Efees 1:13 - Kwatay (Kuwaataay)

¹³ Aruun yooŋ kéehine ku t'afeeneŋ ni Kiris, arijamajam hirim hite múniyo mu, heeemo hu Hirim Heetoofe hu héekinineŋe hu n'arifak. H'áriyilene hu ti Kiris, Atambatun n'áhin t'aruun éluwenuma yite káwufoor kaanuku aruun bokoone ku; yo yeemo fu Búwejet Beenabe bu b'afiye bu aane o kawunu úne.

Efees 1:13 Referans Kwoze

2 Korent 1:22

Akina yooŋ áhine fu t'úne éluwenuma yeene yite káwufoor ku kaanuku úne bakan koone, abe n'anaŋ ti sihel site s'úne Búwejet boone Beenabe bu, beekuur úne kaanuku aroŋa kawunu úne eke ebaj.

Efees 4:30

Atum'árihin Búwejet bite Atambatun Beenabe bu béetaañian. Bo b'Atambatun ásike fu éehin t'aruun naane éluwenuma bija tu hunak h'aja hu kafakan koonuun akuur but.

2 Timote 2:19

Bare káyilen k'Atambatun awune ku úne kiyanayan naane kiñaan kítiyar kite enuuf. Kirim konde kikiñjee fu toko: «Atemit ámoomi bakan koone.» Nu bonde yooŋ: «An fe eeene akina an ite Atemit áwuŋg meejakut mu hiñaawu.»

1 Tesalonik 2:13

Iŋ'iriene Atambatun ko kireyi fe eyeehen ti bike yooŋ: h'irisokuun hu hirim hite Atambatun, arijamatanajamatan, abe n'áriyilen ho náaneiit hirim hite húŋgowulan, bare naane hirim hite Atambatun; múniyo hite h'Atambatun, abe uŋu hurok t'aruun kéeyilene ku.

Eleetar i yi Pool akiñje i bakate ku Rom 4:11

Abe Atambatun n'abin áhino eetey karam: karam kondu keemo fu ékeetanuma yéewufoore i kaanuku Atambatun ajokojok an éejube iŋ'ite káyilen koone, abe kóŋkeyin o t'ateyoorut karam. Iyu i Aburaham aamo fu faaf ite bakan ku fe kéeyilene ku t'Atambatun ti kateyit karam. Abe bokondu Atambatun ajokiinjok bakan kéejube.

Eleetar i yi Pool akiñje i Tit 2:11

Atambatun áwufoorawufoor ésuk i kajaku koone kéeyinie ku kafakaniin kareyi fe.

Galasi 3:14

Iyu i bije fu kaanuku man kásoniyan k'Atambatun aane ku o kásoniyan Aburaham, keenooto ku Esuwif ni kabaj ko yooŋ ti Yesu Kiris, abe ti káyilen kite k'úne, n'úbaj yooŋ Búwejet Beenabe bu b'Atambatun aane bu o kawunu úne.

Eleetar i yi Pool akiñje i bakate ku Rom 1:16

Ifuñeit kawaare Hirim Heetoofe hu: ho heemo fu sembe site Atambatun sans'afakan ne so an fe éeyilene, éejabin t'Esuwif i, abe n'ahabanooro ti keenooto ku Esuwif.

Epotor i 2:33

Ayiteeyit t'etiir inde *baatos Atambatun, abe akina Atambatun Faaf u n'asaano Búwejet Beenabe bu beefiyee bu busokee. O Yesu n'ásik bo asaan uni; bo b'af'arijuk iye, abe n'arijam yooŋ.

Saaŋ 14:26

Bare Áyokunana u, eeemo u Búwejet Beenabe bu bi Faaf u aja bu káboñina tu huruwu húuma, o kaliikenuun doon areyi fe, abe o kábaŋinanuun b'isokuun bu bireyi fe.

Saaŋ 1:17

Tu *Moyis t'Atambatun aŋaase fu eesaan úne Eluwa i, bare kajaku koone nu múniyo mu, bondu fe ti Yesu *Kiris ti bíŋaasina fu.

Hirim Heetoofe hu hi Luk akiñje hu 24:49

Abe íñje káboñinauun doon di Faafam asoke du aane o kawunuuun do. Bare atum'arinuut ti hikinu he, ajendan káyemi sembe site t'etiir súwaneino t'aruun.

