Efees 4:17 - Kwatay (Kuwaataay)

¹⁷ Bonde b'ija fu kasokuuun, abe íñje kajoku te bo alitee tu huruwu hite Anahaan u: buroŋ boonuun itim'iŋki bíyemi naane bite kéeyilenut ku. Biyinoor booniin bibajut éñjeriŋ,

Efees 4:17 Referans Kwoze

Eleetar i yi Pool akiñje i bakate ku Rom 1:21

ábuki naane aamo i kámoomi fe kaanuku Atambatun abajabaj, kájeŋginaariito. Káanaariito yooŋ eyeehen naane kawaro i yéeni káhinu, kasooñen biyinoor booniin buñunut, siheliin seereeŋut su yooŋ ni síyemi t'ébaani.

2 Piyeer 2:18

Iŋi káhamin báhamin beeñunut bite jímak taŋ, abe n'iŋi kafurukato yooŋ kaanuku man ni kabuut bakan keeemo ku ti kánuutinaiin ti bakaaku keeroŋe ku t'ébaani.

Kolos 2:4

Isokuunsok bonde kaanuku an atum'abin abuutuun ni báhamin beetoofe.

1 Piyeer 1:18

Árimoomi bajaam beejaamee bu kaanuku ariifakanee tu buroŋ beebajut bii éñjeriŋ, bi sifaafuun kómbokun kátifenuun bu. Bijaamutee nu buroon béefiyaariit naane sírirem, man yooŋ éwurus.

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Epotor i 18:5

Hi Silas ni Timote káreeŋina hu kéenuutin Maseduwan, Pool n'ajoŋoor kep ni kawaare ku. N'aŋ'áwufoor Esuwif i akuur but kaanuku Yesu aamo fu *Afakana u.

Epotor i 14:15

—Kújakuwe, kame iŋi naŋ n'árihin fii? Uni fu yooŋ kúŋgowulan naane aruun. Uni iribinuun ni Hirim Heetoofe hu kaanuku ariiwasan kimiile kondu keebajut kii éñjeriŋ, áriiwuŋgan inde Atambatun eeemo u buroŋ, éewuwane u bufor bu, n'etaam i, ni han hu, nu buroon beeemo bu toko fe.

2 Timote 4:1

Íñj'endu ti káwasiyani bonde hágila Atambatun, ni Yesu *Kiris eeja u bíbatikeina ti Jáyi joone, abe n'ajoonan keeroŋe ku ni keekete ku:

1 Timote 6:13

Íñj'endu ti kasokii bonde hágila Atambatun aa awun dóonodoon fe buroŋ, ni Yesu *Kiris éehamine u atoof iya ti káyilen koone hágila Poons *Pilat:

1 Timote 5:21

Íñj'endu ti káwasiyani bonde hágila Atambatun, ni Yesu Kiris, n'emalaka i keenabe ku: á̱hin bonde b'isoki bee, a̱jok ésuk i fe kare, atum'aŋ'a̱reeŋo yooŋ an.

1 Tesalonik 4:6

An awarut kahoofoor, man yooŋ n'abuut áwiyo éeyilene naane akina tu buroon bite haare hu. Irisokuunsok ayan faŋ kaanuku Anahaan u kaniju ásuf ti kiŋki káhin wuhoofoor naane wondu.

Kolos 2:18

Kiŋki kaane eni awareewar káhihinoor, emalaka i yooŋ kawareewar kásukaay, atum'ariwasiin iŋi katinanuun. Iŋi kasokorooro uŋu buroon bimbi bifeeñiin. Biyinoor booniin bite bu t'etaam ye iŋi bitiŋgiin keeyitooro, abe yooŋ bibajut éñjeriŋ.

Efees 4:22

Náami ariwarawar kawasu manoŋkar moonuun mítiyar mu. Manoŋkar mondu mummu múyoosanaaniuun tu wúfaŋi wuwu wubuutuun múbujuunbuj fu yéeni.

Efees 1:22

Atambatun awunawun Kiris sembe tu doon areyi fe, abe n'ásiko awun éeyemi hikaw hite kéeyilene ku.

Galasi 5:3

Abe iisooñ isok bo: an fe éesike hikawo anaŋ ti kateyi karam, awarawar káhinu *b'Eluwa yite Moyis esoke bu fe-fe-fe.

Galasi 3:17

Bonde b'ímaŋie fu kasoku: Atambatun n'asiiŋan *kaajamoor n'Aburaham. Abaj simit síteemeer sibaakiir nu butuman nu sumoŋu, *Eluwa yite Moyis n'etik esiiŋo, bare enuutanut doon fe ti b'Atambatun ajamoore bu n'Aburaham, aane o káhinu bo.

2 Korent 9:6

Áribaŋino bonde: an af'ayoosen sinawaay seefamut, o káhotukan diŋgilis; an n'ayoosen dómbokun, o káhotukan dómbokun.

1 Korent 15:50

Kújakuwe, b'ímaŋie bu kasoku beemo fu bonde: doon dite kihaay ni halan diyinaat kamaatu ti *Jáyi jite Atambatun, abe doon dite búbujo diyinaat kamaatu tu buroŋ béehabanaariit bu.

1 Korent 1:12

Iihatuun báhamin bu: kaane huruw fe t'aruun aŋ'asok beewayee ni bite bu bakaaku. Bakaake iŋi kaane boko bakate ku Pool; bakaaku ni kaane boko bakate ku Apolos; bakaake ni kasooñ kaane boko bakate ku Piyeer; bakaaku ni kaane boko bakate ku Kiris.

Epotor i 2:40

Piyeer n'asooñ áhaminiin afiyo, kaanuku keehaŋo káyilen, kikawiin yooŋ keehaŋ kayaŋgu. Aŋ'aaniin: —Arifak tu bokondu kéenijaariit ku ajakee!

Hirim Heetoofe hu hi Luk akiñje hu 16:28

Bakat'am bokondu toko kaamo hutok. Aja áyeegaliin kaanuku man itim kabin yooŋ diye ti sílaam se.»