Efees 5:15 - Kwatay (Kuwaataay)

¹⁵ Náami áriwasiyoor jak tu kunoŋk koonuun. Atum'aŋ'arinoŋk naane busoŋ, bare arinoŋk naane kúwesina.

Efees 5:15 Referans Kwoze

Kolos 4:5

Arinoŋk nu búwesinato hágila kéeyilenut ku. Af'aribaj bítim bite káhiniiin meejake kep, atum'ariwas bo beefakuun.

Saak 3:13

Abajeebaj fíya t'aruun an éewesinatee abe yooŋ n'áwasi? Áwufoor bo ésuk i ti manoŋkar moone meejake mu mamm'áhin, ti káneeni koone, nu búwesinato boone.

Fílip 1:27

Naane hiyino i káyemi fe, buroŋ boonuun bujoŋoor naane Hirim Heetoofe hite hu Kiris husoke i. Káhinu iyu, if'ibinuun kajuku, man yooŋ ibinutuun kajuku, íyinooni kajamu kaanuku arijokajok alitee. N'iŋ'ímeyi kaanuku arijokoorajokoor tu búwejet bifeeneŋ, aŋ'árisiiŋoorein yooŋ áriituum t'afeeneŋ bija ti káyilen ku keeyaajee ku ti Hirim Heetoofe hu.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Timote 6:9

Bare kéemaŋie ku ebaj yeeniin ehah, Setani abuutiin. Kajokee t'éfiir ite wúfaŋi úkaan weeñunut, abe yooŋ wujakut. Uŋu wúbuj ésuk i, abe yooŋ uŋu wútowutaniin hiraanu.

1 Piyeer 1:22

Arikuuranoorakuuranooro aŋarkeyi naane árijeŋginajeŋgin múniyo mu. Iŋ'ite ho h'árimaŋie fu bakatuuun *kéeyilene ku. Náami árimaŋioori dómbokun siheluun síhabanein.

Májiye 10:16

—Arijamatan, iiboñuun naane bíkarniina t'etut bindaafaan bu. Áriwasiyoor naane ñuroon ñu, abe n'árineeni naane kúleebaan ku.

1 Tesalonik 5:15

Áriwasiyoor tu búnukanoor bu; ariŋes ko kireyi fe káhinoor meejake t'etutuun, ni ti bakaaku fe.

Hirim Heetoofe hu hi Luk akiñje hu 24:25

Náami Yesu eeeniin: —Arisoŋotaa teereŋ! Árikurakuri fu naane ti káyilen kite b'eyiŋana yite Atambatun kasoke bu fe!

Galasi 3:3

Aruun áritumbut aribaj ii kikaw? Ni sembe site Búwejet bite Atambatun n'arijabe fu; ariihabanoor hahiyu ni sembe soonuun?

Esuwif i 12:25

Náami arinaŋ toko kikawuun! Atum'ariteñeko an eeemo ti báhamin n'aruun. Bakate ku Israyel keebine ku kateñeko kajamatan an éeyemie u ti káyeegal kooniin t'etaam ye, kafakut tu kúnuur ku. Náami úne, Atambatun af'anoŋk aŋ'áhaminn n'úne huta hu t'etiir bufor bu. Buŋ b'úja fu kafaku tu kúnuur ku kane arko núuwuŋgo kiñaawu?

Májiye 27:24

Hi Pilat ajuke hu kaanuku ayinaat toko doon, ésuk i ehaŋa kárahanna, n'ayit móhujo eeñaw sumoŋio tu buhooŋu hahooja hu abe n'aane: —Ikuura but t'eket ite ániine ondu! Bondu boonuun!

Kafeeñal ku 19:10

Náami íjiŋgitana bite wuwoto kaanuku íisukaayo, bare n'aanam: —A̱was, atum'á̱hin bondu! Íñje aroka yooŋ naane awe, ni bakatii keejoke ku múniyo mi Yesu áwufoore mu. Á̱sukaay Atambatun! Múniyo mi Yesu áwufoore mu meemo fu búwejet beeemo bu *t'eyiŋana yite Atambatun.

Májiye 8:4

Abe Yesu n'aano: —A̱jamatan jak! Atum'a̱sok bo an fe, bare a̱ja *t'asaraha u á̱awufooro naane a̱amo i, abe n'á̱hin kaasarah ki *Moyis asoke ku, beekuur ésuk i fe kaanuku á̱koyia.

Efees 5:33

Náami hahiyu aruun, huruw fe ámaŋi anaar'o naane ámaŋie i hikawo, abe anaare-naare fe n'ájeŋgin áyino.

Kolos 1:9

Iŋ'ite ho aamo fu huta h'iŋ'iribin irijam bo, iriwasut kalawu Atambatun bija t'aruun. Iŋ'irilawo kaanuku man n'áhinuun áriimeyi b'ámaŋie bu árihabanein, abe Búwejet Beenabe bu ni bíhinuun áriiwasi abe n'áriwesinato yooŋ.

Galasi 3:1

Áribajaatia teereŋ kikaw, aruun bakate ku Galasi! Aañ me abuutuun fu? Arisokeesok bare akuur but naane Yesu *Kiris akete i *t'ekuruwa i.

Májiye 27:4

N'aaniin: —Ihoofoorahoofoor, ábuki ísikasik an éehinut doon isaan kaanuku eeyoolee! Bare ni kaano: —Butum uni beemo toko? Bondu búuwe!

Májiye 25:2

Kaamo hutok tu boko káwesinateit, hutok hu bakaaku kéewesinatee.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.