1 Piyeer 2:10

Hítiyar hu áriyemiit bakan bakate Atambatun, bare hahiyu áriyemia bakan koone; hítiyar hu Atambatun ayubiyenutuun yéeni, bare hahiye ayubiyenuun.

Eleetar i yi Pool akiñje i bakate ku Rom 6:17

Bare úene Atambatun eyeehen: aruun kéeyemie ku hítiyar hu búsukateen bite kaahoofoor ku, arijokajok hahiye árihabanein tu múniyo m'ariliikenee mu.

Epotor i 1:4

Hike hunak, akina tu buñoofo bu nu boko, n'áhaminiin ayan aaniin: —Atum'arikamb Serusalem, bare aririiko ariinahan doon di Faaf u afiye du asok aane o kawunuuun. Abe isokuunsok bo yooŋ.

Saaŋ 15:26

«Áyokunana u bibin: o aamo fu Búwejet bite múniyo mu, eeyak u kánuutina ti Faaf u. Íñje káboñinuuno tu huruwu hite Faaf u, abe o kasokuuun búuma bu fe.

Epotor i 13:26

«Kújakuwe, aruun bakañi *Aburaham, n'aruun yooŋ keeyoosee ku bítim bite Atambatun: úne k'Atambatun áboñina fu hirim honde héewufoore hu naane aja i kafakan úne.

Saaŋ 6:27

Atum'arirok buroon bite kákuumanuun bite búbujo kuwaatu. Arirok buroon bite kákuumanuun beeemo utu búbujo hikee, abe yooŋ nu buwun buroŋ béehabanaariit bu. Buroon bondu, *Añi ute Húŋgowulan hu aja fu kawunuuun bo, ábuki te o t'Atambatun Faaf u áhine fu éluwenuma yeene yéewufoore i kaanuku ariboorariboor ne o.

Hirim Heetoofe hu hi Luk akiñje hu 11:13

Naane árijakaatie i fe, árimoomi kawunu bakañuuun buroon beejake. Náami buŋ bi Faaf úne eeemo u t'etiir atuf'áhin ahaŋ diyu ariike, eewun Búwejet Beenabe bu kiŋki kalawo bo?

Kafeeñal ku 7:2

Abe n'ijuk ake amalaka ti bisiro, ánuutin káasiŋ ki taanak tu tundu túnuutin, abe n'ajok t'emoŋio éenee yiyi káhin ne yo t'ésuk i ékeetanuma yite Atambatun eeemo u buroŋ. N'áhamin ataŋk n'emalaka i bakabaakiir ku k'Atambatun awune ku sembe site kábuju etaam i ni han hu aaniin:

Saak 1:18

Ho hutoofo n'awun úne buroŋ, aŋ'asaan bo ti hirim hoone heeemo hu hite nu múniyo, kaanuku man n'úyemi étiyar i tu buroon b'áwuwane bu fe.

Esuwif i 2:3

Náami buŋ b'úyino fu kafaku tu kúnuur kondu kéesufe ku, kane arko núuwiinen hirim héeyinie hu úne kafakan, h'Anahaan u Yesu humuumo ajabe hu asok? Keejamo ku ti báhamin bu kaanaan úne hite nu múniyo.

2 Timote 3:15

Múniyo á̱moomi *Míkiñjin Meenabe mu huta hu awe añi, abe múnoonii kawunu búwesinato. Búwesinato bondu ifi bíhin an n'afak kane áyilen ti Yesu Kiris.

2 Timote 2:15

Á̱hin wáhowah a̱atoof Atambatun, naane aroka eejake, eeyakut bufuño, abe n'aŋ'aliiken ésuk i Hirim hite múniyo mu ajoŋoor júl.

Efees 4:21

Ábuki bukuuramkuur kaanuku arijamajam huruwu hoone, abe ariliikeneeliiken múniyo meeemo mu ti Yesu, bare kereŋ?

2 Korent 6:7

ni kawaare kite múniyo mu, ni ti sembe site Atambatun. N'íriwufoor bo yooŋ ti kájubu kite k'uni keeemo ku naane bujuŋko bite kálaatin, man yooŋ bite biramooro.

Saaŋ 3:33

An éeyileno u áwufoorawufoor akuur but kaanuku b'Atambatun asoke bu bite nu múniyo.

Saak 1:21

Iŋ'ite ho aamo fu arinuutan ti siheluun doon fe *deekuurut, abe n'ariwas kunoŋk fe keejakut. Áritetianooro ariijok hirim heenawee hu ti siheluun, ábuki húnooniuun kafakan.