Efees 2:5 - Kwatay (Kuwaataay)

⁵ h'aamo hu te o úketa iŋi kájuumu kite k'úne, n'áhin úne núusooñ úroŋ ni *Kiris. Kajaku kite Atambatun kíkinineŋe fu n'arifak.

Efees 2:5 Referans Kwoze

Eleetar i yi Pool akiñje i bakate ku Rom 3:24

Bare Atambatun, ti kajaku koone, n'áhiniin kéeyemi bakan kéejube fuufu, aŋaasan bo ti Yesu Kiris aa afakaniin tu wuhoofoor wu.

Efees 2:8

Múniyo iŋi kajaku kite k'Atambatun h'arifake fu, ábuki áriyilenayilen te o. T'áruuniit tu bondu búnuutina, Atambatun awunuun fu bo.

Eleetar i yi Pool akiñje i bakate ku Rom 5:10

Úne yéeni enatoora Atambatun; bare áhina núubukan ne o t'eket ite Añi oone. Abe makamu hahiyu Añi oone ondu tu buroŋ, abe úbukana, buŋ b'atuf'afakan úne ariike?

Eleetar i yi Pool akiñje i bakate ku Rom 5:8

Bare iye a Atambatun áwufoore fu buŋ b'ámaŋie fu úne ariike: Kiris aketaket bija t'úne, úne káaroŋin ku ehoofoora.

Epotor i 15:11

Íriyilenayilen bare kaanuku Anahaan u Yesu afakanafakan úne ti kajaku koone, naane yooŋ boko keenooto ku Esuwif.

Efees 2:1

Hítiyar hu, árimoomi t'Atambatun naane bakan keekete aŋarkeyi naane aŋ'árijuum, abe yooŋ aŋ'arihoofoor.

Eleetar i yi Pool akiñje i bakate ku Rom 8:2

Ábuki Búwejet Beenabe bu bumbu buwun buroŋ bite bu nu múniyo ti káhinu ku t'afeeneŋ ni Yesu Kiris biramamram ti kaahoofoor ku n'eket i.

Eleetar i yi Pool akiñje i Tit 2:11

Atambatun áwufoorawufoor ésuk i kajaku koone kéeyinie ku kafakaniin kareyi fe.

Efees 5:14

Múniyo doon déeŋaasina akuur but díyemia meejaaŋe. Iŋ'ite ho hi kaane fu: «Á̱niyo, awe eeemo u t'a̱ŋote, a̱rito t'etut keekete ku, abe Kiris n'aŋ'ajaaŋani.»

Eleetar i yi Pool akiñje i bakate ku Rom 4:16

Náami b'Atambatun aane bu o kawunu, káyilen kíkinineŋe fu, kaanuku t'áami kawunu kite kásoniyan, abe ni kíyemi kite ku bakañi Aburaham kareyi fe. Kíteiit kéejeŋgine ku Eluwa i barebare, bare kite yooŋ kéeyilene ku káhabanein naane Aburaham. Akina faaf úne úreyi fe,

Eleetar i yi Pool akiñje i Tit 3:5

N'afakan úne, káanukiiit man aŋarkeyi naane úne úhine ajakee, bare aŋarkeyi naane am ayubiyene úne. Ti sembe site Búwejet Beenabe bu t'añawe fu úne. Búwejet Beenabe bu ifi bíhin n'úbukee ti kátiyar, abe nu buwun úne buroŋ bíyeni.

Eleetar i yi Pool akiñje i bakate ku Rom 5:6

Múniyo kóŋkeyin úne t'úbajoorut sembe, Kiris aketaket bija t'ehoofoora i hunak h'Atambatun ajoke hu te ho.

Eleetar i yi Pool akiñje i bakate ku Rom 16:20

Atambatun aa awun káasuumaay ku karebejaroor memee Setani tu wuwotuun. Anahaan ite úne Yesu aja ásoniyanuun!

Saaŋ 6:63

Búwejet Beenabe bu ufu buwun buroŋ bu; húŋgowulan ayinaat káhinu bondu. Kirim k'isokuun ku ufu kuwun Búwejet bu nu buroŋ bu.

Saaŋ 5:21

Ábuki naane Faaf u aa aritan keekete ku, eesooñ eewuniin buroŋ, iyu yooŋ i Añi u af'awun buroŋ bu an a ámaŋie u.

Kafeeñal ku 22:21

Anahaan u Yesu aja ásoniyanuun arireyi fe.

Hirim Heetoofe hu hi Luk akiñje hu 15:24

Ábuki fu añi úuma ondu aketaket yéeni, bare hahiye áriteino t'eket i; átowutatowuto yéeni, bare hahiye isooña ijuko.” Náami kásita yooŋ efeet yeetoofe-toof.

Kolos 2:13

Hítiyar hu, árimoomi t'Atambatun naane bakan keekete iŋ'ite wuhoofoor woonuun, ni naane ariteyit i karam. Bare hahiye Atambatun áhinuunhin ariisooñ ariroŋ ni Kiris. Aboŋketaboŋket úne wuhoofoor wute w'úne fe.