Efees 5:2 - Kwatay (Kuwaataay)

² Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Efees 5:2 Referans Kwoze

Saaŋ 13:34

Iisaanuun eluwa éyeni: árimaŋioori. Naane ímaŋiuun i, iyu yooŋ a ariware fu kámaŋioori.

Galasi 2:20

Náami aŋkut áami íñj'eemo fu tu buroŋ bu, bare Kiris aamo fu tu buroŋ bu t'íñje. Buroŋ bite t'etaam ye b'eemo bee te bo hahiye, íñj'endu te bo ti káyilen ku t'Añi ite Atambatun éemaŋiam u, abe n'ásik síhiinio asaan bija t'íñje.

Kolos 3:14

Abe beehaŋe bu fe beemo fu árimaŋioori. Kámaŋioori ku ifi kíkinineŋ kajokoor ku ni kiyan.

2 Korent 2:15

Ábuki t'Atambatun úne úemo fu naane haaw heetoofe hite hu Kiris hihi hireeŋ ésuk i. Ti keeemo ku ti kafaku ku, úne haaw heejake hite buroŋ hihi hibin nu buroŋ bu; bare ti keeemo ku tu bútowuto bu, úne haaw heejakut hite eket hihi hibin n'eket i. Aañ áyinie káhinu burok naane bondu?

Eleetar i yi Pool akiñje i Tit 2:14

Awunawun buroŋ boone iŋ'ite h'úne, kaanuku eefakan úne ti meejakut fe, abe n'akuuran úne. Iyu, n'uŋ'útumb úyemi bakan koone kéeñiŋkaane ti káhinu buroon beejake taŋ.

1 Korent 16:14

Árihin doon fe ni kámaŋi.

Májiye 20:28

Iyu yooŋ a *Añi ute Húŋgowulan hu abine fu, káanukiiit eebaj búsukateen, bare kaanuku éeyemi ásukateen, abe n'awun buroŋ boone beejaam man keehooje ni kafak.

1 Piyeer 4:8

Beehaŋe bu fe beemo fu árimaŋioori dómbokun, ábuki kámaŋioori aŋ'ahok wuhoofoor weehooje.

2 Korent 8:9

Ábuki árimoomi naane Anahaan ite úne Yesu *Kiris áwufoore i úne kajaku koone: akina éeyemie u husaanum, n'áhinooro an eebajut uŋu hoonuun hu kaanuku man kabajaate koone ni kíhinuun áriiyemi kusaanum.

1 Saaŋ 3:16

Iye u úmeyie fu naŋ neemo fu kámaŋi: Yesu *Kiris ásikasik síhiinio asaan bija t'úne. Náami úne yooŋ úwarawar kásiku síhiinu úne úsaan bija ti bakati úne.

Kafeeñal ku 1:5

Yesu *Kiris yooŋ, aseede éejube u aja ásoniyanuun, abe n'awunuun káasuumaay, akina eeemo u átiyar u dók ti karitanee t'eket i, akina eeemo u áyi ite bákayi ku t'etaam i. Kiris ámaŋamaŋi úne, abe n'aram úne tu wuhoofoor wu ni halan hoone héeyuusee hu.

Esuwif i 9:26

Arko yéeni iyu i bije fu, n'aŋ'ajuk sílaam keehooje-hooj, huta h'etaam i eŋ'ebin éwuwanee. Bare hahiye, ti kamoosen kite etaam i keelohene kee, hifeeneŋ taŋ abe yooŋ hiraanu h'áŋaasina fu, kaanuku éesik eni yeene eesarah, eenuutan wuhoofoor wute ésuk i.

Esuwif i 9:14

Arko bondu bite toko, halan hite Kiris hihaŋe kame sembe! Ábuki ásikasik enio eesarah yo Atambatun kaasarah keekuure but, ti sembe site Búwejet Beenabe bu béeketaariit bu. Halan hoone kakuuran sihel site s'úne ti kinij keebajut ku éñjeriŋ kiŋki kibin n'eket i, kaanuku man n'úyini karoku bija t'Atambatun eeemo u buroŋ.

1 Timote 2:6

Ásikasik buroŋ boone awun, eejaam kaanuku ésuk i fe yeefak. Bondu biseedee fu h'aamo hu tireeŋa toko.

Efees 4:15

Bare uf'uŋ'úsokoor múniyo mu, abe n'úmaŋioori yooŋ, n'uŋ'úhaat tu doon areyi fe ti Kiris eeemo u hikaw hite kéeyilene ku.

1 Saaŋ 3:23

Eluwa yende y'asaane i úne: aane úyilen tu huruwu hite Añio Yesu Kiris, abe yooŋ n'úmaŋioori naane asoke i úne.

1 Timote 4:12

Atum'a̱was an fe eeheebi aŋarkeyi naane á̱moomi añi. Bare á̱hin man kéeyilene ku ni kaliikool n'awe ti máhaminar múuwe, ti manoŋkar múuwe, ti naane á̱maŋie i an, ti káyilen kúuwe, ni *kakuuru kúuwe.

