2 Timote 4:7 - Kwatay (Kuwaataay)

⁷ Ítuumatuum étuum yeejake i, iteyatey yooŋ bija t'iware du karaan, abe iwasut káyilen ku.

2 Timote 4:7 Referans Kwoze

1 Timote 6:12

Á̱tuum étuum yeejake i yey'ebin ni káyilen ku. A̱jok buroŋ béehabanaariit bu, ábuki Atambatun aruwiruw kaanuku a̱abaj bo. Abe a̱binabina á̱hamin atoof aa ti káyilen kúuwe tu buhooŋu bakan keehooje.

Epotor i 20:24

Bare t'íñje, buroŋ búuma bijarut doon tus. Ímaŋamaŋi kep kareeŋan doon d'eemo du te do, nu burok b'Anahaan u Yesu asaanam bu: bo beemo fu kawaare kite Hirim Heetoofe hite kajaku kite Atambatun.

Saaŋ 4:34

Yesu n'aaniin: —Buñoofo búuma beemo fu íhin b'an éeboñinam u ámaŋie bu, abe n'ihabanoor burok b'asaanam bu.

Hirim Heetoofe hu hi Luk akiñje hu 11:28

Bare Yesu n'aano: —Ti kiŋki kajamatan hirim hite Atambatun, abe ni kajok ho t'ahaŋe fu katoofu!

Kafeeñal ku 3:8

ímoomi buroon b'á̱hine bu fe. Ímoomi kaanuku a̱bajut sembe, bare á̱jeŋginajeŋgin hirim húuma, abe a̱teñekeitam. A̱juk, ífeŋginifeŋgin karuŋ k'an ayinaat kafeŋku.

Kafeeñal ku 3:10

Makamu á̱jeŋginajeŋgin hirim h'isoki hu hite kaanuku á̱muñ ti sílaam su, ifin íñje yooŋ, íñje kajukari ti sílaam seebin su t'aduna i ereyi fe. Sílaam sondu kabaju kaanuku t'ajuk buŋ bu kúŋgowulan ku kaamo fu ariike.

Hirim Heetoofe hu hi Luk akiñje hu 8:15

Sinawaay seeneye su t'etaam yeejake i seemo fu bakan kiŋki kajam hirim hu, ni kanaŋ ho ti sihel seekuure but, abe ni kajok te ho alit tip ayak abin áami kabuka miriyaay meejake.

1 Timote 6:20

Óom Timote, a̱jok áwariee doon d'Atambatun ánihani du. A̱tey báhamin beeñunut, beeriibut nu múniyo m'Atambatun áwufoore mu úne. A̱tey síjeeŋoor su tu buroon bite bíhaŋoor búwesinato, abe yooŋ bíteiit nu múniyo.

2 Timote 1:14

A̱jok áwariee b'Atambatun ánihani bu. A̱jok bo ti sembe site Búwejet Beenabe bu beekine bu t'úne.

1 Timote 1:18

Áñuumo Timote, bonde b'isejani fu. Bo bifeeneŋ bu ni *b'eyiŋana yite Atambatun kabine bu kasok kóŋkeyin t'awe. A̱jok te bo man n'á̱yini kátuumu étuum yeejake i

Saaŋ 17:6

«Bakan k'a̱jifane ku t'etaam ye a̱awunamiin, íhiniinhin kéemeyii. Bákuuwe ku yéeni. N'a̱wunamiin, abe ni kájeŋgin hirim húuwe.

Epotor i 13:25

H'aamo hu buroŋ bite bu Saaŋ iŋkut bikamb aŋ'aane: “Kame aŋ'ariene íñj'eemo fu aañ? Inooto fu an ariemo u ti kanahan ku. Bare arijam: an ondu aroŋa inde hiñaawiam, abe ihaŋahaŋ káteti te o kaanuku íijendin sikaku soone.”

Galasi 2:2

Ijaja bo aŋarkeyi naane Atambatun afeeñafeeñ t'íñje eeenam iwarawar bija bo. N'irijukoor ni *sifaaf site *kéeyilene ku job, abe n'íwufooriin Hirim Heetoofe hu hih'iwaare keenooto ku Esuwif, ábuki ímaŋiit kaanuku t'áami burok b'iroke bu, man yooŋ b'ija bu karoku ni bíyemi bite fuufu.

Fílip 1:30

Hahiyu t'étuum efeeneŋ t'úemo fu íñje n'aruun. Étuum yendu efeeneŋ i ni y'arijukam i te yo, abe árimoomi kaanuku iroŋa te yo.

2 Timote 3:10

Awe bare á̱moomi akuur but bimb'iliiken ésuk i, nu hunoŋk húuma, ni b'iŋese bu tu burok búuma, ni káyilen kúuma, ni kámuñu kúuma, nu buŋ b'ímaŋie fu ésuk i, nu buŋ b'if'ijok alitee,

Kafeeñal ku 6:11

Ni kawuniin huruw fe kaawañ keefañje, abe ni kaaniin kasooñ kariiko keeyih dikee, ábuki káliloolut. Bakatiiin ni bákawiyiin keeemo ku burokiin bifeeneŋ kawarawar yooŋ kayooliee naane boko.