Efees 3:8 - Kwatay (Kuwaataay)

⁸ Íñj'eemo fu araan u tej ti bakan kite Atambatun. Bare íñje a ajuke fu ti kajaku koone, kaanuku iŋ'ibin iwaare keenooto ku Esuwif Hirim Heetoofe hu, hite ebaj yéehabanaariit i yéenuutina i ti Kiris.

Efees 3:8 Referans Kwoze

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

1 Korent 15:9

Múniyo íñj'eemo fu biraanu bite epotor i fe, abe iwarutee yéeni kaanu apotor, ábuki íhihinoorahihinoor *kéeyilene ku.

Efees 3:16

Ánikanik areeŋ ñaaj, abe abajabaj yooŋ doon areyi fe. Náami íñj'endu ti kalawio kaanuku man n'áhin Búwejet boone beewun siheluun sembe.

Efees 2:7

Náami h'áwufoore hu úne ti Yesu Kiris kajaku koone, am aamo yooŋ ti káwufoor bakate ku kuwaatu kaanuku aŋ'ayubiyen ahahee.

1 Timote 2:7

Bondu bíkinineŋe fu Atambatun n'áhinam íiyemi *apotor. Aanamyen iwaare abe n'iliiken keenooto ku Esuwif bite káyilen ku, ni bite múniyo mu. Íñjeiit ijuuse, bifeeneŋ taŋ b'if'isok.

1 Timote 1:13

Hítiyar hu, iŋ'isok te o beejakut, iŋ'ílafatino yooŋ, abe n'iŋ'íhihinoor bakan koone. Bare Atambatun ayubiyenamyubiyen, ábuki ámoomi kaanuku bimb'íhinaani fe, ti kámeyiaate, abe íyilenut yéeni ti Kiris.

Galasi 1:16

kaanuku éewufooram Añio, man n'iŋ'ija iŋ'iwaare keenooto ku Esuwif Hirim Heetoofe hu heesoke hu moone mu, ijeit t'an eerimam;

Eleetar i yi Pool akiñje i bakate ku Rom 11:33

Kajaku kite Atambatun kihahahah, ni káwasi koone, nu búwesinato boone! Kaayinoor koone, aañ ayino kámeyi ko? Manoŋkar moone, aañ ayino kánandin mo?

Eleetar i yi Pool akiñje i bakate ku Rom 2:4

Bare me á̱wiinianawiinian Atambatun aŋarkeyi naane ajakajak aa, aŋ'ámuñ yooŋ, abe amokenut ti kajoonan kúuwe? Á̱meyiit kaanuku kajaku kite Atambatun kuwarawar katiŋgii a̱awatanooro kinij kúuwe?

2 Timote 1:11

Atambatun áhinamhin íiyemi *apotor kaanuku iŋ'ibin iwaare ésuk i Hirim hondu Heetoofe hu, abe n'iliikeniin ho.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

Eleetar i yi Pool akiñje i bakate ku Rom 12:10

Árimaŋioori naane bakati. Árihabanein ti kájeŋgin kite bakaaku.

Epotor i 5:41

Epotor i ni kanuut ti báajoonanum bu, kikawiin káatoofin ti naane Atambatun ajokiin i kaanuku kéelafatinee uŋu huruwu hite Yesu.

Kafeeñal ku 3:18

Náami iirimi bonde: a̱bin a̱ajoohen t'íñje éwurus yeekuuranee ti sineemak, man n'á̱yemi husaanum. A̱joohen yooŋ wañ weefañje man n'a̱siimo á̱anuus méefuñinanie múuwe. Abe n'a̱joohen bubuun bite káhinu ti ñíkini man n'á̱yini kajuku.

1 Timote 1:15

Hirim h'ija hee kasokii héewoore, abe huruw fe awarawar ho kanaŋu ti hikawo: Yesu Kiris abinabin t'etaam ye kaanuku eefakan ehoofoora i. Íñje ihaŋiin fu kajakaate fe,

Epotor i 9:15

Bare Anahaan u n'aano: —A̱ja, ábuki ijifanajifan ániine ondu kaanuku eebin éewufoor keenooto ku Esuwif, ni bákayi kooniin, ni bakate ku *Israyel íñj'eemo fu aañ.

Fílip 4:19

Atambatun ite úne abajabaj ebaj yeehahe. Akina kanuutan bisawula boonuun fe, abe o káhinu bondu áŋaasann bo ti Yesu Kiris.

Galasi 2:8

Ábuki naane áhine i Piyeer éeyemi *apotor oone t'Esuwif i, iyu yooŋ a áhinam fu íiyemi apotor oone ti keenooto ku Esuwif.

Fílip 2:3

Atum'árihin doon fe ni sihel site baabet, atum'ariŋes yooŋ bíhinooro kuruwu, bare ariwananooro hágila bakaaku, abe huruw fe n'ajok bakaaku ahaŋ naane ajokooree i akina humuumo.

Efees 3:2

Mánoman arijamajam kaanuku Atambatun ti kajaku koone, asaanamsaan burok bite káhinu bija t'aruun.

1 Korent 1:30

Atambatun áhinuunhin t'afeeneŋ ni Yesu Kiris, abe akina Kiris ákinineŋe fu n'úmeyi búwesinato béenuutina bu t'Atambatun. Akina ákinineŋe fu yooŋ Atambatun n'ajok úne bakan kéejube, n'ajifan úne núuyemi bakan koone, abe n'áhin úne núufak tu wuhoofoor wu,

Saaŋ 1:16

An ondu ásoniyanasoniyan úne ti kajaku koone, abe n'asooñ áwutiyen.

Efees 3:1

Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Hirim Heetoofe hu hi Luk akiñje hu 14:22

Diŋgilis kep náami aroka u ábatikeino abe n'aane ate enuuf i: «Íhinahin naane a̱soke i, bare enuuf i ehoojoorut.»