuku *eekuuran ésuk i ni halan hoone.

2 Piyeer 1:9

Bare an eebajut u so, ámoomi naane an éefuume; ájukaariit áwariee. Afiilafiil kaanuku Atambatun akuuranakuuran wuhoofoor woone wute wu kóŋkeyin.