1 Tesalonik 4:9

Kújakuwe, ti kámaŋioori keeware ku kabaju t'etut bakan *kéeyilene, arisawuleit ariikiñjee tu bondu, ábuki Atambatun humuumo áwufooruunwufoor naane ariware i kámaŋioori.

Efees 4:2

Ko kireyi fe áritetianooro, árineeni yooŋ, abe n'aŋ'árimuñ. Árimaŋioori, abe n'aŋ'árimuñalool.

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.

Galasi 1:4

Yesu Kiris humuumo ásikasik síhiinio asaan kaanuku eefakan úne tu wuhoofoor wu. Aramaram úne ti sembe site t'etaam ite hahiye yeejakut yee, naane t'Atambatun Faaf úne ámaŋie du.

Kafeeñal ku 5:9

Ni kahooñ hunooñu híyeni iŋi kaane Ametek u: «Awe a̱reeŋe fu kásiku kaawiit ku, á̱akotin ko tu kukotanee du. Ábuki a̱mooteemoot yéeni, abe ni halan húuwe n'á̱joohenna fu bakan a̱bin a̱saan Atambatun: bakan bakate búsuk bánoban, ni bakate kíhaminiin kánokan, ni bakan kánokan, ni biheet bánoban.

Esuwif i 9:23

Arko iyu u búnokoorum bite buroon beeemo bu t'etiir buware fu *kakuuranee, n'aŋ'áami kame buroon beeemo bu t'etiir bisawulasawulo *wusarah weehaŋe diyu.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.

Eleetar i yi Pool akiñje i bakate ku Rom 8:3

*Eluwa yite Moyis eyinaat káhinu bondu iŋi kabajaate kite húŋgowulan kite sembe. Bare Atambatun áhinahin bo: áboñinoboñin Añio éeyemi húŋgowulan naane úne ehoofoora i, kaanuku eeram úne ti kaahoofoor ku. Iyu a Atambatun atinane fu kaahoofoor ku kiŋki kinij tu kúŋgowulan ku.

Efees 5:25

Aruun háyine hu, árimaŋi haare hoonuun naane Kiris ámaŋie i kéeyilene ku, abe n'ásik buroŋ boone asaan uŋu hooniin hu.

1 Korent 5:7

Náami arinuutan t'etutuun kaahoofoor kondu keeemo ku naane élefir yéewuute man n'áriyemi bakan *keekuure but. N'aŋ'áriyemi naane éfariŋ éyeni yeebajut élefir. Abe ariheekaheek áriiyemi bakan keekuure, ábuki *Kiris aketaket bija t'aruun. O aamo fu ametek *eesarahee u *t'efeet ite Kánuutina ku Esipt.

Eleetar i yi Pool akiñje i bakate ku Rom 4:25

Yesu ásikeesik asaanee kúŋgowulan ku kaanuku eeket uŋu wuhoofoor wute w'úne, abe n'aritanee t'eket i kaanuku éehin núuyemi bakan kéejube hágila Atambatun.

Saaŋ 6:51

Íñj'eemo fu humburu huhu huwun buroŋ bu, héewaneina hu t'etiir. An eeteŋe u te ho, buroŋ boone iti bihabano. Humburu h'ija hu kawunu heemo fu eniam. Íñje kawunu ho kaanuku ésuk i keeroŋ.

Eleetar i yi Pool akiñje i bakate ku Rom 8:37

Bare naane bije i iyu fe, úne úriiŋane fu, abe an éemaŋie u úne éekinineŋ.

Eleetar i yi Pool akiñje i bakate ku Rom 15:16

íiyemi aroka ite Yesu *Kiris bija ti keenooto ku Esuwif. Burok b'eemo bee te bo bite kawaare kite Hirim Heetoofe hu búmoomi naane bite *asaraha, kaanuku man keenooto ku Esuwif ni káyini káyemi kaasarah keetoofe Atambatun, ku Búwejet Beenabe bu bíkajine bija te o.

2 Korent 2:14

Bare úene Atambatun eyeehen, ábuki aŋ'aja n'úne ko kireyi fe kaanuku núumaat tu búriiŋan bite *Kiris. Úne k'ásike fu kaanuku núuhin Kiris éemeyiee tánotan, naane mátiso meehundane tánotan.

Efees 1:4

T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

Efees 5:15

Náami áriwasiyoor jak tu kunoŋk koonuun. Atum'aŋ'arinoŋk naane busoŋ, bare arinoŋk naane kúwesina.

Fílip 4:18

Ijukajuk buroon b'áriboñinam bu fe, abe ahaheehah. Makamu Épafurodit abinambin nu buroon b'áriboñinam bu, hahiyu ibaja doon d'isawulee du fe. Buroon b'ariwunam bu búmoomi naane *kaasarah keehunde, kaasarah k'Atambatun ase, abe nu kutoofo.

Esuwif i 8:3

Asaraha ómbokun fe asiiŋaneesiiŋan kaanuku aŋ'abin asarah Atambatun buroon b'ésuk i bimbi kásikino. Náami asaraha ite úne ómbokun u awarawar yooŋ kabaju doon d'aware kasarah.