3 Saaŋ 1:4 - Kwatay (Kuwaataay)

⁴ Bimbi bihaŋ káhinu hikawam heetoof fe beemo fu kane ijam kaanuku bakañiam kakinakin tu múniyo mu.

3 Saaŋ 1:4 Referans Kwoze

Galasi 4:19

Kúñuumo, t'eemo dee íñj'endu iŋki ti káseñji kómbokun uŋu hoonuun hu, naane anaare eeemo ti bíyihino. Káseñji kondu kibaa t'íñje ayak abin áami yooŋ arinokoora wees ni Kiris.

2 Timote 1:2

Íñje íkiñjini fee awe Timote eeemo u naane añiam ímaŋie-maŋie u. Atambatun Faaf u, ni Yesu Kiris Anahaan ite úne kaja kásoniyani, ni kayubiyeni yooŋ, abe ni kawuni káasuumaay.

1 Timote 1:2

Íñje íkiñjini fee awe Timote i ijoke u naane añiam ite nu múniyo ti káyilen ku. Atambatun Faaf u, ni Yesu Kiris Anahaan ite úne kaja kásoniyani, ni kayubiyeni yooŋ, abe ni kawuni káasuumaay.

Galasi 2:14

H'ijuke hu kaanuku kanooto ti káhinu ajoŋooree ariib nu múniyo mite Hirim Heetoofe hu, n'eene Piyeer tu buhooŋu kéeyilene ku fe: «Awe eeemo u Asuwif, á̱hinoorahinooro beebe naane keenooto ku Esuwif, á̱hinut naane Esuwif i. Buŋ b'a̱sooñe fu á̱maŋi katiŋgu keenooto ku Esuwif kéehin naane Esuwif i?»

Filemoŋ 1:10

íñj'endu ti kalawii bike bija t'Onesim. Ijokojok naane añiam diye t'ekulu i, ábuki ajoka bítim bite Kiris.

2 Korent 6:13

Náami íihaminuun naane faaf aa áhamin añio: árihin naane uni, árifeŋgin uni sihel soonuun!

1 Tesalonik 2:11

Árimoomi yooŋ kaanuku huruw fe t'aruun, írimoomi n'akina naane faaf ni bakañio.

1 Saaŋ 2:1

Kúñuumo, íñj'endu ti kákiñjinuun bonde kaanuku atum'aŋ'arihoofoor. Bare ake af'áhin kaahoofoor, úbajabaj an aa areeŋo úne t'Atambatun: o aamo fu Yesu *Kiris éejube u.

2 Saaŋ 1:4

Hikawam hutoofatoof dómbokun h'ijuke hu kaanuku bakaake ti bakañii kakinakin tu múniyo mu naane t'eluwa yi Faaf u asaane i úne esoke du.