Efees 4:31 - Kwatay (Kuwaataay)

³¹ Arinuutan méetike meeemo mu tu suhol soonuun, ni kajoku an tu suhol soonuun, ni kayiŋat, nu sulob, ni bílafatinool, ni bánafut bánoban.

Efees 4:31 Referans Kwoze

Kolos 3:8

Bare hahiye, ariwas bonde fe: kajoku an tu suhol soonuun, ni kayiŋat, ni bánafut. Kílafatinu kuwarut kánuutina tu ñutumuun, ni báhamin yooŋ beefute fe.

1 Piyeer 2:1

Náami hahiyu ariwas bánafut bu, ni haajuus hu, nu butuuko bu, ni baabet bu, nu husoku hu ti bakan.

Saak 1:19

Kújakuwe, aruun k'ímaŋie-maŋie ku, ariwarawar kámeyi bonde: huruw fe awarawar iŋi kamoken ti kajamatan kite bakaaku, bare atum'amoken ti báhamin, atum'ahil yooŋ ti kayiŋat;

Kolos 3:19

Aruun háyine hu, árimaŋi haare hoonuun, abe atum'aŋ'arinuur tu boko.

Saak 3:14

Bare arko suhol soonuun suhoojahooj ni bíhiñanoor béetike, ni biyinoor yooŋ bite bíhaŋoor, atum'aŋ'arisambooro, atum'arijuus yooŋ arisaan múniyo mu.

Efees 4:26

Af'ariyiŋat, arinaŋ toko kikawuun, atum'aribin ariney ti kaahoofoor. Atum'aŋ'ariŋotan kayiŋat koonuun.

1 Saaŋ 3:12

Úwarut káyemi naane Kayin eeyoole u at'o. Akina an ite Setani. Kame iŋi naŋ n'ayoolo fu? Aŋarkeyi naane buroon bamb'áhin bijakut, abe bare bite b'at'o bijakajak.

Saak 4:11

Kújakuwe, atum'arisok meejakut ti bakaaku. An af'asok meejakut t'ake, man yooŋ n'ajoonano, asoka meejakut t'Eluwa yite Atambatun, ajoonana yo yooŋ. Abe af'a̱joonan Eluwa i, aŋkut á̱yemi an éejeŋgine yo: awe ajoonana yo.

Eleetar i yi Pool akiñje i Tit 1:7

Hikaw hite kéeyilene ku af'atofotoor burok bite b'Atambatun; iŋ'ite ho aamo fu awarut kabaju bike b'an ayino kawatano te bo. Awarut biyitooro, awarut kahilu ti kayiŋat, awarut káwusan, awarut káyemi aloba, atum'aŋes yooŋ kabaju sírirem seekuurut.

1 Timote 3:11

Haare hu yooŋ kiŋki kajokoor kikaw kite sijaŋgu su kawarawar káyemi keejoŋoore, abe kawarut yooŋ kasoku t'an. Kájokumooro, abe kájub tu buroon bu fe.

2 Korent 12:20

Íkolakoleyi n'ija ibin, n'íŋaabeinuun tu buroŋ beetoofutam, aruun yooŋ n'arijamam ti kasokuuun beetoofutuun. Íkolakoleyi bíŋaabeina t'aruun síheñjeŋoor, ni bíhiñanoor, ni kayiŋatoor, ni kabatikanoor, ni bílafatinool, nu búsokoor meejakut, ni biyitooro, ni kajoŋooraate.

1 Korent 14:20

Kújakuwe, atum'aŋ'ariyinoor naane biñi. Ti káhinu kite meejakut mu, áriyemi naane bilekej; bare ti biyinoor bu, áriyemi naane sifaaf.

1 Timote 5:13

Hutoof yooŋ kaseñeit, kuruwu kooniin ifi kikiñjee ti kaawiit ku, it'iŋki karok doon fe. Kabaa buyoosorooro sunuuf su kep, abe iti karaan t'eñeke i. Báhamin beejose taŋ, abe iti káyini kajoku ñutumiin. Bi kakolut bu ne bo, boko kasoku bo.

Galasi 5:20

kájeŋgin kite ñúwisenum ñu, mayaaf mu, kahuufoor ku, síheñjeŋoor su, bíhiñanoor bu, kayiŋatoor ku, kabatikanoor ku, káwaajinoor ku,

1 Korent 5:8

Náami úhin efeet i, káanukiiit nu kumburu keebaje élefir yéewuute yite kaahoofoor ku ni bánafut bu, bare úfeet yo nu kumburu keebajut élefir, kite kakuuru ku, ni kite múniyo mu.

Eleetar i yi Pool akiñje i bakate ku Rom 3:14

Báhamin béetike bite káwuumu ufu búnuutin tu ñutumiin.

Kafeeñal ku 12:10

N'ijam kaaji kómbokun kéehaminna t'etiir bufor bu keene: «Hahiyu kafaku ku kireeŋa! Hahiyu Atambatun ite úne áwufoora sembe soone, asiiŋana yooŋ Jáyi joone! Hahiyu *Kiris a ajifane u áwufoora sembe s'abaje su! Ábuki atinana ite bakan úne *kéeyilene ku, an u aa asiiŋo yéeni bújom tujon hágila Atambatun eetinaniin áfiitenee tíyaŋ bufor bu.

1 Saaŋ 3:15

An fe eehuufe at'o, an ondu ayoola bakan. Abe árimoomi kaanuku ayoola bakan abajut te o buroŋ béehabanaariit bu.

Eleetar i yi Pool akiñje i Tit 2:3

A̱ane yooŋ haare hu keehaane ku kabaj buroŋ beetoofe Atambatun. Kawarut kasoku t'an, itim káyemi yooŋ búsukateen bite ehob. Kawarawar iŋi karimu ésuk i ajakee.

2 Timote 2:23

Bare síjeeŋoor seeñunut, seebajut yooŋ éñjeriŋ, a̱tey so. Á̱moomi kaanuku iŋi sísikin síheñjeŋoor.

1 Timote 3:3

Awarut káyemi áhujaa ómbokun, awarut yooŋ káyemi aloba, bare awarawar káneeni, abe n'áyemi an ite káasuumaay. Awarut kanaŋu hikawo ti sírirem.

Epotor i 21:30

Hikinu hu hireyi fe ni hirko hitik, abe hahooja hu n'iŋi híteyin, húnuutin tánotan. Ni kajok Pool, kañakoo kánuutann t'Enuuf ite Atambatun, abe ni kahaŋ kafeŋk wuruŋ wu.

2 Timote 3:3

Iti kámaŋi an, iti kayubiyen an, boko kasoku ti bakan, iti káyini kajoku kikawiin, boko kánafut, abe iti kámaŋi meejake mu.

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Efees 4:25

Iŋ'ite ho aamo fu atum'aŋ'arijuus! Huruw-ruw fe asok áwiyo bite bu nu múniyo, ábuki úhinahin t'afeeneŋ.