Efees 3:6 - Kwatay (Kuwaataay)

⁶ Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Efees 3:6 Referans Kwoze

1 Saaŋ 2:25

Abe bonde bi Kiris aane fu o kawunu úne: buroŋ béehabanaariit bu.

1 Saaŋ 1:3

B'irijame bu abe n'irijuk, iriisokuun bo yooŋ kaanuku man n'árihin n'uni t'afeeneŋ, naane írihine i t'afeeneŋ n'Atambatun Faaf u, n'Añio Yesu *Kiris.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

1 Korent 12:27

Náami aruun arireyi fe árihinahin eni efeeneŋ, yeeemo i yite i Kiris, abe huruw fe t'aruun ajokoorajokoor te yo.

Kolos 2:19

Kajokut ti Kiris eeemo u hikaw hite *kéeyilene ku keeemo ku eni yeene. Akina ákinineŋe fu eni i ereyi fe n'ékuumanee, abe n'ejokoor ayan faŋ tu súkulinu su, abe n'eŋ'ehaat yooŋ naane Atambatun ámaŋie i.

Efees 5:30

Abe úreyi fe t'enio t'úlooñe fu.

Efees 5:7

Atum'arikol ni bakan naane bokondu.

1 Korent 12:12

Úmoomi kaanuku eni yite húŋgowulan efeeneŋ, abe bare ebajabaj buroon beehooje. Buroon bondu naane buhooje i fe, bujokoorajokoor béehin eni efeeneŋ. Iyu yooŋ i *Kiris aamo fu.

Galasi 5:24

Bakan ki Yesu *Kiris akino ku kayoolayool *t'ekuruwa i wúfaŋi wooniin weejakut wu.

Efees 3:3

Atambatun afeeñamfeeñ éehinam íimeyi boone béenuusee bu. (Ikiñjakiñj bo memee íihamin te bo diŋgilis.