Efees 2:8 - Kwatay (Kuwaataay)

⁸ Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Efees 2:8 Referans Kwoze

Efees 2:5

h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Eleetar i yi Pool akiñje i bakate ku Rom 4:16

Náami b'Atambatun aane bu o kawunu, káyilen kíkinineŋe fu, kaanuku t'áami kawunu kite kásoniyan, abe ni kíyemi kite ku bakañi Aburaham kareyi fe. Kíteiit kéejeŋgine ku Eluwa i barebare, bare kite yooŋ kéeyilene ku káhabanein naane Aburaham. Akina faaf úne úreyi fe,

Eleetar i yi Pool akiñje i bakate ku Rom 10:17

Náami káyilen ku iŋi kibin ti kajamatan kite báhamin bu, abe báhamin bondu uŋu búnuutin ti kasoku kite hirim hite hu Kiris.

Epotor i 16:31

Ni kaano: —Á̱yilen t'Anahaan u Yesu, abe n'aŋ'a̱fak, awe ni bakate ku t'awe.

Saaŋ 6:37

Bakan ki Faaf u awunam ku bibin kareyi fe t'íñje, abe it'íkutoor hikee-kee an eebine u t'íñje.

Saaŋ 5:24

«Iisokuun bifeeneŋ bu: an eejame u báhamin búuma, abe n'áyilen t'an éeboñinam u, an ondu abaja buroŋ béehabanaariit bu. At'ajoonanee. Ánuutino t'eket i eebin tu buroŋ bu.

Saaŋ 4:10

Yesu n'aano: —Kane á̱meyi yéeni b'Atambatun bamb'awun, n'aañ yooŋ af'aani iye a̱wuno éehujo, humuumi a̱ja fu kaanio awuni á̱ahujo, abe n'aŋ'awuni móhujo mummu muwun buroŋ bu.

Hirim Heetoofe hu hi Luk akiñje hu 7:50

Bare Yesu n'aane anaare u: —Káyilen kúuwe kifakani; a̱ja káasuumaay.

Mark 16:16

An eeja u káyilen, abe *n'abostee, o kafaku. Bare an at'a áyilen, Atambatun akufokufo awasan.

Saaŋ 3:36

An éeyilene u t'Añi u abaja buroŋ béehabanaariit bu; an éeyilenut u t'Añi u at'ajuk buroŋ bondu, bare Atambatun akufokufo awasan.

Eleetar i yi Pool akiñje i bakate ku Rom 4:5

Bare an éesike eyakar yeene anaŋ t'Atambatun, abe ajokooreit an éejube t'Atambatun uŋu burok beejake bamb'áhin, Atambatun aa ajok ehoofoora i kéeyilene ku te o bakan kéejube, kajuku ti káyilen koone n'aŋ'ajoko an éejube.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Galasi 3:22

Bare *Míkiñjin mu meenaan kaahoofoor ku kihaŋahaŋ kúŋgowulan ku fe sembe, kaanuku man b'Atambatun aane bu o kawunu, *kéeyilene ku ni kabaj bo aŋarkeyi naane káyilenayilen ti Yesu *Kiris.

Epotor i 13:39

Te o t'an fe éeyilene ayino fu karamiee tu wuhoofoor woone, bare Eluwa yite Moyis eyinaatuun karamu tu wuhoofoor wu.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

Saaŋ 6:40

Hee, bonde butoofe fu Faafam: an fe eejuke Añi u abe n'áyilen te o, n'abaj buroŋ béehabanaariit bu, abe íñje karitano t'eket i tu hunak hiraanu hu.

Saaŋ 6:35

Yesu n'aaniin: —Íñj'eemo fu humburu huhu huroŋan ésuk i. An eebine u t'íñje, aroŋut kajoñjolat. An yooŋ éeyilene u t'íñje, búhujo buroŋuto kajoku.

Efees 1:19

Ímaŋamaŋi yooŋ árimeyi sembe sómbombokun su sunsu surok t'úne *kéeyilene ku. Sembe sondu sómbombokun su, Atambatun átumbatumba áwufoor so

Epotor i 14:27

Hi kareeŋe hu Antiyoos, ni kakuukan kéeyilene ku, abe ni kasokiin naŋ n'Atambatun áhine fu nu boko fe, nu buŋ b'áfeŋgine fu keenooto ku Esuwif karuŋ kite káyilen ku.

Saaŋ 6:65

N'áwutiyen aane: —Iŋ'ite ho h'eenuun fu an ayinaat bibin t'íñje ti Faaf u awunuto sembe sondu.

Kolos 2:12

*H'aribostee hu, anokooreenokoor kite arihokeehok ni Kiris, abe n'ariritanee yooŋ ne o, ábuki áriyilenayilen ti sembe site Atambatun eeritano u t'eket i.

Saaŋ 6:44

An ayinaat bibin t'íñje ti Faaf u éeboñinam u áñakinuto, abe íñje karitano t'eket i tu hunak hiraanu hu.

1 Piyeer 1:5

Naane aamo i áriyilenayilen te o, o kajukaruun ni sembe soone kaanuku eebin eefakanuun. Bondu kámeyiee tu hunak hiraanu hu.

Fílip 1:29

Ábuki Atambatun awunuunwun káanukiiit áriiyilen ti Kiris barebare, bare kaanuku yooŋ ariijuk sílaam uŋu hoone hu.

Eleetar i yi Pool akiñje i bakate ku Rom 10:14

Bare buŋ bi kaja fu karuwio ti káyilenut te o? Buŋ bi kaja fu káyilen te o ti kajamut huruwu hoone? Buŋ bi kaja fu kajamu huruwu hoone ti kabajut an eesokiin ho?

Májiye 16:17

Náami Yesu eeeno: —Atoof t'awe Simoŋ, añi ite Sonas, ábuki húŋgowulaniit áwufoori fu bondu, bare Faafam eeemo u t'etiir.

Epotor i 16:14

Ake ti haare hondu huruwu hoone Lidi, buroko kajoohenan bípiis beelaañe beeseere naane. Akina ite Tiyatiir, abe ájeŋginajeŋgin Atambatun. N'ajamatan, abe Anahaan u n'áfeŋgino búwejet kaanuku eenaŋ hikawo ti bu Pool áyemie bu ti kasoku ku.

2 Tesalonik 1:9

Kúnuur ki kaja ku kajuku keemo fu konde: boko bútowuto hiraanu, keekamboor sat n'Anahaan u, ni sembe soone séenike su.

Epotor i 15:11

Íriyilenayilen bare kaanuku Anahaan u Yesu afakanafakan úne ti kajaku koone, naane yooŋ boko keenooto ku Esuwif.

Eleetar i yi Pool akiñje i bakate ku Rom 9:16

Náami bondu biŋeñenut ti sembe site húŋgowulan man yooŋ ti kámaŋi koone, bare t'Atambatun kep aa ayubiyen.

Esuwif i 6:4

Abajeebaj bakan ku múniyo mite Atambatun múmuse kajaaŋan, ni kajeken yooŋ tu doon d'Atambatun dand'awun, abe ni kabaj Búwejet Beenabe bu.

Májiye 20:9

Eroka i kéesifee ku kaanendan ku ni kajab kabin, abe ni kajaamee huruw bajaam bite hunak ñeeba.