2 Timote 4:4 - Kwatay (Kuwaataay)

⁴ It'iŋki kajamatan múniyo mu, bare boko káwuŋgu mo kiñaawu, keejamatan bite kúsuwanooru ku.

2 Timote 4:4 Referans Kwoze

1 Timote 1:4

A̱aniin kawas kúsuwanooru kondu, ni kájatinanoor kite kuruwu kite sifaaf su kéehabanaariit kii. Bondu fe iŋi bíyitin síjeeŋoor. Búyokunanaariit an éehin burok bite Atambatun, beeemo bu iŋi bíhinee ni káyilen.

2 Piyeer 1:16

H'iribine hu irisokuun kaanuku Anahaan ite úne Yesu Kiris bíbatikeina ni sembe, kúsuwanooriiit kéetuutee k'irisokuun. Bare irijukajuk kahahu koone ni ñíkin uni féet.

1 Timote 4:7

Bare a̱teñeko kúsuwanooru keeñunut ku, keeriibut ku nu múniyo m'Atambatun áwufoore mu úne. Á̱ñiŋkaan kep á̱ajeŋgin Atambatun.

Epotor i 7:57

Ejoonana i ni kátumb fu kajaŋg t'etiir, abe ni kalof wúkondiniin. Ni káliibo kareyi fe te o,

Eleetar i yi Pool akiñje i Tit 1:14

Kawarut kajamatan kúsuwanooru kite Esuwif i abe n'aane báhamin. Kawarut yooŋ kájeŋgin buluwa bi háyine hu kéewuŋge ku múniyo mu kiñaawu kanoŋke bu keesiiŋan.

2 Timote 1:15

Naane á̱meyie i, bakate ku tu búsuk bite Asi fe káwuŋgamwuŋg kiñaawu; Fisel n'Erumosen yooŋ boko.

1 Timote 6:20

Óom Timote, a̱jok áwariee doon d'Atambatun ánihani du. A̱tey báhamin beeñunut, beeriibut nu múniyo m'Atambatun áwufoore mu úne. A̱tey síjeeŋoor su tu buroon bite bíhaŋoor búwesinato, abe yooŋ bíteiit nu múniyo.

Esuwif i 13:25

Atambatun aja ásoniyanuun arireyi fe.

Májiye 13:15

Ábuki kayaŋgayaŋg aa kikaw, iŋ'ite ho hu ñúwejet ñooniin ñínandinaariit fu; kalofalof wúkondiniin, kaanuku utum'uŋu wujam; kaŋotaŋot ñíkiniin, kaanuku itim'iŋi ñujuk. Káhinahin ii kaanuku itim kabin káwuŋgan inde íñje, íihiniin kéekoyi.»

2 Tesalonik 2:11

Bondu bíkinineŋe fu Atambatun n'áboñiniin búwejet bite kahiilaniin kayak iŋi káyilen haajuus hu.