Efees 5:25 - Kwatay (Kuwaataay)

²⁵ Aruun háyine hu, árimaŋi haare hoonuun naane Kiris ámaŋie i kéeyilene ku, abe n'ásik buroŋ boone asaan uŋu hooniin hu.

Efees 5:25 Referans Kwoze

1 Piyeer 3:7

Aruun yooŋ háyine hu, arijokoor haare hoonuun áwariee, abe n'áribaŋino kaanuku arireyit nu boko sembe. Arijokiin nu sumoŋu súsuba, ábuki kawarawar kabaju buroŋ béehabanaariit bu b'Atambatun ayak bu kawunu naane aruun. Af'árihin ii, doon utu dukolen kalawu koonuun.

Kolos 3:19

Aruun háyine hu, árimaŋi haare hoonuun, abe atum'aŋ'arinuur tu boko.

Efees 5:28

Náami naane háyine hu kámaŋie i siniiin, iyu yooŋ i kaware fu kámaŋi haare hooniin. An af'ámaŋi anaar'o, ámaŋamaŋi hikawo.

Efees 5:33

Náami hahiyu aruun, huruw fe ámaŋi anaar'o naane ámaŋie i hikawo, abe anaare-naare fe n'ájeŋgin áyino.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

Epotor i 20:28

Áriwasiyoor kikawuun, abe n'arinaŋ ko yooŋ ti kaahaaw ku fe ku Búwejet Beenabe bu bisaanuun ku ariihaaw. Áriyemi ehaawa yite bakate ku Atambatun kéeyilene ku, k'aŋese ku ni halan hite Añi oone.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

1 Timote 2:6

Ásikasik buroŋ boone awun, eejaam kaanuku ésuk i fe yeefak. Bondu biseedee fu h'aamo hu tireeŋa toko.

Efees 5:24

Náami haare hu kaware fu kájeŋgin bákayiniin tu doon areyi fe, naane yooŋ kéeyilene ku kájeŋgine i Kiris.