Efees 1:23 - Kwatay (Kuwaataay)

²³ Kéeyilene ku kaamo fu eni yite Kiris, abe Kiris ondu tu boko ahoojaniin bib, akina eehoojane u dóonodoon fe.

Efees 1:23 Referans Kwoze

Saaŋ 1:16

An ondu ásoniyanasoniyan úne ti kajaku koone, abe n'asooñ áwutiyen.

Efees 4:12

Awunawun bondu bakan k'Atambatun akino ku kaanuku man ni káyini káhinu burok bite káyokunan bakaaku kéeyilene ku. Iyu, keeemo ku eni yite *Kiris, abe ni káyilen kareyi fe n'iŋi kahaŋ kayanu ti káyilen ku.

Efees 3:19

Hee, n'aŋ'áriyini kámeyi kámaŋi koone keehaŋe ku doon fe du húŋgowulan ayino kámeyi, man buroon b'Atambatun ákinie bu fe ni bíyemi yooŋ boonuun bu.

Efees 4:10

An éewaneina u, o aamo fu yooŋ eesiree u bija t'etiir-t'etiir kaanuku eehoojan aduna i ereyi fe.

1 Korent 15:28

Abe Kiris af'abin awunee sembe tu doon areyi fe, n'aŋ'afin asaanooro Atambatun eewuno u sembe sondu. Náami Atambatun n'aŋ'áyemi áyi tu doon areyi fe.

Kolos 1:24

Hahiyu, hikawam hutoofa naane ii ijuk iye sílaam uŋu hoonuun hu. Ábuki íñj'endu ti kajuku sílaam kep t'eniam, kaanuku man n'íyokunan eni yite Yesu yeeemo i *kéeyilene ku, abe n'íreeŋinan yooŋ sílaam site *Kiris seeŋeñene su.

Kolos 3:15

Káasuumaay ki Kiris kaŋk'awun kija kujoŋooran siheluun. Atambatun aruwuunruw bite káasuumaay kondu kaanuku áriiyemi eni efeeneŋ. Arieno ko kireyi fe eyeehen.

Kolos 3:11

Hahiyu aŋkut abaj bokonde Esuwif, bokonda kanooto Esuwif; bokonde *kateyatey karam, bokonda kateyit karam; bokonde kániyeit, bokonda baataaŋaat; bokonde búsukateen, bokonda kanooto búsukateen. Bare *Kiris taŋ abaje fu, o eeemo u doon areyi fe, abe n'áyemi ti bakan koone kareyi fe.

Efees 2:16

H'akete hu *t'ekuruwa i, áhinahin Esuwif i ni keenooto ku Esuwif keebukan n'Atambatun. Toko yooŋ t'anuutane fu kahuufoor kéeyemie ku t'etutiin, éehiniin kéehin t'afeeneŋ.

1 Korent 12:6

Bifehe bu yooŋ buwayawayo, bare Atambatun afeeneŋ u áhine fu bo bireyi fe bija t'úne úreyi.

Eleetar i yi Pool akiñje i bakate ku Rom 13:5

Iŋ'ite ho aamo fu ariwarawar kájeŋgin keeemo ku t'éŋguur i. Iŋ'íteiit kaanuku man áriyinooni kateyi kúnuur ku barebare, bare yooŋ aŋarkeyi naane ti sihel site s'úne bijakajak.

Efees 4:4

Eni efeeneŋ taŋ ebaje fu, yeemo fu *kéeyilene ku; Búwejet Beenabe bifeeneŋ taŋ bibaje fu yooŋ; abe Atambatun, bite eyakar efeeneŋ taŋ b'aruwuun fu.

Efees 3:10

kaanuku man emalaka i keeemo ku t'etiir, n'eseef yeeniin ifi kajuk *kéeyilene ku, ni kámeyi naane búwesinato boone beemo i fe.

Efees 4:13

Úreyi fe yooŋ n'uŋ'úyini káhinu t'afeeneŋ ti káyilen ku, abe t'afeeneŋ yooŋ n'úmeyi Añi ite Atambatun. N'uŋ'úhaat ti káyilen ku, abe n'uŋ'úre ti kareyi kite Kiris.

Kolos 2:19

Kajokut ti Kiris eeemo u hikaw hite *kéeyilene ku keeemo ku eni yeene. Akina ákinineŋe fu eni i ereyi fe n'ékuumanee, abe n'ejokoor ayan faŋ tu súkulinu su, abe n'eŋ'ehaat yooŋ naane Atambatun ámaŋie i.