Efees 5:20 - Kwatay (Kuwaataay)

²⁰ Ariene ko kireyi fe Atambatun Faaf u eyeehen tu doon areyi fe, tu huruwu hite Anahaan ite úne Yesu Kiris.

Efees 5:20 Referans Kwoze

Kolos 3:17

Abe doon fe d'ariemo ti káhinu, man yooŋ ti kasoku, árihin do tu huruwu hite Anahaan u Yesu, abe n'ariene yooŋ Atambatun Faaf u eyeehen uŋu hoone hu.

1 Tesalonik 5:18

doon fe deeyak kabaju, arieno eyeehen. Bo b'ámaŋie fu t'aruun kéehine ku t'afeeneŋ ni Yesu *Kiris.

Esuwif i 13:15

Ko kireyi fe, úhin kaasarah kite kasokoroor Atambatun úŋaasann ko ti Yesu Kiris; aamo fu úsokoroor huruwu hite Atambatun.

Fílip 4:6

Atum'arijahale tu doon fe, bare naane biyino i káyemi fe, arilaw Atambatun ariisoko doon d'arisawulee du, ti kaanio yooŋ eyeehen.

Efees 5:4

Ajakutee yooŋ n'aŋ'arifut báhamin; ariwas yooŋ báhamin béekojie. Ho húkoyie n'arilaw Atambatun ariieno eyeehen.

2 Tesalonik 1:3

Kújakuwe, iriwarawar kaanu Atambatun ko kireyi fe eyeehen uŋu hoonuun hu. Abe ajakeejak naane ii írihin iyu, ábuki káyilen koonuun kihaŋa bija hágila, abe kámaŋioori k'árimaŋioorie ku kondu ti kahaŋu kayanu.

2 Tesalonik 2:13

Kújakuwe, iriwarawar kaanu ko kireyi fe Atambatun eyeehen uŋu hoonuun hu, aruun k'Anahaan u ámaŋie ku. Múniyo Atambatun ajifanuunjifan kaanuku áriiyemi étiyar i ti kafaku ku.

1 Piyeer 2:5

Áritofin man aruun yooŋ n'ariyitee naane bujuju beeroŋe, bija tu kunut kite enuuf ite Búwejet Beenabe bu. Aruun káyemi toko eja yite *esaraha keenabe, aŋ'aribin arisarah naane Búwejet bu busokuun i, abe Atambatun n'aŋ'asa wo iŋ'ite hu Yesu *Kiris.

1 Korent 1:4

Ko kireyi fe iŋ'eene Atambatun úuma eyeehen uŋu hoonuun hu, iŋ'ite kajaku koone k'áwufooruun ku ti Yesu *Kiris.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

1 Piyeer 4:11

An eeemo ti kawaare awarawar kasoku kirim kite Atambatun. An eeemo ti káyokunan ake awarawar káhabanna sembe s'Atambatun awuno su, kaanuku man tu buroon bu fe Atambatun n'asokorooree iŋ'ite hu Yesu *Kiris. Kániku ku kíyemi koone ku hiraanu, ni sembe su fe! Amiin.

Fílip 1:3

Ko kireyi fe, ehelam ef'éyemi t'aruun, iŋ'eene Atambatun ite úne eyeehen.

Epotor i 5:41

Epotor i ni kanuut ti báajoonanum bu, kikawiin káatoofin ti naane Atambatun ajokiin i kaanuku kéelafatinee uŋu huruwu hite Yesu.

1 Tesalonik 3:9

Kaanu yooŋ Atambatun eyeehen uŋu hoonuun hu, ti katoofu k'árihine ku uni hágilao, at'afamee hikee.

Eleetar i yi Pool akiñje i bakate ku Rom 1:8

Iijab eene Atambatun úuma eyeehen uŋu hoonuun hu arireyi fe, iŋaasan bo ti Yesu *Kiris, ábuki káyilen koonuun kijamajamo t'etaam i fe.

1 Korent 15:24

Abe n'aŋ'áami kamoosen ku: Kiris kábuju sembe sánosan fe seejakut, n'eseef yeeniin, nu ñúwejet ñeejakut ñu fe, ahaban n'aŋ'abatikan Atambatun Faaf u híyiaate hu.