3 Saaŋ 1:9 - Kwatay (Kuwaataay)

⁹ Ikiñjakiñj eleetar yéetofie bija ti bakate ku t'aruun *kéeyilene ku; bare Jotiref ámaŋiit kajamu b'isoke bu, ábuki ámaŋamaŋi káyemi aseef oonuun.

3 Saaŋ 1:9 Referans Kwoze

Hirim Heetoofe hu hi Luk akiñje hu 9:48

abe n'aaniin: —An af'ajok áwariee añi naane onde uŋu húuma hu, íñje humuumam a ajoke fu áwariee. Abe an af'ajokam áwariee, ajoka yooŋ áwariee an éeboñinam u. Ábuki an eeemo u biraanu boonuun tej, an ondu aamo fu átiyar u.

Mark 9:34

Bare ni kakoowan, ábuki kámoomi ti síjeeŋoor seeyane ti bítim bu kaanuku kéemeyi aañ tu boko aamo fu átiyar u, butum eehaŋe u bakaaku.

3 Saaŋ 1:8

Náami úne, úwarawar káyokunan bakan naane bokondu, man n'úmaat yooŋ tu burok bimbi káhin bija tu múniyo mu.

Eleetar i yi Pool akiñje i bakate ku Rom 12:10

Árimaŋioori naane bakati. Árihabanein ti kájeŋgin kite bakaaku.

Mark 9:37

—An af'ajok áwariee añi naane onde uŋu húuma hu, íñje humuumam a ajoke fu áwariee. Abe an af'ajokam áwariee, íñjeiit unoonam a ajoke fii áwariee, bare bija n'an éeboñinam u fe.

Májiye 7:8

Ábuki an fe eelawe, aŋ'awunee; an eeŋese, aŋ'abaj; abe an eekoŋkoŋane, aŋ'áfeŋginee.

Kolos 1:18

*Kéeyilene ku kaamo fu eni yeene, abe akina aamo fu hikaw hu. Buroŋ bíyeni bu te o ti bíjabina fu, ábuki o aamo fu átiyar u dók ti karitanee t'eket i, kaanuku éeyemi átiyar u tu doon fe.

2 Saaŋ 1:9

An fe eejokut ti bi Kiris aliikene bu úne, abe n'aŋ'atofanan bo, an ondu anooto n'Atambatun. An eejoke ti bi Yesu Kiris aliikene bu úne, an ondu ondu ni Faaf u, ondu yooŋ n'Añi u.