Efees 1:4 - Kwatay (Kuwaataay)

⁴ T'áwuwanoorut etaam i, ajifanajifan úne ti Kiris kaanuku man n'úyemi bakan keenabe te o, keeyinaatee kawatan tu doon. Makamu ámaŋamaŋi úne,

Efees 1:4 Referans Kwoze

2 Timote 1:9

Akina afakane fu úne, abe n'aruw úne kaanuku núuyemi bakan koone keenabe. Káanukiiit man úne únoŋke ajakee, bare aŋarkeyi naane búmoomi ti hikawo, abe yooŋ ámaŋamaŋi káwufoor úne kajaku koone. T'etaam i éwuwanoorutee, aanaan o kaŋaasu ti Yesu *Kiris éewufoor úne kajaku koone.

Efees 2:10

Ábuki Atambatun aroke fu úne. Naane úhine i t'afeeneŋ ni Yesu Kiris híkinineŋe fu n'áwuwan úne kaanuku ko kireyi fe n'uŋ'úhin kunoŋk keejake. Kunoŋk kondu, Atambatun afiyafiya afare ko kaanuku uŋ'úbin úhin ko.

Májiye 25:34

Náami áyi u kaanu keeemo ku inde baatoso: «Aruun ki Faafam ásoniyane ku, aribin áriikini Jáyi jeefaree ju bija t'aruun huta h'etaam i eŋ'ebin éwuwanee.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 2:9

Bare aruun, aruun ariemo fu eheet yeejifanee i, aruun ariemo fu esaraha i bakate ku Atambatun Áyi u, aruun ariemo fu ésuk yeenabe i, aruun ariemo fu bakan kite Atambatun. Arijifaneejifan kaanuku aŋ'aribin arisok buroon béewarie bu b'Atambatun áhine bu, akina eeruwuun u kaanuku áriinuutin t'ébaani i, ariibin ti meejaaŋe moone méewarie-warie mu.

Kafeeñal ku 13:8

Bakate ku t'etaam i fe kásukaay éndakakureŋ i; aamo fu bakan ku fe ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee. Kaawiit kondu kite Ametek eeyoolee u.

Saaŋ 15:16

Áruuniit arijifanam fu, bare íñje ijifanuun fu, abe n'iboñuun kaanuku ariija aribuk miriyaay, miriyaay mite bifiyo. Af'árihin bo, Faaf u kawunuuun doon fe d'ariyako kalawu tu huruwu húuma.

1 Piyeer 1:2

Atambatun Faaf u ajifanuunjifan aliik naane t'afiye du asok. Búwejet boone bíhinuunhin áriiyemi bokoone ku kaanuku áriijeŋgin Yesu Kiris, abe halan hoone nu *hukuuranuun. Atambatun aja ahaŋuun kásoniyan, abe n'awunuun yooŋ káasuumaay keefame-fam.

1 Piyeer 1:20

T'etaam i éwuwanoorutee n'Atambatun ajifano fu, abe afeeñafeeñ uŋu hoonuun hu tu kunak konde keeemo ku kiraanu ku.

Kolos 3:12

Náami makamu Atambatun ajifanuun fu kaanuku áriiyemi bakan koone, abe yooŋ ámaŋiuunmaŋi, árimeyi kayubiyen an, abe n'aritoof yooŋ. Áritetianooro, árineeni yooŋ, abe n'aŋ'árimuñ.

Kolos 1:22

Bare hahiye, Atambatun áhina ariibukan ne o t'eket ite Añio, eejuke u sílaam t'enio, kaanuku af'aribin arisiiŋo hágilao, n'áriyemi bakan keenabe, *keekuure, abe an at'áyiniuun kawatan tu doon.

Efees 5:27

Ámaŋamaŋi kaanuku kéeyilene ku ni kabin kasiiŋo hágilao káawariin naane, abe ni kakuur but, doon fe déefuñinanie itim díyemi tu boko. Ámaŋamaŋi káyemi bakan keenabe, keeyinaatee kawatan tu doon.

Kafeeñal ku 17:8

Éndakakureŋ y'a̱juke i émoomi yéeni buroŋ, bare eŋkut eroŋ. Yo kánuutina ti kaayeen kéesulie-sulie ku, bare yite bútowuto hiraanu. Bakate ku t'etaam i, ku kuruwu kooniin kikiñjutee ku ti kaawiit kite buroŋ bu huta h'etaam i eŋ'ebin éwuwanee, bijahale kane kajuk éndakakureŋ i, ábuki émoomi yéeni buroŋ, abe hahiye eŋkut eroŋ, bare yo kásooñina.

Epotor i 13:48

Hi keenooto ku Esuwif kajame hu bondu, kikawiin nu kutoof naane, abe ni káyemi ti kasokoroor hirim hite Anahaan u. K'Atambatun ajifane ku fe kaanuku keebaj buroŋ béehabanaariit bu, ni káyilen.

Saaŋ 17:24

«Faafa, ímaŋamaŋi bakan k'a̱wunam ku ni káyemi yooŋ t'ija du káyemi, man ni kajuk kániku kúuma, kondu k'a̱wunam ku, ábuki á̱maŋiammaŋi t'etaam i éwuwanoorutee.

