2 Timote 4:8 - Kwatay (Kuwaataay)

⁸ Hahiyu hisiibanu hite an eeheeke u hondiam ti kanahan. Ho heemo fu hisiibanu hite an éejube h'Anahaan u, ajoonana éejube u aja hu kasaanam hunak hite Kajoonan ku. Abe íñjeiit barebare a aja fu kasaan ho; o kasaan ho yooŋ kéesike ku siheliin fe kanaŋ ti bíbatikeina boone.

2 Timote 4:8 Referans Kwoze

Saak 1:12

Atoof t'an kane ajok alitee o ti sílaam; ábuki af'áwufoor kaanuku ajokajok alitee ahaban, o kabaju hisiibanu: ho heemo fu buroŋ b'Atambatun aane bu o kawunu kéemaŋio ku.

Kafeeñal ku 2:10

Atum'á̱koleyi sílaam s'a̱ja su kajuku. A̱jam i: Setani kajoku bakaake t'aruun aja akul kaanuku man n'áhinuun áriiwuŋg Atambatun kiñaawu, abe aruun kajuku sílaam kunak keereeŋe sumoŋu. Bare a̱jok alitee hutoof yooŋ ni kayooli, abe n'iŋ'iwuni buroŋ bu naane hisiibanu.

1 Piyeer 5:4

Abe Kiris Aseef ite ehaawa i af'aja áŋaasin, n'aŋ'awunuun hisiibanu héenike, abe utu húbujo hikee.

1 Piyeer 1:4

abe úmoomi kaanuku úne kákini buroon beejake b'Atambatun anaŋe bu bija ti bakan koone. Buroon bondu biyinaat búbujo, biyinaat kabuubat, biyinaat yooŋ bútowuto. Atambatun anaŋanaŋ bo tu bufor bu bija t'aruun.

2 Timote 1:12

Bo bíkinineŋe fu sílaam súuma sonde. Bare ifuñeit bondu, ábuki ímoomi t'aañ ti hikawam hiyaŋge fu, abe bukuuramkuur kaanuku abajabaj sembe site kajukar b'ánihanam bu bija tu hunak hite Kajoonan ku.

1 Korent 9:25

Kiŋki káhin buroon bu naane kateyi ku bija ti síheekoor su, ajok étuum i, iŋi kajab kaliiken ásuf. Iŋi káhin bondu kaanuku man ni kabin kabaj hisiibanu héefiyaariit. Úne bare uŋ'úhin bo kaanuku man n'úbaj hisiibanu hite hiraanu.

Kolos 1:5

Hunak hi hirim hite múniyo mu, heeemo hu Hirim Heetoofe hu híreeŋina hu t'aruun hítiyar, arijamajam eyakar yeeemo i te ho. Iyu a arinaŋe fu káyilen koonuun, ni kámaŋioori koonuun fe t'eyakar yendu y'Atambatun anaŋe i t'etiir bija t'aruun.

Kafeeñal ku 1:7

Arijuk, ondu ti bibin tu bufor bu! Ésuk i fe, bija yooŋ ni keeyao ku kajukio ni ñíkiniin. Búsuk bite t'etaam ye fe kayiyu uŋu hoone hu. Hee bondu kabaju! Amiin!

Eleetar i yi Pool akiñje i Tit 2:13

Iyu u úware fu kanahan hunak heetoofe hu h'úyakare hu. Hunak hondu, Yesu *Kiris Afakana ite úne, eeemo u Atambatun eehahe u, bibin káanikin naane.

Kafeeñal ku 19:11

Hunuut toko, n'ijuk bufor béefeŋginee, abe efaliñj yeefañje n'éŋaasin. An eerabee u te yo huruwu hoone Éejube u, huruwu hoone yooŋ Múniyo mu. Aŋ'ajoonan, abe n'átuum ajoŋooree.

2 Timote 2:5

An af'áyemi ti síheekoor ti kateyi, at'ásik hisiibanu hu, kane arko taŋ am ateye naane kateyi ku kusokee i.

2 Timote 4:1

Íñj'endu ti káwasiyani bonde hágila Atambatun, ni Yesu *Kiris eeja u bíbatikeina ti Jáyi joone, abe n'ajoonan keeroŋe ku ni keekete ku:

1 Timote 6:19

Káhinu iyu, n'iŋi kakuukan ebaj yeejake abe n'eyan bija tu kuwaatu, abe n'iŋi káyini kabaju buroŋ bite bu nu múniyo.

1 Korent 2:9

Bare *Míkiñjin mu meenaan: «B'an ámusut bu kajuku, b'an yooŋ ámusut bu kajamu, ni b'an ámusut bu kayinoor, Atambatun afarafare bo bija ti bakan kéemaŋio ku.»

Kafeeñal ku 22:20

An eeseedee u kaanuku bondu fe bite nu múniyo aane: «Hee, íñje bibin memee!» Amiin! A̱bin Anahaan u Yesu!

