Efees 2:14 - Kwatay (Kuwaataay)

¹⁴ Akina aamo fu káasuumaay kite k'úne, akina éehine u Esuwif i ni keenooto ku Esuwif kéehin t'afeeneŋ. H'ásike hu enio awun n'aweleje fu hiñaan hite kahuufoor ku héewaajinooriin hu.

Efees 2:14 Referans Kwoze

Galasi 3:28

Náami Asuwif man yooŋ an eenooto Asuwif, ásukateen man yooŋ an eenooto ásukateen, ániine man yooŋ anaare, arireyi fe ariwayeit: arirare iŋi naane árihine i t'afeeneŋ ni Yesu Kiris.

Kolos 3:11

Hahiyu aŋkut abaj bokonde Esuwif, bokonda kanooto Esuwif; bokonde *kateyatey karam, bokonda kateyit karam; bokonde kániyeit, bokonda baataaŋaat; bokonde búsukateen, bokonda kanooto búsukateen. Bare *Kiris taŋ abaje fu, o eeemo u doon areyi fe, abe n'áyemi ti bakan koone kareyi fe.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

Efees 2:15

Akina aneyane fu *Eluwa yite Moyis, nu buroon b'esoke bu kaanuku iŋi bíhinee. Iyu a akuukane fu Esuwif i ni keenooto ku Esuwif kéeyemi te o an afeeneŋ áyeni, káasuumaay keebaj.

Kolos 1:20

Iyu yooŋ a áhabaneina fu kaanuku eebukan nu dóonodoon fe eeŋaasan bondu t'Añio. Ti halan hite Añio héeyuusee hu *t'ekuruwa i t'Atambatun áhine fu káasuumaay t'etutiin, akina nu buroon bu fe beeemo t'etiir bufor bu, ni t'etaam i.

Kolos 2:20

Ariketaket ni *Kiris, abe n'ariramee tu ñúwejet ñite sembe su ñeeemo ñu t'etaam ye. Náami iŋi naŋ nu buroŋ boonuun beemo fu naane bite bakate ku t'etaam ye? Iŋi naŋ n'af'aribeb keenoŋkooranuun buluwa naane bonde:

Eleetar i yi Pool akiñje i bakate ku Rom 5:1

Náami Atambatun ajoka úne bakan kéejube aŋarkeyi naane úyilenayilen, abe hahiye káasuumaay kibaja t'etut úne ne o, Anahaan ite úne Yesu *Kiris éekinineŋ.

Epotor i 10:36

Atambatun áboñinoboñin *t'Israyel Hirim Heetoofe hite káasuumaay ku, éeŋaasann káasuumaay kondu ti Yesu *Kiris eeemo u Anahaan ite ésuk i ereyi fe.

Epotor i 10:28

N'aaniin: —Árimoomi kaanuku Eluwa yite y'uni eenaan Asuwif awarut kariboor n'an eenooto Asuwif, man yooŋ n'ayooso te o. Bare Atambatun áwufooramwufoor kaanuku iwarut kajuku an n'eene akuurut, man yooŋ áñeyañeyi.

Esuwif i 13:20

Atambatun aa awun káasuumaay ku, abe n'aritan Anahaan ite úne Yesu t'eket i, aja awunuun sembe aŋ'aribin árihin meejake mu, man n'áriyini káhinu b'ámaŋie bu. Aja áhin t'úne burok beetoofo bu tu huruwu hite Yesu *Kiris, eeemo u ahaawa ómbokun ite síkarniina su. Halan hite *kaasarah koone híkinineŋe fu *kaajamoor kéehabanaariit ku ni kisiiŋanee t'etut Atambatun nu kúŋgowulan ku. Yesu Kiris aja ákini kániku ku hiraanu! Amiin.

Hirim Heetoofe hu hi Luk akiñje hu 2:14

«Atambatun eeemo u t'etiir-t'etiir ánikanee, abe káasuumaay koone nu kuwunee bakan keetoofo ku t'etaam ye!»

Saaŋ 10:16

Huroŋam yooŋ sike síkarniina seeyoosoorut t'ékus yendu. Sondu, iwarawar bibin ne so. So yooŋ kajamu kaaji kúuma, abe n'aŋ'abaj kaahaaw kifeeneŋ taŋ, n'ahaawa yooŋ afeeneŋ.

Hirim Heetoofe hu hi Luk akiñje hu 1:79

O bibin kajaaŋan keeemo ku t'ébaani i, ni bakan k'eket i eŋolool ku, éehin úne núuja ti bítim bite káasuumaay ku.

Esuwif i 7:2

Aburaham n'áruboor buroon b'ábajina bu kúrub sumoŋu, abe n'ásik hifeeneŋ awuno. Huruwu hite Melkisedek aamo fu «áyi ite bifeeneŋ». Akina yooŋ «áyi ite káasuumaay», ábuki Salem aamo fu «káasuumaay».

Efees 4:16

O ákinineŋe fu eni i ereyi fe n'eŋ'ejokoor ayan faŋ tu súkulinu su seeemo du. Arko doon fe deeemo te yo déehin burok bite te do, n'eŋ'ehaat ti kámaŋioori ku.

Efees 3:15

o éekinie u butoŋ bánoban fe t'etiir bufor bu ni t'etaam i.

Saaŋ 16:33

Isokuunsok bonde kaanuku ariibaj t'íñje káasuumaay. Aruun kajuku sílaam t'etaam i. Bare arijok alitee! Iheekaheek etaam i!

Saaŋ 11:52

Bare eket ite Yesu, bíjaiit t'Esuwif i barebare; yite yooŋ kakuukan biñi bite Atambatun keeyisaloolee ku t'etaam ye kaanuku kéehin t'afeeneŋ.)

Efees 2:17

Abinabin kawaare ésuk i ereyi fe Hirim Heetoofe hite káasuumaay ku: aruun keenooto ku Esuwif keekambe ku Atambatun, n'Esuwif i keeloho ku yooŋ.