1 Tesalonik 4:7

Atambatun aruwut úne kaanuku núuyemi bakan *keekuurut, bare kaanuku núuyemi bakan keenabe.

Fílip 2:15

man n'áriyemi bakañi Atambatun *keekuure, keeyinaatee kawatan tu doon. Arikinakin t'etaam ye ni ñatuuk, ni bakan keejakut, bare atum'árihin doon fe di káyiniuun katinan te do. Aruun kasilan tu boko naane búloofiiloof bu tu bufor bu,

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

Epotor i 18:10

ábuki íñj'endu n'awe. An at'áyinii kajoku kaanuku éehihinoori, ábuki keehooje bokondu ti hikinu hondu bákuuma ku.

2 Timote 2:10

Bo bíkinineŋe fu n'iŋ'ímuñ areyi fe iŋ'ite hu bakan k'Atambatun ajifane ku, kaanuku man boko yooŋ Yesu Kiris n'afakaniin, abe n'ánikaniin hiraanu.

Efees 4:2

Ko kireyi fe áritetianooro, árineeni yooŋ, abe n'aŋ'árimuñ. Árimaŋioori, abe n'aŋ'árimuñalool.

1 Korent 1:8

Humuumo káwutiyenuun sembe bija yooŋ tu hunak hiraanu hu, kaanuku an atum'abin abaj bike bite katinanuun hunak h'ábatikein hu te ho.

Májiye 24:31

Káabiinu kómbokun kasoku, abe n'aŋ'áboñin emalaka yeene t'etaam i ereyi fe. Boko kakuukan bakan k'ajifane ku, huta hu t'etaam i éjabina du, bija yooŋ t'eraane du.

Efees 5:2

Árimaŋioori ko kireyi fe tu buroŋ boonuun naane *Kiris ámaŋie i úne. Ámaŋamaŋi úne, abe n'ásik buroŋ boone eesaan bo bija t'úne naane *kaasarah keehunde-hund t'Atambatun.

Saaŋ 10:16

Huroŋam yooŋ sike síkarniina seeyoosoorut t'ékus yendu. Sondu, iwarawar bibin ne so. So yooŋ kajamu kaaji kúuma, abe n'aŋ'abaj kaahaaw kifeeneŋ taŋ, n'ahaawa yooŋ afeeneŋ.

1 Tesalonik 3:12

Anahaan u áhin ariihaŋ kámaŋioori, abe n'arihaŋ yooŋ kámaŋi ésuk i fe; árimaŋi bakaaku naane írimaŋiuun i.

Efees 3:17

Atambatun áhin *Kiris eekin tu suhol soonuun aŋarkeyi naane áriyilenayilen te o. Áhinuun yooŋ áriimaŋioori. Af'árimaŋioori, n'aŋ'arilooñ te o, abe n'aŋ'arinut yooŋ buroŋ boonuun te o.

Galasi 5:13

Kújakuwe, aruun bare Atambatun aruwuunruw kaanuku atum'aŋk'áriyemi búsukateen. Bare naane aŋkut i áriyemi búsukateen, atum'arikuuso te bo ariinaban wúfaŋi woonuun weejakut wu. Bare árimaŋioori, abe n'aŋ'áriyokunanoor.

Eleetar i yi Pool akiñje i bakate ku Rom 8:33

Aañ aja fu katinan úne, úne k'Atambatun ajifane ku? Atambatun fíya? Aaa, ábuki akina humuumo aanaan újubajub.

Májiye 24:24

Ábuki bakaake bibin, abe n'iŋi kajuus kaane boko kaamo fu Afakana u, man yooŋ eyiŋana yite Atambatun. Boko káhinu buroon úkaan beejahale ésuk i, kaanuku keebuut ti káyinie, humuum bakan k'Atambatun ajifane ku.

Májiye 24:22

Abe arko Atambatun aanut fu yéeni éekasinan tu kunak kondu, an fe man aroŋ. Bare o kákasinan te ko iŋ'ite bakan k'ajifane ku.

1 Saaŋ 4:16

Uni írimoomi kámaŋi k'Atambatun ámaŋie ku úne, abe íriyilenayilen ko. Atambatun ámaŋamaŋi ésuk i. An éemaŋie bakan, áhinahin t'afeeneŋ n'Atambatun, abe Atambatun áhina ne o t'afeeneŋ.

2 Piyeer 3:14

Kújakuwe, aruun k'ímaŋie-maŋie ku, iŋ'ite ho aamo fu makamu aruun bokondu ti kanahan hunak hondu, árihin wáhowah man n'áriyemi hágila Atambatun bakan *keekuure, bakan keeyinaatee kawatan tu doon fe, ni bakan yooŋ keebaje káasuumaay ne o.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

Galasi 5:22

Bare doon du Búwejet Beenabe bu dundu dubuk tu buroŋ bite b'úne deemo fu: kámaŋioori ku, ni katoofu ku, ni káasuumaay ku, ni kámuñu ku, ni kajaku ku, ni káyokunan kite bakaaku, ni káyemi an ite bifeeneŋ,

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Epotor i 15:18

Íñje isoke fu bo, íñje Atemit, abe íhinahin ésuk i kéemeyi bo huta hu kóŋkeyin.»