Kafeeñal ku 4:10

Abe ko kireyi fe bondu ifi bibaj, bíhaaniin bu butuman ni bakabaakiir ku n'iŋi kásukaayo. N'iŋi kasokorooro, o eeemo u buroŋ hiraanu, abe ni káfiiten búkuhe booniin hágila eriikeey ite híyiaate hu ti kaanu:

Kafeeñal ku 4:4

Sike siriikeey yooŋ site híyiaate seemo butuman ni sibaakiir suŋoloolaŋolool eriikeey yendu, abe bíhaaniin kaamo butuman ni bakabaakiir kariikariiko te so. Kasiimasiimo wañ weefañje, abe ni kasol búkuhe bite éwurus.

Esuwif i 9:28

Iyu yooŋ i Kiris ásike fu enio eesarah hifeeneŋ kaanuku eenuutan wuhoofoor wute bakan keehooje-hooj. Abe o kásooñina húsooboriyan, káanukiiit bibin kanuutan wuhoofoor wu, bare kaanuku eebin eefakan keeemo ku ti kanahan koone.

2 Timote 1:18

Anahaan u aja áhino eemaat ti kajaku koone hunak hite Kajoonan ku. Abe á̱moomi akuur but naane áyokunanam i Efees.

1 Tesalonik 1:10

Aruun bokondu ti kanahan Añio eeyak u kánuutina t'etiir eebin. Añio ondu aamo fu Yesu a aritane u t'eket i. Akina afakane fu úne tu kúnuur keebin ku tu hunak hoone hite Kajoonan ku.

Eleetar i yi Pool akiñje i bakate ku Rom 8:23

Abe yóiit barebare: úne yooŋ keebaje ku Búwejet Beenabe bu naane bítiyar bu dók tu buroon b'Atambatun aja bu kawunu úne, uŋ'úriŋgan tu suhol site s'úne. Úne bokondu yooŋ ti kanahan ku kaanuku Atambatun éehin úne bakañio nu múniyo, abe n'aram úne áhabanein.

Eleetar i yi Pool akiñje i bakate ku Rom 2:5

Bare a̱yaŋgayaŋg hikaw, á̱maŋiit buwatanooro. Iŋ'ite ho aamo fu aw'ondu ti binaŋooro kúnuur keehaŋe kásufu tu hunak h'Atambatun aja hu káwufoor kayiŋat koone, abe n'ajoonan te ho ésuk i ajoŋoor júl.

Májiye 24:36

—An ámeyiit hunak hu hondu kaakaŋ, n'ewahatu i; humuum emalaka i t'etiir bufor bu, bija Añi u fe kámeyiit, kane arko Faaf u unoono taŋ.

Májiye 7:22

Hunak hite Kajoonan ku, keehooje kaaniam: «Anahaan u, héyi? Eeman tu huruwu húuwe t'iriyiŋane fu hirim hite Atambatun, n'írikutoor ne ho sirab, ne ho yooŋ n'írihine fu buroon beehooje beehaŋe ésuk i kikaw, bare me?»

1 Tesalonik 5:4

Kújakuwe, aruun bare arinooto t'ébaani, abe hunak hondu huwarutuun káfufu naane ákuw.

2 Korent 5:2

Abe hahiye uŋ'úriŋgan aŋarkeyi naane úhaŋahaŋ kamoken kabaju sini site s'úne sondu seeemo su t'etiir.

Hirim Heetoofe hu hi Luk akiñje hu 10:12

Iisokuun bonde: hunak h'Atambatun aja hu Kajoonan te ho, sílaam site bakate ti hikinu hondu kahaŋu site bakate ku *Sodom.

1 Korent 3:13

Tu hunak hite Kajoonan ku, burok bite ánoan fe kafeeñu, abe bo kámeyiee. Ábuki hunak hondu káyemi hite sineemak sómbokun, site káwufoor buŋ bu burok bite ánoan fe bunokoore fu.

Fílip 3:11

Iyu, n'iŋ'ibaj eyakar kaanuku íñje karitanee t'eket i.

2 Tesalonik 2:8

Ánafuta u n'aŋ'áŋaasin, abe Anahaan u Yesu n'aŋ'áwuur te o eeyoolo. O kátumbu ábujarooroo ni meejaaŋe meeyak mu káriboorina ne o kane ábatikein.

2 Timote 1:10

Hahiye kujukanaa ésuk i *h'Afakana ite úne Yesu Kiris áŋaasina hu. Akina ábuje fu sembe site eket i, abe n'aŋaas ti Hirim Heetoofe hu éewufoor úne buroŋ béeketaariit bu.

Esuwif i 12:11

An af'áyemi ti kajoŋooran úne, újokaariit bo toko-toko naane doon dite katoofu; uŋ'útaañian. Bare bibin bifiyo, bakan keejoŋooranee kii kajuku éñjeriŋ yeeemo i toko: boko kabaju káasuumaay, nu buroŋ beejoŋoore.