Efees 2:12 - Kwatay (Kuwaataay)

¹² Áribaŋino kaanuku kóŋkeyin arikambakamb *Kiris; árigiiloolutee ti bakate ku *Israyel; árigiiloolutee yooŋ tu *wujamoor w'Atambatun ajamoore wu nu boko. Árimoomi naane emoosoora. Arikinakin t'etaam ye, bare aribajut yéeni eyakar, árimeyiit yooŋ Atambatun.

Efees 2:12 Referans Kwoze

Galasi 4:8

Hítiyar hu, t'árimeyioorut Atambatun, aruun búsukateen yéeni bite buroon beenooto etambatun ite nu múniyo.

Kolos 1:21

Hítiyar hu, aruun yooŋ arikambakamb Atambatun, árimoomi enatoorao iŋi meejakut mamm'ariyinoor, ni mamm'árihin yooŋ.

1 Piyeer 1:3

Úsokoroor Atambatun Faaf ite Anahaan ite úne Yesu *Kiris! Ti kajaku koone kómbokun ku k'áwufoore ku úne, awunawun úne buroŋ bíyeni h'aritane hu Yesu Kiris t'eket i. Iyu u úbaje fu eyakar yéeketaariit,

1 Tesalonik 4:13

Kújakuwe, ti bite keekete ku, írimaŋiituun kawasu t'ébaani, kaanuku atum'áritaañian naane bakaaku keebajut ku eyakar.

Efees 4:18

abe kájokaariit doon fe. Kabajut buroŋ b'Atambatun bamb'awun, ábuki kámeyiit doon tus, abe ñúwejet ñooniin yooŋ iŋi ñíbaani túruk.

1 Tesalonik 4:5

abe atum'awas wúfaŋi weejakut wu weehaŋo sembe, naane *kéemeyiit ku Atambatun ii káhin.

Saaŋ 15:5

«Íñj'eemo fu nunukanuk nu, n'áriyemi biland bu. An eejoke u t'íñje, abe n'ijok te o, o kabukoor miriyaay úkaan, ábuki ariyinaat káhinu doon fe t'inooto.

Esuwif i 6:18

Náami muroon músuba mondu miyinaatee kanuutan mike meesiiŋanee, abe Atambatun ayinaat biñako te mo. Mo miyaŋganane fu úne kikaw núujok t'eyakar y'Atambatun asoke i úne, úne keeemo ku t'ésamunan yeene.

Eleetar i yi Pool akiñje i bakate ku Rom 9:8

Aamo fíiit biñi bite Aburaham kaamo fu bakañi Atambatun kareyi. Bakañi Atambatun nu múniyo kaamo fu keebukee ku naane t'anoŋke du eesok.

1 Piyeer 3:15

Bare arijok *Kiris tu suhol soonuun naane Anahaan oonuun. Arifare ko kireyi fe kásafin an fe eeyakuun kákandijen iŋ'ite eyakar yeeemo i t'aruun.

Epotor i 28:20

Iŋ'ite ho h'íboñina fu boonuun kaanuku iijukuun núuhamin. Múniyo iŋ'ite an u i *Israyel kayakare u te o hi kakobam fu baasel bonde.

Epotor i 3:25

Aruun arikino fu b'eyiŋana yite Atambatun kasoke bu, ni *kaajamoor k'Atambatun ajamoore ku ni sifaafuun h'abine hu aane Aburaham: “Íñje kásoniyan butoŋ-toŋ fe t'etaam ye, abe kásoniyan kondu iiŋaasan ko ti keeyak ku kánuutina tu noota núuwe.”

1 Saaŋ 3:3

An fe eebaje eyakar yendu ti Kiris *bukuuranooro naane Yesu Kiris akuure i.

1 Piyeer 1:21

Te o t'af'ariŋaas áriiyilen t'Atambatun éeritanno u t'eket i, abe n'áhino éenik. Iyu a ariyite fu káyilen koonuun, n'eyakar yeenuun fe arinaŋ t'Atambatun.

Esuwif i 11:34

kahokahok sineemak sómbokun hífeeneŋiit, kafakafak yooŋ ti kéemaŋiiin ku kayoolu nu wúbura. Kabajut yéeni sembe, bare kabinabina kabaj so. Kákolinanakolinani ti hitiik, abe kateyoorateyoor n'esulaan bakate ti bike búsuk.

1 Timote 1:1

Íñje Pool ikiñje fee, íñje *apotor ite Yesu *Kiris naane t'Atambatun *Afakana ite úne, ni Yesu Kiris eeemo u eyakar ite úne kasoke du.

2 Tesalonik 2:16

Atambatun Faaf úne ámaŋamaŋi úne, abe ti kajaku koone n'ayaŋganan úne kikaw ko kireyi fe n'eyakar yeeyane. Uni bokondu ti kalawu Anahaan ite úne Yesu Kiris humuumo, n'Atambatun Faaf úne

Kolos 1:27

Ábuki Atambatun ámaŋamaŋi káwufooriin ebaj yéenike i y'ánuusaanie i, yeeemo i ti b'afaree bu bija ti keenooto ku Esuwif. B'ánuusaanie bu beemo fu bonde: Kiris ondu t'aruun. Te o t'ariyakare fu kaanuku ariibin arimaat ti *Jáyi jite Atambatun.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Saaŋ 10:16

Huroŋam yooŋ sike síkarniina seeyoosoorut t'ékus yendu. Sondu, iwarawar bibin ne so. So yooŋ kajamu kaaji kúuma, abe n'aŋ'abaj kaahaaw kifeeneŋ taŋ, n'ahaawa yooŋ afeeneŋ.

Saaŋ 4:22

Aruun bakate ku Samari, árimeyiit aañ af'arilaw. Uni Esuwif i, írimoomi aañ if'irilaw, ábuki Atambatun aanaan o kaŋaasu t'Esuwif i eefakan ésuk i.

Hirim Heetoofe hu hi Luk akiñje hu 1:72

Asokasok kaanuku o káwufoor sifaaf úne kajaku koone, abe o bíbaŋino *kaajamoor keenabe ku ki kajamoore ku.

Epotor i 2:39

Ábuki aanaan o kawunuuun bo, aruun, ni bakañuuun, ni keekine ku t'akambe, bija yooŋ ni k'Atemit Atambatun ite úne ayak ku karuwu kareyi fe.

Efees 2:19

Náami aruun keenooto ku Esuwif, aŋkut áriyemi emoosoora, man yooŋ bakan kéenuutina tike tiŋ. Hahiyu árihina t'afeeneŋ ni bakan kite Atambatun, aruun bakate tu butoŋ boone.

Esuwif i 8:6

Bare hahiye Yesu asaaneesaan burok beejaaŋee bite esaraha i bakaaku, ábuki akina aamo fu t'etut Atambatun nu kúŋgowulan ku kaanuku eesiiŋan *kaajamoor keehaŋe kite ku kóŋkeyin. Abe b'Atambatun asoke bu ti kaajamoor konde aane o kawunu úne bihaŋahaŋ katoofu bite bu kóŋkeyin.